Bɔri 7:16 - ALA KA KUMA

¹⁶ I k'a fɔ a ye ko: ‹Masaba, eburuw ka Ala tun ye ne ci k'a fɔ i ye ko i k'a to a ka jama ka ta'a bato kongokolon kɔnɔ. Halibi i ma sɔn ka mɛnni kɛ.

Jula NT of Côte d’Ivoire

¹⁶ I ye a fɔ a ye ko: ‹Matigi Ala, Heburuw ta Ala ka ne ci i fɛ, ko ne ye a fɔ i ye ko i y’a to ale ta mɔgɔw ye taga, ka taga ale bato kongo kɔnɔ. Nka hali bi i tɛ sɔnna o kuma ma.

Bɔri 7:16 Iomraidhean Croise

Bɔri 10:3

Musa ni Arɔn tagara masacɛ fɛ k'a fɔ a ye ko: «Masaba, eburuw ka Ala ko i bena ban k'i yɛrɛ majigi ale kɔrɔ fɔɔ tuma jumɛn? Ko i k'a to ale ka jama ka ta'a bato.

Bɔri 13:15

Masacɛ tun te sɔnna an ka taga minkɛ, o la, Masaba ye Ezipitikaw deen fɔlɔw, n'u ka begɛnw deen fɔlɔw bɛɛ faga. O le y'a to an be begɛnw deen fɔlɔ cɛmanw bɛɛ di Masaba ma k'o kɛ saraka ye, ani k'an dencɛ fɔlɔw kunmabɔ.›

Bɔri 14:5

Tuma min na a fɔra Ezipiti masacɛ ye ko Isirayɛli jama bolila ka taga, a n'a ka mɔgɔbabaw ka miiriya yɛlɛmana jama koo la. U ko: «Mun y'a to an ye nin kɛ, ka sira di Isirayɛlidenw ma ka taga? U tena baara kɛ an ye tugu!»

Bɔri 3:12

Ala ko: «Ne bena to n'i ye. Taamasiɲɛ min b'a yira ko ne le y'i ci, o ye nin ye: N'i ye jama bɔ Ezipiti tuma min na, aw bena ne bato kulu nin kan.»

Bɔri 3:13

Musa y'a fɔ Ala ye ko: «Ayiwa, ni ne tagara Isirayɛlidenw fɛ k'a fɔ u ye k'u bɛmaw ka Ala ye ne ci u ma, n'u ye ne ɲininga a tɔgɔ la, ne bena mun fɔ u ye?»

Bɔri 3:18

Cɛkɔrɔbaw bena mɛnni kɛ i fɛ. O kɔ, e ni Isirayɛli cɛkɔrɔbaw bena taga Ezipiti masacɛ fɛ k'a fɔ a ye ko Masaba, eburuw ka Ala y'a yɛrɛ yira aw la. Ko a k'a to aw be taga tile saba taama kɛ kongokolon kɔnɔ, janko aw ka saraka bɔ Masaba aw ka Ala ye.

Bɔri 4:22

I k'a fɔ masacɛ ye ko ne, Masaba ko Isirayɛli le ye ne ka dencɛ fɔlɔ ye.

Bɔri 4:23

Ko ne tun ko a k'a to ne deen be taga n bato. Ko a ma sɔn k'a to minkɛ, ne ben'a yɛrɛ dencɛ fɔlɔ faga.»

Bɔri 7:4

nga masacɛ tena sɔn k'aw lamɛn fewu. Ne bena n bolo la Ezipiti kan. Ne bena bɔ ni n ka jama ye, n ka mɔgɔw, Isirayɛlidenw fanga na, u be bɔ Ezipiti jamana na.

Bɔri 8:1

Masaba y'a fɔ Musa ye ko: «A fɔ Arɔn ye ko a k'a ka bere kɔrɔta bajiw ni kɔɔw ni wolonkotow sanfɛ janko tɔrisenjanw ka don Ezipiti jamana kɔnɔ.»

Bɔri 8:20

Masaba y'o koo kɛ ten. Limɔgɔjugu caaman donna masacɛ n'a ka mɔgɔbabaw ka soow kɔnɔ, ni jamana bɛɛ kɔnɔ. Limɔgɔw ye jamana faan bɛɛ cɛn.

Bɔri 9:1

Masaba y'a fɔ Musa ye ko: «Taga Ezipiti masacɛ fɛ, k'a fɔ a ye ko ne, Masaba, eburuw ka Ala ko a k'a to ne ka jama ka taga ne bato.

Bɔri 9:13

O kɔ, Masaba y'a fɔ Musa ye ko: «Wili sɔgɔma joona ka taga Ezipiti masacɛ kunbɛn k'a fɔ a ye ko ne Masaba, eburuw ka Ala ko a k'a to ne ka jama ka taga ne bato.

Ezayi 45:13

Ne le ye Sirusi woloma n ka tilenninya kosɔn, ne ben'a ka siraw bɛɛ dakɛɲɛ. Ale lo bena n ka dugu lɔ kura ye, U tun ye ne ka mɔgɔ minw minɛ ka taga n'u ye, ale bena olu bila ka taga, hali u tena foyi sara, u tena boɲafɛn di.» Masaba, Setigi le ko ten.

Yeremi 50:33

Masaba, Setigi ko: «Isirayɛli ni Zuda mara mɔgɔw tɔɔrɔnin be ɲɔgɔn fɛ. U minɛbagaw bɛɛ b'u kɔlɔsira ka ɲa, u t'a fɛ k'u bila.