Bɔri 9:3 - ALA KA KUMA

³ ko a ka begɛn minw be kongo la, ne, Masaba bena banajugu bila olu la, a ka soow n'a ka faliw ani a ka ɲɔgɔmɛw n'a ka misiw, ani a ka begɛnmisɛnw.

Jula NT of Côte d’Ivoire

³ o tuma i ta bɛgan minw bɛ kongo kɔnɔ, ne Matigi Ala bɛna ne ta sebagaya kɛ ka olugu bɛɛ halaki. Banajuguba dɔ bɛna i ta sow mina, ani i ta faliw, ani i ta ɲɔgɔmɛw, ani i ta misiw, ani i ta sagaw, ani i ta baw; o camanba bɛna faga.

Bɔri 9:3 Iomraidhean Croise

Damina 47:17

U nana n'u ka begɛnw ye Yusufu fɛ, ale ye dumuni d'u ma u ka soow, ni begɛnmisɛnw, ni misiw, ani faliw nɔɔ na. A ye dumuni di u ma o saan kɔnɔ, k'o falen u ka begɛnw bɛɛ la.

Zaburu 39:10

N jera, ne tena kuma tugu, bari ele le y'a to o koo ye ne sɔrɔ.

Bɔri 5:3

Musa ni Arɔn ko: «Eburuw ka Ala y'a yɛrɛ yira an na. A to an ka taga tile saba taama kɛ kongokolon kɔnɔ ka saraka bɔ Masaba ye, an ka Ala, janko a kana fɔɲɔbana bila an na, walima k'a kɛ kɛlɛ be wili an fɛ.»

Bɔri 7:4

nga masacɛ tena sɔn k'aw lamɛn fewu. Ne bena n bolo la Ezipiti kan. Ne bena bɔ ni n ka jama ye, n ka mɔgɔw, Isirayɛlidenw fanga na, u be bɔ Ezipiti jamana na.

Bɔri 8:19

Ko ne bena faranfasili kɛ a ka mɔgɔw ni ne ka mɔgɔw cɛ. K'o taamasiɲɛ kabakoman nin bena kɛ sini le.»

Amɔsi 4:10

«Fɔɲɔbana min ye Ezipiti jamana sɔrɔ, ne y'a kɛ o ɲɔgɔn wilila aw kan. Ne y'a to u y'aw ka kanbelenw faga ni murujan ye, k'aw ka soow minɛ. Ne y'a to aw ka kɛlɛdenw suuw kasa wilila u ka sigiyɔrɔ la, aw y'o mɛn. Nga aw ma sɔn ka kɔsegi ne ma.» Masaba le ko ten.

Kɛwalew 13:11

O la do, Matigi bolo bena se i ma sisan yɛrɛ. I bena kɛ fiɲɛntɔ ye fɔɔ waati dɔ, i tena tile ye.» O yɔrɔnin bɛɛ, Elimasi kɛra fiɲɛntɔ ye. A tora ka munumunu faan bɛɛ, janko ka mɔgɔ ɲini min ben'a bolo minɛ.

Sam fɔlɔ 6:9

Aw ka to k'a kɔlɔsi. N'a ye sira minɛ min be taga Bɛtisɛmɛsi faan na a ka jamana na, o kɔrɔ ko Masaba le tun ye nin kojuguba kɛ an na. N'o ma kɛ, an ben'a faamu ko ale bolo tun te an kan, ko tɔɔrɔ nin sera an ma dɔrɔn.»