Bɔri 5:1 - ALA KA KUMA

¹ O kɔ, Musa ni Arɔn tagar'a fɔ Ezipiti masacɛ ye ko: «Masaba, Isirayɛli ka Ala y'a fɔ ko i k'a to a ka mɔgɔw be taama dɔ kɛ ka taga kongokolon kɔnɔ k'a bato yen.»

Jula NT of Côte d’Ivoire

¹ Ayiwa, o kɔ, Musa ni Haruna tagara Farawona fɛ; o tagara a fɔ a ye ko: «Matigi Ala, Izirayɛlimɔgɔw ta Ala ko i ye ale ta mɔgɔw bla, janko o ye taga ɲanagbɛ dɔ kɛ a ye kongo kɔnɔ, k’a bonya.»

Bɔri 5:1 Iomraidhean Croise

Mas fɔlɔ 21:20

O la, Akabu y'a fɔ Eli ye ko: «Ne jugu, e ye ne yɔrɔ ye kɛ?» Eli y'a jaabi ko: «Ne y'i yɔrɔ ye, bari i y'i yɛrɛ di ka kojugu kɛ Masaba ɲakɔrɔ.

Zaburu 119:46

Ne bena e ka sariya koo fɔ masaw ye, ne tena maloya fana.

Bɔri 10:3

Musa ni Arɔn tagara masacɛ fɛ k'a fɔ a ye ko: «Masaba, eburuw ka Ala ko i bena ban k'i yɛrɛ majigi ale kɔrɔ fɔɔ tuma jumɛn? Ko i k'a to ale ka jama ka ta'a bato.

Bɔri 10:4

Ko n'i ma sɔn o la, sini, ko ale bena tɔɔnw ci i ka jamana kɔnɔ.

Bɔri 10:9

Musa y'a jaabi ko: «An bena taga n'an ka denmisɛnw ni mɔgɔkɔrɔbaw ye. An dencɛw n'an denmusow, n'an ka begɛnmisɛnw n'an ka dabaw bena taga. Bari an ka kan ka taama kɛ ka taga ɲanagwɛ kɛ Masaba tɔgɔ la.»

Bɔri 3:18

Cɛkɔrɔbaw bena mɛnni kɛ i fɛ. O kɔ, e ni Isirayɛli cɛkɔrɔbaw bena taga Ezipiti masacɛ fɛ k'a fɔ a ye ko Masaba, eburuw ka Ala y'a yɛrɛ yira aw la. Ko a k'a to aw be taga tile saba taama kɛ kongokolon kɔnɔ, janko aw ka saraka bɔ Masaba aw ka Ala ye.

Bɔri 33:13

Ni ne koo diyara i ye sɔbɛ la, ne b'a ɲini i fɛ ko e k'i ka koo yira ne la. O la, ne bena i lɔn, ani ne koo bena diya i ye. I hakili ka to a la ko siya nin ye i ka jama ye.»

Bɔri 4:23

Ko ne tun ko a k'a to ne deen be taga n bato. Ko a ma sɔn k'a to minkɛ, ne ben'a yɛrɛ dencɛ fɔlɔ faga.»

Bɔri 6:11

«Ta'a fɔ Ezipiti masacɛ ye ko a k'a to Isirayɛlidenw ka bɔ a ka jamana na ka taga.»

Bɔri 6:27

Olu le kumana Ezipiti masacɛ fɛ, janko ka bɔ ni Isirayɛlidenw ye Ezipiti. O Musa ni Arɔn kelen kelen tun lo.

Bɔri 7:16

I k'a fɔ a ye ko: ‹Masaba, eburuw ka Ala tun ye ne ci k'a fɔ i ye ko i k'a to a ka jama ka ta'a bato kongokolon kɔnɔ. Halibi i ma sɔn ka mɛnni kɛ.

Bɔri 7:2

Ne bena fɛɛn o fɛɛn fɔ i ye, i kɔrɔcɛ Arɔn bena o fɔ masacɛ ye, ko a k'a to Isirayɛlidenw ka bɔ a ka jamana na ka taga.

Bɔri 8:1

Masaba y'a fɔ Musa ye ko: «A fɔ Arɔn ye ko a k'a ka bere kɔrɔta bajiw ni kɔɔw ni wolonkotow sanfɛ janko tɔrisenjanw ka don Ezipiti jamana kɔnɔ.»

Bɔri 8:16

Masaba y'a fɔ Musa ye ko: «Wili sɔgɔma joona, ka taga Ezipiti masacɛ kunbɛn, a bɔtɔ bada la, k'a fɔ a ye ko ne Masaba ko a k'a to ne ka jama ka taga n bato.

Bɔri 8:17

Ko n'a ma sɔn k'u to u be taga, ne bena limɔgɔjugu caaman ci a kama, n'a ka mɔgɔbabaw, n'a ka mɔgɔw kama, u bena don a ka soow kɔnɔ. Ezipitikaw ka soow bena fa limɔgɔw la, hali u ka dugukolo yɛrɛ fana bena fa.

Bɔri 8:20

Masaba y'o koo kɛ ten. Limɔgɔjugu caaman donna masacɛ n'a ka mɔgɔbabaw ka soow kɔnɔ, ni jamana bɛɛ kɔnɔ. Limɔgɔw ye jamana faan bɛɛ cɛn.

Bɔri 8:27

Musa ye fɛɛn min daali, Masaba y'o kɛ. Limɔgɔw bɔra masacɛ n'a ka mɔgɔbabaw, n'a ka mɔgɔw cɛma, hali limɔgɔ kelen ma to yen.

Bɔri 9:1

Masaba y'a fɔ Musa ye ko: «Taga Ezipiti masacɛ fɛ, k'a fɔ a ye ko ne, Masaba, eburuw ka Ala ko a k'a to ne ka jama ka taga ne bato.

Bɔri 9:2

Ko n'a ma sɔn k'a to u ka taga, ko n'a y'u minɛ k'u to yan,

Ezayi 25:6

Masaba, Setigi bena dumuniba labɛn siyaw bɛɛ ye kulu nin kan, sogo tulumanw ni duvɛn dimanw bena sɔrɔ a la, sogo tuluman tobikoɲuman, ni duvɛn diman labɛnkoɲuman bena sɔrɔ a la.

Ezekiyɛli 2:6

E kɔni, adamaden, i kana siran u ɲa. Kana sɔn u ka kumaw k'i siran. U bena i sɔsɔ. A bena kɛ i fɛ i ko i be ŋɔniw le cɛma, walima bunteniw. O n'a ta bɛɛ, kana sɔn u ka kumaw k'i siran fewu. Kana i jaa tigɛ mɔgɔ murutinin nunu ɲada cogo kosɔn.

Matiyu 10:18

U bena aw minɛ ka taga n'aw ye faamaw ni masaw fɛ bari aw ye ne ka kalandenw ye. O bena kɛ sababu ye aw bena ne koo fɔ u ye, ani siya wɛrɛw ye.

Matiyu 10:28

Mɔgɔ minw be se k'aw faga n'u te se ka foyi kɛ aw nii na, aw kana siran olu ɲa. Min be se ka farikolo ani nii halaki jahanama na, aw ka siran ale lo ɲa.

Kɛwalew 4:29

Sisan kɔni Matigi, i janto u ka bagabagaliw la, a to i ka baarakɛlaw k'i ka kuma fɔ mɔgɔw ye ni jagwɛlɛya ye.

Kor fɔlɔ 5:8

O tuma na, an k'an ka ɲanagwɛ kɛ ni buru ye, fununan te min na, o kɔrɔ, juguya ni mɔgɔkolonya kana kɛ aw cɛma, nga aw k'o kɛ ni kɔnɔgwɛ ani tilenninya ye.