Bɔri 6:6 - ALA KA KUMA

⁶ O la, i k'a fɔ Isirayɛlidenw ye ko ne le ye Masaba ye. Ne bena aw bɔ Ezipitikaw ka fanga kɔrɔ, ne bena aw bɔsi ka bɔ u ka jɔnya la. Ne bena u ɲaa gwan kosɔbɛ k'aw kisi ni sebagaya ye.

Jula NT of Côte d’Ivoire

⁶ O kosɔn, a fɔ Izirayɛlimɔgɔw ye ko: ‹Ne le ye Matigi Ala ye; Misirankaw ka jagboyabaara min la aw kan, ne bɛna aw bɔsi ka bɔ o ra. Ne bɛna aw kisi ka aw bɔ o ta jɔnya ra. Ne bɛna aw kisi ne ta sebagayaba baraka ra, ka kitibaw ben Misirankaw kan.

Bɔri 6:6 Iomraidhean Croise

Mas fɔlɔ 8:42

bari u ben'a lɔn ko i tɔgɔ ka bon, ani ko fanga b'i fɛ, ani barika b'i la, n'a nana k'a ɲaa sin soo nin ma k'i daali,

Mas 2nan 17:36

Ne Masaba min y'aw bɔ Ezipiti jamana na ni fangaba ye, ni ne bolo barikaman ye, aw ka kan ka siran ne le ɲa, ani k'aw kunbiri gwan ne ɲakɔrɔ ka saraka bɔ ne ye.

Lok fɔlɔ 17:21

Siya wɛrɛ be yen dugukolo kan tugu min be i n'a fɔ i ka jama Isirayɛli wa? Siyaw cɛma, ele, olu ka Ala dɔrɔn y'u kunmabɔ, k'u kɛ e yɛrɛ taw ye, janko i tɔgɔ ka se ka bɔ. O la, e ye kabakobabaw kɛ u ka jamana ye. Siya wɛrɛ be yen tugu min be i ka siya nin bɔ wa? I ye min bɔ Ezipiti jamana na, o yɔrɔ siya bolo.

Nehemi 1:10

Masaba, u kɛra ele ka baaradenw, n'i ka jama ye, ele le y'u kunmabɔ i ka sebagaya la n'i bolo barikaman ye.

Zaburu 77:16

E y'i ka jama bɔsi n'i ka setigiya ye, jama min ye Yakuba n'a deen Yusufu kɔmɔgɔw ye.

Zaburu 81:11

Ne Masaba aw ka Ala le y'aw bɔ Ezipiti jamana na. Aw k'aw daa yɛlɛ kosɔbɛ, ne ben'a fa.»

Zaburu 81:6

O ye sariya ye a ye min sigi Yusufu ka somɔgɔw ye, tuma min na a tun wilila Ezipiti jamana kama. Ne ye kaan dɔ mɛn n te min lɔn.

Zaburu 81:7

A ko: «Ne ye doni jigi ka bɔ aw gaman kan. Ne y'a kɛ aw ye biriki doni bila.

Bɔri 1:11

O la, Ezipitikaw ye baarakuntigiw sigi Isirayɛlidenw kunna, janko olu k'u tɔɔrɔ ni fangabaara ye. O cogo la, u ye suman maraduguw lɔ Ezipiti masacɛ ye, o minw ye Pitɔmu ni Aramusɛsi ye.

Bɔri 12:41

O saan kɛmɛ naani ni bi saba dafa loon yɛrɛ la, Masaba ka jamaw bɛɛ bɔra Ezipiti.

Bɔri 12:51

O loon yɛrɛ la, Masaba ye Isirayɛlidenw bɔ Ezipiti jɛnkulu jɛnkulu.

Bɔri 13:14

Sini ma sini ma, n'aw deenw y'aw ɲininga ko: ‹Nin kɛkun ye mun ye?›, aw k'a fɔ u ye ko: ‹Masaba ye an bɔ Ezipiti jɔnya la ni barika ye.

Bɔri 13:16

Ayiwa, a bena kɛ taamasiɲɛ ye aw fɛ, i n'a fɔ bolo kan taamasiɲɛ ni teen na ta. Bari Masaba y'an bɔ Ezipiti jamana kɔnɔ n'a yɛrɛ ka sebagaya ye.»

Bɔri 13:3

Musa y'a fɔ jama ye ko: «Aw bɔra jɔnya la loon min na Ezipiti, aw k'aw hakili to o loon na, saan o saan, ka ɲanagwɛ kɛ o loon na, bari Masaba ye aw bɔ yen ni barika ye. Aw man kan ka buru dumu, fununan be min na.

Bɔri 15:13

E ye jama min kunmabɔ i ka makari kosɔn, i y'u dɛmɛ u ka taama na. I y'u dɛmɛ ka taga i ka yɔrɔ la, i ka sebagaya barika la.

Bɔri 16:6

O la, Musa ni Arɔn y'a fɔ Isirayɛlidenw bɛɛ ye ko: «Bii wulafɛ, aw ben'a lɔn ko Masaba le y'aw bɔ Ezipiti.

Bɔri 18:1

Masa Ala ye min kɛ Musa n'a ka jama Isirayɛli ye, k'o bɔ Ezipiti jamana kɔnɔ, Musa birancɛ Zetoro y'o kibaru bɛɛ mɛn, ale min tun ye Madiyan murutigi ye.

Bɔri 2:11

Musa kɛra mɔgɔkɔrɔba ye tuma min na, loon dɔ, a tagar'a balima Isirayɛlidenw fɛ. U be baara gwɛlɛman minw kɛra, a y'o ye. A ye Ezipitika dɔ ye, min tun b'ale Musa balima eburu dɔ bugɔra.

Bɔri 3:17

Ko ne ko n bena u bɔ Ezipiti jamana tɔɔrɔ la ka taga n'u ye kanaanw ni itiw, ani amoriw ni periziw ni iviw ani zebuziw ka jamana na, nɔnɔ ni lii ka ca o min kɔnɔ kosɔbɛ, jamana diman lo.

Bɔri 3:8

O la, ne jigira waasa k'u bɔsi Ezipitikaw bolo k'u bɔ o jamana nin na ka taga n'u ye jamanaɲuman na, min ka bon haali, nɔnɔ ni lii ka ca yɔrɔ min na kosɔbɛ, jamana diman lo. Kanaanw ni itiw, ani amoriw ni periziw, ni iviw ani zebuziw ka jamana lo.

Bɔri 32:11

Musa ye Masaba, a ka Ala daali kosɔbɛ ko a ka sabali. A ko: «Masaba, e y'i ka jama min bɔ Ezipiti n'i yɛrɛ ka sebagaya n'i ka fanga ye, mun na i be dimi u kɔrɔ ten?

Bɔri 6:2

Ala y'a fɔ Musa ye tugu ko: «Ne ye Masaba ye.

Bɔri 6:29

a y'a fɔ a ye ko: «Ne ye Masaba ye. Ne be min fɔ i ye, i k'o bɛɛ fɔ Ezipiti masacɛ ye.»

Bɔri 6:8

Ne ye layidu ta ko ne bena jamana min di Ibrayima ni Isiyaka ani Yakuba ma, ne bena taga n'aw ye o jamana nin kɔnɔ k'a di aw ma a ka kɛ aw ta ye. Ne ye Masaba le ye.»

Bɔri 7:4

nga masacɛ tena sɔn k'aw lamɛn fewu. Ne bena n bolo la Ezipiti kan. Ne bena bɔ ni n ka jama ye, n ka mɔgɔw, Isirayɛlidenw fanga na, u be bɔ Ezipiti jamana na.

Bɔri 7:5

Ni ne ye ne bolo la Ezipiti kan loon min na ka Isirayɛlidenw bɔ u cɛma, o tuma na, Ezipitikaw ben'a lɔn ko ne le ye Masaba ye.»

Ezayi 9:12

Nga jama ma kɔsegi u bugɔbaga ma. U ma Masaba, Setigi yɔrɔ ɲini.

Ezayi 9:17

Bari juguya ka fari i ko tasuma. A be ŋɔniw jɛni ka tuu mana, sisiba be wili sankolo la.

Yeremi 21:5

Ne yɛrɛ le bena aw kɛlɛ, n bena n bolo fariman kɔrɔta aw kama ni dimiba ye.

Yeremi 27:5

Ne le ye dugukolo, ni mɔgɔw, ani begɛnw dan ni n ka fanga ni n ka setigiya ye. Ni ne b'a fɛ ka dugukolo di mɔgɔ min ma, n b'a di o tigi ma.

Yeremi 32:21

E y'i ka jama Isirayɛli bɔ Ezipiti jamana la n'i be taamasiɲɛw ni kabakow kɛra, an'i ka setigiya n'i ka fanga ye, minw be siranya bila mɔgɔ la haali.

Ezekiyɛli 20:33

Ne Matigi, Masaba ko: Ne tɔgɔ kosɔn, ne dimininba bena aw mara n ka sebagaya la.

Kɛwalew 13:17

Ala y'an zuwifuw bɛmaw koo diya a yɛrɛ ye. A y'a kɛ u cayara Ezipiti jamana na. O kɔ, a y'a ka setigiya yira, a y'an bɛmaw bɔ o yɔrɔ la.

Sariya 11:2

«Aw kɔni be o koow lɔn, n kaan te aw deenw ma, olu m'u ye, u m'u lɔn. Aw ye Masaba aw ka Ala ka ladili sɔrɔ. Min ye a ka boɲa, n'a ka fangatigiya ani a ka setigiya ye,

Sariya 15:15

Aw hakili ka to a la ko aw tun ye jɔɔnw ye Ezipiti, ani ko Masaba aw ka Ala y'aw hɔrɔnya. O kosɔn, ne be nin fɔ aw ye bii.

Sariya 26:8

O la, a y'an bɔ Ezipiti n'a bolo barikaman ni sebagayaba ye. A y'an bɔ yen n'a ka siranyakobaw, ni taamasiɲɛw ni kabakow ye.

Sariya 4:23

Aw k'aw yɛrɛ minɛ kosɔbɛ, Masaba aw ka Ala ye bɛɛn min kɛ n'aw ye, aw kana ɲinɛ o kɔ. Aw kana joo dilan fɛɛn si jaa la, Masaba y'aw bali min na.

Sariya 4:34

Masaba aw ka Ala ye koo min bɛɛ kɛ aw ye Ezipiti jamana na, aw y'o ye. Batofɛn wɛrɛ be yen min y'o ɲɔgɔn kɛ wa? Ka siya dɔ ta ka bɔ ni sebagaya ye siya wɛrɛ cɛma ni taamasiɲɛw ani kabakow ye, ani ka kɛlɛ kɛ, ka siranyakow kɛ.

Sariya 5:15

Aw kana ɲinɛ ko aw tun ye jɔɔnw ye Ezipiti, ani ko ne Masaba aw ka Ala y'aw bɔ n ka sebagaya barika la. O kosɔn, n y'a ɲini aw fɛ ko aw ka lafiɲɛlon bato.

Sariya 6:12

aw k'aw yɛrɛ kɔlɔsi. Aw kana ɲina Masaba kɔ ale min y'aw bɔ Ezipiti, aw tun ye jɔɔnw ye yɔrɔ min na.

Sariya 7:19

A ye gwɛlɛya min lase u ma, ani ka taamasiɲɛ ni kabako minw kɛ ni sebagaya ye, tuma min na a tun ye aw bɔ u ka jamana kɔnɔ, aw ɲaa y'o ye. Aw be siran siya minw bɛɛ ɲa, a bena olu fana kɛ ten.

Sariya 7:8

Nga aw koo ka di Masaba ye, ani a ye layidu min ta aw bɛmaw ye, a y'o dafa. O la, a y'aw bɔsi Ezipiti masacɛ bolo k'aw bɔ jɔnya la, ani k'a to aw bɔra jamana nin kɔnɔ a ka sebagaya barika la.

Sariya 9:29

Masaba, i ka jama lo, e ta lo, ele lo bɔra n'u ye i ka fanga n'i ka sebagaya barika la.›