Bɔri 6:3 - ALA KA KUMA

³ Ne ye n yɛrɛ yira Ibrayima ni Isiyaka ni Yakuba la ka tɔgɔ min fɔ u ye, o ye Setigi Ala ye. Nga ne ma n yɛrɛ yira u la k'a fɔ ko ne tɔgɔ ko Masaba.

Jula NT of Côte d’Ivoire

³ Ne ka ne yɛrɛ yira Iburahima ni Isiyaka ni Yakuba ra, ko ne le ye Sebɛɛtigi Ala ye. Nka ne tɔgɔ min ye ko Matigi Ala, o ma ne lɔn o tɔgɔ ra.

Bɔri 6:3 Iomraidhean Croise

Damina 13:18

Abramu wilila ka ta'a ka fanibuguw lɔ Manbure joyiriw gɛrɛfɛ Eburɔn, ka sigi yen. A ye sarakabɔyɔrɔ lɔ Masaba ye o yɔrɔ la.

Damina 17:1

Abramu saan bi kɔnɔntɔn ni kɔnɔntɔnnan na, Masaba y'a yɛrɛ yira a la k'a fɔ a ye ko: «Ne le ye Setigi Ala ye. I ka taama ne ɲakɔrɔ cogoɲuman na.

Damina 22:14

Ibrayima y'o yɔrɔ nin tɔgɔ la ko Masaba bena o ɲanabɔ. Fɔɔ ka se bii ma, u b'a fɔ ko: «Masaba bena o ɲanabɔ a ka kulu kan.»

Damina 28:3

Setigi Ala ka barika don i la, ka deen caaman d'i ma janko i ka kɛ siya caaman faa ye.

Damina 35:11

Ala y'a fɔ a ye ko: «Ne ye Setigi Ala ye. Ne bena deen caaman d'i ma, k'i kɔmɔgɔw caya. I bena kɛ siya faa ye, i yɛrɛ bena kɛ siya caaman faa ye. Masacɛw bena bɔ i kɔmɔgɔw la.

Damina 48:3

Yakuba y'a fɔ Yusufu ye ko: «Ka ne to Luzi, Kanaan jamana na, Setigi Ala y'a yɛrɛ yira ne la, ka hɛrɛ kɛ ne ye.

Zaburu 68:4

Nga mɔgɔtilenninw bena nisɔndiya, u bena nisɔndiya kosɔbɛ Ala ɲakɔrɔ.

Zaburu 83:18

U ka maloya, u ka siran tuma bɛɛ. Jigi kana sɔrɔ u fɛ tugu, u ka halaki

Bɔri 15:3

Masaba ye kɛlɛkuntigi ye, a tɔgɔ le ko Masaba.

Bɔri 23:21

Aw ka mɛnni kɛ a fɛ ka sɔn a ta ma. Aw kana muruti a ma. Ne le y'a ci minkɛ, a tena aw ka murutili yafa.

Bɔri 3:14

Ala y'a fɔ Musa ye ko: «Ne tɔgɔ ko ‹Ne ye min ye, n y'o ye.› I ben'a fɔ Isirayɛlidenw ye ko ‹Ne ye min ye› le y'i ci u fɛ.»

Ezayi 42:8

Ne le ye Masaba ye, n tɔgɔ be ten le! Boɲa min ka kan ni ne ye, n ten'a to o be la mɔgɔ wɛrɛ kan. Tanuli min ka kan ni ne ye, n ten'a to o ka se joow ma.

Ezayi 44:6

Masaba, Isirayɛli ka Masa n'a kunmabɔbaga, Masaba, Setigi y'a fo ko: «Ne le ye fɔlɔ ye, ne le ye laban ye. Ka ne niin bɔ a la, Ala dɔ wɛrɛ te yen.

Yeremi 16:21

Masaba ko: «Ayiwa, ne bena lɔnniya d'u ma. Sisan, ne bena n seko ni n ka sebagaya yira u la. O la, u ben'a lɔn ko ne tɔgɔ le ko Masaba.

Yeremi 33:2

«Masaba min ye dugukolo dan k'a dilan, ka barika don a la, ale min tɔgɔ ko Masaba, a ko:

Ezekiyɛli 20:5

«A fɔ u ye ko ne Matigi, Masaba ko: Ne ye Isirayɛli woloma loon min na, ne ye n daa di sɔbɛ la Yakuba kɔmɔgɔw ma, ka n yɛrɛ yira u la Ezipiti jamana na. Ne ye layidu ta u ye ko ne bena kɛ Masaba ye, u ka Ala.

Ezekiyɛli 37:13

Ne ka mɔgɔw, ni ne y'aw ka kaburuw dayɛlɛ k'aw bɔ u kɔnɔ tuma min na, o tuma na, aw ben'a lɔn ko ne ye Masaba ye.

Ezekiyɛli 37:6

Ne bena fasa don aw la ka farisogo di aw ma, k'aw farisogo datugu ni golo ye. Ne bena nii don aw la, aw bena segi ka kɛ nimanw ye. Aw ben'a lɔn ko ne ye Masaba ye.› »

Yuhana 8:58

Yezu y'a fɔ u ye ko: «Tiɲɛ tiɲɛ na, ne b'a fɔ aw ye ko sanni Ibrayima ka wolo, ne tun be yen.»

Yirari 1:4

Krista ka jamakulu wolonwula minw be Azi mara la, ne Zan be sɛbɛ nin ci aw ma. Ala min be yen, ale tun be yen, ani ale lo bena na. Ale n'a ka nii wolonwula minw be masasigilan ɲakɔrɔ, olu ka nɛɛma ni hɛrɛ kɛ aw ye.

Ruti 1:20

Nawomi y'a fɔ u ye ko: «Aw kana ne wele Nawomi tugu, aw ka n wele Mara, bari Setigi ye ne dusu kasi.