Bɔri 6:1 - ALA KA KUMA

¹ Masaba y'a fɔ Musa ye ko: «Ne bena min kɛ Ezipiti masacɛ la, i bena o ye sisan. Ne bolo barikaman sababu la, a bena sɔn Isirayɛlidenw ka taga. Ne bolo barikaman sababu la, a yɛrɛ bena u gwɛn ka bɔ a ka jamana kɔnɔ.»

Jula NT of Côte d’Ivoire

¹ Ayiwa, Matigi Ala k’a fɔ Musa ye ko: «Ne bɛna min kɛ Farawona ra, i bɛna o ye sisan. Ne ta sebagaya bɛna a jagboya k’a to a ye Izirayɛlimɔgɔw bla ka taga. Ne ta sebagaya bɛna a kɛ fɔ Farawona bɛna aw gbɛn yɛrɛ ka bɔ a ta jamana kɔnɔ.»

Bɔri 6:1 Iomraidhean Croise

Mas 2nan 7:19

Kɛlɛdenw kuntigi nin tun y'a fɔ Ala ka mɔgɔ ye ko hali ni Masaba ye sankolo daa yɛlɛ, k'o koo nin tena se ka kɛ. O la, Elize tun y'a fɔ a ye ko: «E ɲaa bena la koo nin kan, nga e ten'a dumu fewu!»

Mas 2nan 7:2

Kɛlɛdenw kuntigi min tun ye masacɛ ka bolo layɔrɔ ye, ale y'a fɔ Ala ka mɔgɔ ye ko hali ni Masaba ye sankolo daa yɛlɛ, k'o koo te se ka kɛ. O la, Elize y'a fɔ a ye ko: «E ɲaa kɔni bena la koo nin kan, nga e ten'a dumu fewu!»

Lok 2nan 20:17

Aw tena kɛlɛ kɛ. Aw ka taga aw yɛrɛ yira dama, Masaba bena min kɛ k'aw kunmabɔ, aw ka lɔ k'o filɛ. Zeruzalɛmukaw, ni Zuda mara mɔgɔw, aw kana siran, aw jaa kana tigɛ. Sini, aw ka bɔ k'u kunbɛn, Masaba bena to aw fɛ.»

Zaburu 12:5

Olu minw b'a fɔra ko see b'u ye u ka kuma barika la, ko u daa b'u fɛ, ko: «Jɔn le be se ka kɛ an kuntigi ye?»

Zaburu 12:6

O la, Masaba ko ale bena wili ka dɔ kɛ, bari u be dɛsɛbagatɔw sigɛnna, ɲanibagatɔw be ŋunanna. U be mɔgɔ minw tɔɔrɔla, ko ale bena olu dɛmɛ.

Zaburu 136:12

A y'o kɛ n'a ka setigiya ye, a ka ɲumanya te ban abada.

Zaburu 89:13

Kɔgɔdugu ɲafan ni worodugu be yen ele barika la. Nisɔndiya mankan be kɛ Tabɔri ni Ɛrɛmɔn kulu kan e kosɔn.

Bɔri 11:1

Masaba y'a fɔ Musa ye ko: «Ne bena tɔɔrɔ dɔ wɛrɛ lase Ezipiti masacɛ ni Ezipitikaw ma tugu. O seen fɛ, a ben'a to aw be taga. O tuma na, a bena aw gwɛn ka bɔ yan yɛrɛ.

Bɔri 12:31

O suu kelen yɛrɛ la, Ezipiti masacɛ ye Musa ni Arɔn wele k'a fɔ u ye ko: «Aw ye wili ka taga ka bɔ ne ka jama cɛma, aw ni Isirayɛlidenw bɛɛ! Aw ye taga Masaba bato i n'a fɔ aw y'a fɔ cogo min na.

Bɔri 12:33

Ezipitikaw ye Isirayɛli jama bagabaga, k'u ka bɔ jamana kɔnɔ joona joona. Bari u tun be miiri ko n'u ma bɔ joona, u bɛɛ bena sa.

Bɔri 12:39

U bɔra ni mugu min ye Ezipiti, u ye o yiran ŋɔmi ye. Fununan tun t'o la, bari u tun ye u gwɛn ka bɔ le, o la, u tun ma se ka dumuni labɛn.

Bɔri 13:14

Sini ma sini ma, n'aw deenw y'aw ɲininga ko: ‹Nin kɛkun ye mun ye?›, aw k'a fɔ u ye ko: ‹Masaba ye an bɔ Ezipiti jɔnya la ni barika ye.

Bɔri 13:16

Ayiwa, a bena kɛ taamasiɲɛ ye aw fɛ, i n'a fɔ bolo kan taamasiɲɛ ni teen na ta. Bari Masaba y'an bɔ Ezipiti jamana kɔnɔ n'a yɛrɛ ka sebagaya ye.»

Bɔri 13:3

Musa y'a fɔ jama ye ko: «Aw bɔra jɔnya la loon min na Ezipiti, aw k'aw hakili to o loon na, saan o saan, ka ɲanagwɛ kɛ o loon na, bari Masaba ye aw bɔ yen ni barika ye. Aw man kan ka buru dumu, fununan be min na.

Bɔri 13:9

O bena kɛ aw fɛ i n'a fɔ taamasiɲɛ aw bolo kan, n'aw teen na, k'aw hakili jigi o la ko Masaba ka sariya kuma ka kan ka to aw daa la tuma bɛɛ, bari a y'aw bɔ Ezipiti jamana kɔnɔ a ka sebagaya barika la.

Bɔri 14:13

Musa y'a fɔ jama ye ko: «Aw kana siran. Aw y'aw jaa gwɛlɛya. Masaba bena aw kisi cogo min na, aw bena o ye. Aw ɲaa be Ezipitika minw na bii, aw tena u ye tugu abada.

Bɔri 15:6

Masaba, i kinibolo y'i ka sebagaya yira. Masaba, i kinibolo y'an jugu nɔɔni.

Bɔri 7:4

nga masacɛ tena sɔn k'aw lamɛn fewu. Ne bena n bolo la Ezipiti kan. Ne bena bɔ ni n ka jama ye, n ka mɔgɔw, Isirayɛlidenw fanga na, u be bɔ Ezipiti jamana na.

Bɔri 7:5

Ni ne ye ne bolo la Ezipiti kan loon min na ka Isirayɛlidenw bɔ u cɛma, o tuma na, Ezipitikaw ben'a lɔn ko ne le ye Masaba ye.»

Ezayi 63:12

Ale lo tun be Musa kinibolo fɛ n'a b'a ka sebagaya yirala. Ale lo ye baji cɛtigɛ fila u ɲa ka tɔgɔba sɔrɔ min koo fɔli tena ban.

Jateri 11:23

Masaba ye Musa jaabi ko: «Yala, see te ne ye wa? Sisan i ben'a ye, ne ye min fɔ, n'a bena kɛ, walima n'a tena kɛ.»

Jateri 23:23

Kirisi te se ka foyi kɛ Yakuba kɔmɔgɔw la, dabari te se ka foyi kɛ Isirayɛlidenw la. N'a waati sera, u ben'a fɔ Isirayɛlidenw koo la ko: ‹Ala ye koo min kɛ u ye, o filɛ.›

Kɛwalew 13:17

Ala y'an zuwifuw bɛmaw koo diya a yɛrɛ ye. A y'a kɛ u cayara Ezipiti jamana na. O kɔ, a y'a ka setigiya yira, a y'an bɛmaw bɔ o yɔrɔ la.

Sariya 32:39

Aw k'a lɔn sisan ko ne kelen le ye Ala ye! Batofɛn wɛrɛ te yen ni ne tɛ. Ne le be nii don mɔgɔ la, ne le be nii minɛ. Ne le be mɔgɔ mandimi, ne le be mɔgɔ kɛnɛya. Mɔgɔ si te se ka mɔgɔ bɔsi ne bolo.

Sariya 4:34

Masaba aw ka Ala ye koo min bɛɛ kɛ aw ye Ezipiti jamana na, aw y'o ye. Batofɛn wɛrɛ be yen min y'o ɲɔgɔn kɛ wa? Ka siya dɔ ta ka bɔ ni sebagaya ye siya wɛrɛ cɛma ni taamasiɲɛw ani kabakow ye, ani ka kɛlɛ kɛ, ka siranyakow kɛ.