Bɔri 7:5 - ALA KA KUMA

⁵ Ni ne ye ne bolo la Ezipiti kan loon min na ka Isirayɛlidenw bɔ u cɛma, o tuma na, Ezipitikaw ben'a lɔn ko ne le ye Masaba ye.»

Jula NT of Côte d’Ivoire

⁵ Ni ne nana ne ta sebagaya yira Misirankaw ra tuma min na, ka o tɔɔrɔ, ka Izirayɛlimɔgɔw bɔ o cɛ ra, o tuma le ra o bɛna a lɔn ko ne le ye Matigi Ala ye.»

Bɔri 7:5 Iomraidhean Croise

Zaburu 138:7

Hali ni ne be dusukasi la, e b'a kɛ n be to nii na, e ka fanga be ne kisi. E b'a kɛ n juguw ka dimi be to u la.

Zaburu 9:16

Siyaw ye dingɛ minw sogi, u benna olu le kɔnɔ. U ye jɔɔ minw la dogo la, u minɛna olu le kɔnɔ.

Bɔri 10:2

waasa ne fariyara Ezipitikaw ma cogo min na, ka kabako minw kɛ u cɛma, i ka se k'o lakali i deenw n'i mamadenw ye. Ani aw ka se k'a lɔn ko ne lo ye Masaba ye.»

Bɔri 10:7

Masacɛ ka mɔgɔbabaw y'a fɔ a ye ko: «Cɛɛ nin bena to k'an tɔɔrɔ fɔɔ tuma jumɛn? A to jama nin ka taga Masaba u ka Ala bato. Yala i m'a lɔn halibi ko Ezipiti cɛnna ka ban wa?»

Bɔri 14:18

Ni ne ye boɲa sɔrɔ masacɛ n'a ka wotorow, n'a ka sotigiw kosɔn tuma min na, Ezipitikaw ben'a lɔn ko ne ye Masaba le ye.»

Bɔri 14:4

Ne ben'a dusu gwɛlɛya, a bena tugu aw kɔ. Nga ale n'a ka kɛlɛdenw bɛɛ bena kɛ sababu ye ne be boɲa sɔrɔ. Ezipitikaw ben'a lɔn ko ne ye Masaba le ye.» Fɛɛn min fɔra Isirayɛlidenw ye, u y'o le kɛ.

Bɔri 18:8

Masaba ye min kɛ Ezipiti masacɛ ni Ezipitikaw la ka Isirayɛlidenw dɛmɛ, Isirayɛlidenw ye gwɛlɛya minw bɛɛ sɔrɔ sira la, ani Masaba y'u kisi cogo min na, Musa y'o bɛɛ lakali a birancɛ ye.

Bɔri 3:20

O la, n bolo bena se Ezipitikaw ma ka kabako sifa bɛɛ kɛ u cɛma k'u tɔɔrɔ. O kɔ, a ben'a to aw be taga.

Bɔri 6:1

Masaba y'a fɔ Musa ye ko: «Ne bena min kɛ Ezipiti masacɛ la, i bena o ye sisan. Ne bolo barikaman sababu la, a bena sɔn Isirayɛlidenw ka taga. Ne bolo barikaman sababu la, a yɛrɛ bena u gwɛn ka bɔ a ka jamana kɔnɔ.»

Bɔri 6:6

O la, i k'a fɔ Isirayɛlidenw ye ko ne le ye Masaba ye. Ne bena aw bɔ Ezipitikaw ka fanga kɔrɔ, ne bena aw bɔsi ka bɔ u ka jɔnya la. Ne bena u ɲaa gwan kosɔbɛ k'aw kisi ni sebagaya ye.

Bɔri 7:17

O la, ko i ben'a lɔn ko ale ye Masaba ye cogo min na, o filɛ: bere min be ne bolo, ne bena Nili baji gosi n'o ye, jii bena yɛlɛma ka kɛ joli ye.

Bɔri 8:10

Mɔgɔw y'u cɛ k'u tonton. Jamana kasa goyara kosɔbɛ.

Bɔri 8:19

Ko ne bena faranfasili kɛ a ka mɔgɔw ni ne ka mɔgɔw cɛ. K'o taamasiɲɛ kabakoman nin bena kɛ sini le.»

Bɔri 8:22

Musa ko: «O tena bɛn, an bena saraka min bɔ Masaba an ka Ala ye, o ye Ezipitikaw tana ye. N'an b'o kɛra u ɲana, u tena an bon ni kabakuruw ye wa?

Ezekiyɛli 25:17

Ne bena n mɔnɛ bɔ u la k'u ɲaa gwan. Ni ne ye n mɔnɛ bɔ u la tuma min na, u ben'a lɔn ko ne ye Masaba le ye.»

Ezekiyɛli 28:22

A fɔ ko ne Matigi, Masaba ko: Sidɔn, ne be nana i kama. Ne bena boɲa sɔrɔ i kɔnɔ. Ni ne y'i kɔnɔ mɔgɔw ɲaa gwan k'a yira ko ne ɲɔgɔn te tuma min na, u ben'a lɔn ko ne ye Masaba le ye.

Ezekiyɛli 32:15

Ni ne ye Ezipiti kɛ yɔrɔkolon ye, ni n ye jamana kɔnɔ fɛɛnw bɛɛ cɛ ka bɔ yen, ni n y'a kɔnɔ mɔgɔw bɛɛ faga tuma min na, o tuma na, u ben'a lɔn ko ne ye Masaba le ye.

Ezekiyɛli 36:23

Aw ye ne tɔgɔba min cɛn siya wɛrɛw cɛma, ne bena nɔɔrɔ la o kan. Ni ne y'o kɛ u ɲana aw sababu la, u ben'a lɔn ko ne ye Masaba le ye. Ne Matigi, Masaba le ko ten.

Ezekiyɛli 39:22

K'a ta o loon na, Isirayɛlidenw ben'a lɔn ko ne le ye Masaba u ka Ala ye.

Ezekiyɛli 39:7

Ne ben'a kɛ ne tɔgɔ senuman be bɔ ne ka jama Isirayɛli cɛma. Ne tena sɔn a ka cɛn tugu. Siyaw ben'a lɔn ko ne ye Masaba le ye, Isirayɛlidenw ka Ɲumaman.