Bɔri 4:23 - ALA KA KUMA

²³ Ko ne tun ko a k'a to ne deen be taga n bato. Ko a ma sɔn k'a to minkɛ, ne ben'a yɛrɛ dencɛ fɔlɔ faga.»

Jula NT of Côte d’Ivoire

²³ Ne b’a fɛ i ye o bla o ye taga baara kɛ ne ye. Ni i ma sɔn k’a to o ye taga, ne bɛna i dencɛ fɔlɔ faga.› »

Bɔri 4:23 Iomraidhean Croise

Zaburu 105:36

A y'u ka gwasow bɛɛ deen fɔlɔw faga.

Zaburu 135:8

Ale lo ye Ezipitikaw deen fɔlɔw faga, k'a ta adamadenw ta ma fɔɔ ka se begɛnw ta ma.

Zaburu 136:10

Ale min tun ye Ezipitikaw ka dencɛ fɔlɔw faga, a ka ɲumanya te ban abada.

Zaburu 78:51

A y'a kɛ Ezipitikaw ka deen fɔlɔw sara. A y'a kɛ Kamu kɔmɔgɔw ka deen fɔlɔw sara, u ye minw sɔrɔ u ka barikatigiya tuma na.

Bɔri 10:3

Musa ni Arɔn tagara masacɛ fɛ k'a fɔ a ye ko: «Masaba, eburuw ka Ala ko i bena ban k'i yɛrɛ majigi ale kɔrɔ fɔɔ tuma jumɛn? Ko i k'a to ale ka jama ka ta'a bato.

Bɔri 10:4

Ko n'i ma sɔn o la, sini, ko ale bena tɔɔnw ci i ka jamana kɔnɔ.

Bɔri 11:5

Ezipitikaw ka deen fɔlɔw bɛɛ bena sa, k'a ta Ezipiti masacɛ deen fɔlɔ ma ka ta'a bila jɔnmuso deen fɔlɔ ma, min be sinni kɛra. Begɛnw deen fɔlɔw fana bena sa.

Bɔri 12:29

Dugutilama, Masaba ye Ezipitikaw ka deen fɔlɔw bɛɛ faga, k'a daminɛ Ezipiti masacɛ deen fɔlɔ ma fɔɔ ka ta'a bila kasodenw nunu deen fɔlɔw ma, ani begɛnw deen fɔlɔw.

Bɔri 13:15

Masacɛ tun te sɔnna an ka taga minkɛ, o la, Masaba ye Ezipitikaw deen fɔlɔw, n'u ka begɛnw deen fɔlɔw bɛɛ faga. O le y'a to an be begɛnw deen fɔlɔ cɛmanw bɛɛ di Masaba ma k'o kɛ saraka ye, ani k'an dencɛ fɔlɔw kunmabɔ.›

Bɔri 18:8

Masaba ye min kɛ Ezipiti masacɛ ni Ezipitikaw la ka Isirayɛlidenw dɛmɛ, Isirayɛlidenw ye gwɛlɛya minw bɛɛ sɔrɔ sira la, ani Masaba y'u kisi cogo min na, Musa y'o bɛɛ lakali a birancɛ ye.

Bɔri 3:18

Cɛkɔrɔbaw bena mɛnni kɛ i fɛ. O kɔ, e ni Isirayɛli cɛkɔrɔbaw bena taga Ezipiti masacɛ fɛ k'a fɔ a ye ko Masaba, eburuw ka Ala y'a yɛrɛ yira aw la. Ko a k'a to aw be taga tile saba taama kɛ kongokolon kɔnɔ, janko aw ka saraka bɔ Masaba aw ka Ala ye.

Bɔri 5:1

O kɔ, Musa ni Arɔn tagar'a fɔ Ezipiti masacɛ ye ko: «Masaba, Isirayɛli ka Ala y'a fɔ ko i k'a to a ka mɔgɔw be taama dɔ kɛ ka taga kongokolon kɔnɔ k'a bato yen.»

Bɔri 6:11

«Ta'a fɔ Ezipiti masacɛ ye ko a k'a to Isirayɛlidenw ka bɔ a ka jamana na ka taga.»

Bɔri 7:16

I k'a fɔ a ye ko: ‹Masaba, eburuw ka Ala tun ye ne ci k'a fɔ i ye ko i k'a to a ka jama ka ta'a bato kongokolon kɔnɔ. Halibi i ma sɔn ka mɛnni kɛ.

Bɔri 8:1

Masaba y'a fɔ Musa ye ko: «A fɔ Arɔn ye ko a k'a ka bere kɔrɔta bajiw ni kɔɔw ni wolonkotow sanfɛ janko tɔrisenjanw ka don Ezipiti jamana kɔnɔ.»

Bɔri 8:16

Masaba y'a fɔ Musa ye ko: «Wili sɔgɔma joona, ka taga Ezipiti masacɛ kunbɛn, a bɔtɔ bada la, k'a fɔ a ye ko ne Masaba ko a k'a to ne ka jama ka taga n bato.

Bɔri 8:17

Ko n'a ma sɔn k'u to u be taga, ne bena limɔgɔjugu caaman ci a kama, n'a ka mɔgɔbabaw, n'a ka mɔgɔw kama, u bena don a ka soow kɔnɔ. Ezipitikaw ka soow bena fa limɔgɔw la, hali u ka dugukolo yɛrɛ fana bena fa.

Bɔri 8:20

Masaba y'o koo kɛ ten. Limɔgɔjugu caaman donna masacɛ n'a ka mɔgɔbabaw ka soow kɔnɔ, ni jamana bɛɛ kɔnɔ. Limɔgɔw ye jamana faan bɛɛ cɛn.

Bɔri 9:1

Masaba y'a fɔ Musa ye ko: «Taga Ezipiti masacɛ fɛ, k'a fɔ a ye ko ne, Masaba, eburuw ka Ala ko a k'a to ne ka jama ka taga ne bato.

Bɔri 9:13

O kɔ, Masaba y'a fɔ Musa ye ko: «Wili sɔgɔma joona ka taga Ezipiti masacɛ kunbɛn k'a fɔ a ye ko ne Masaba, eburuw ka Ala ko a k'a to ne ka jama ka taga ne bato.

Bɔri 9:2

Ko n'a ma sɔn k'a to u ka taga, ko n'a y'u minɛ k'u to yan,

Oze ta kitabu 11:1

Masaba y'a fɔ ko: «Isirayɛlidenw daminɛtuma na, u koo tun ka di ne ye. Ne ye n deenw wele ka bɔ Ezipiti jamana na.