Bɔri 8:8 - ALA KA KUMA

⁸ Musa ni Arɔn bɔra masacɛ ka soo. Masaba ye masacɛ tɔɔrɔ ni tɔrisenjan minw ye, Musa ye Masaba daali u kosɔn.

Jula NT of Côte d’Ivoire

⁸ Musa ni Haruna tagara ka bɔ Farawona ta so. Musa tagara Matigi Ala daari kosɛbɛ, ko a ka Farawona tɔɔrɔ ni tɔri minw ye, a ye o tɔriw mabɔ Farawona ra, ani a ta jamana ra.

Bɔri 8:8 Iomraidhean Croise

Mas fɔlɔ 13:6

Masacɛ y'a fɔ a ye ko: «Masaba i ka Ala daali ne ye, a daali janko ne bolo ka jigi.» A ye Masaba daali, masacɛ sera k'a bolo jigi, a bolo nin kɛr'a cogokɔrɔ la.

Zaburu 66:3

A fɔ Ala ye ko: «I ka kɛta be mɔgɔ kabakoya. E barika boɲa kama, e juguw b'u majigi i kɔrɔ.

Bɔri 10:16

Masacɛ ye Musa ni Arɔn wele teliya la, k'a fɔ ko: «Ne ye Masaba aw ka Ala hakɛ ta, k'aw fana hakɛ ta.

Bɔri 10:17

Ayiwa, aw ka yafa ne ma sisan ka Masaba aw ka Ala daali, waasa a ka ne kisi halakili nin ma.»

Bɔri 10:18

Musa bɔra masacɛ fɛ ka Masaba daali.

Bɔri 14:5

Tuma min na a fɔra Ezipiti masacɛ ye ko Isirayɛli jama bolila ka taga, a n'a ka mɔgɔbabaw ka miiriya yɛlɛmana jama koo la. U ko: «Mun y'a to an ye nin kɛ, ka sira di Isirayɛlidenw ma ka taga? U tena baara kɛ an ye tugu!»

Bɔri 32:11

Musa ye Masaba, a ka Ala daali kosɔbɛ ko a ka sabali. A ko: «Masaba, e y'i ka jama min bɔ Ezipiti n'i yɛrɛ ka sebagaya n'i ka fanga ye, mun na i be dimi u kɔrɔ ten?

Bɔri 5:2

Ezipiti masacɛ ko: «Masaba ye jɔn ye, fɔɔ ne ka sɔn a ta ma k'a to Isirayɛlidenw ka taga? Ne te Masaba lɔn, ne tena sɔn Isirayɛlidenw ka taga yɔrɔ si.»

Bɔri 8:15

Lɔnnikɛlaw y'a fɔ Ezipiti masacɛ ye ko: «Nin ye Ala ka baara nɔɔ ye dɛ!» O bɛɛ n'a ta, ka kɛɲɛ ni Masaba ka kuma fɔnin ye, masacɛ dusu gwɛlɛyanin tora, a ma sɔn ka mɛnni kɛ Musa ni Arɔn fɛ.

Bɔri 8:9

Musa ye min daali, Masaba y'o kɛ. Tɔrisenjanw sara soow, ni luuw, ani forow kɔnɔ.

Bɔri 9:27

Ezipiti masacɛ ye Musa ni Arɔn wele k'a fɔ u ye ko: «Sisan, ne ye hakɛ kɛ. Tiɲɛ be Masaba fɛ, ne ni n ka mɔgɔw le filila.

Bɔri 9:28

Aw ka Masaba daali, janko saan kana pɛrɛn, sanbɛrɛ kana ben tugu. Ne ben'a to aw be taga, ne tena aw bali tugu.»

Bɔri 9:33

Musa bɔra masacɛ fɛ ka se dugu kɔfɛ tuma min na, a y'a bolow wili Masaba faan fɛ. Sanpɛrɛn ni sanbɛrɛ lɔra, sanji lɔra.

Jateri 21:7

Jama nana Musa fɛ k'a fɔ ko: «An ye kumajugu fɔ e ni Masaba ma tuma min na, an ye hakɛ kɛ. I ka Masaba daali ko a ka saa nunu bɔ an cɛma.» Musa ye Masaba daali jama ye.

Kɛwalew 8:24

O la, Simɔn ko: «Aw yɛrɛ ka Matigi daali ne ye, waasa aw ye min fɔ, o kana n sɔrɔ.»

Sam fɔlɔ 12:19

Jama bɛɛ y'a fɔ Samuyɛli ye ko: «I ka Masaba i ka Ala daali i ka baaradenw ye, janko an kana sa, bari an ye masacɛ ɲini ka dɔ fara an ka hakɛ le kan.»