Bɔri 4:22 - ALA KA KUMA

²² I k'a fɔ masacɛ ye ko ne, Masaba ko Isirayɛli le ye ne ka dencɛ fɔlɔ ye.

Jula NT of Côte d’Ivoire

²² I bɛna a fɔ Farawona ye ko: ‹Matigi Ala ko: Izirayɛlimɔgɔw ko ka gbɛlɛn ne ma; o kɛra i ko ne dencɛ fɔlɔ.

Bɔri 4:22 Iomraidhean Croise

Zaburu 89:27

Ale bena ne wele ko: ‹N faa, n ka Ala, n kisikabakuru.›

Bɔri 6:11

«Ta'a fɔ Ezipiti masacɛ ye ko a k'a to Isirayɛlidenw ka bɔ a ka jamana na ka taga.»

Bɔri 7:16

I k'a fɔ a ye ko: ‹Masaba, eburuw ka Ala tun ye ne ci k'a fɔ i ye ko i k'a to a ka jama ka ta'a bato kongokolon kɔnɔ. Halibi i ma sɔn ka mɛnni kɛ.

Ezayi 63:16

Ele lo ye an Faa ye. Ibrayima t'anw lɔn do, Isirayɛli t'anw lɔn fana. Ele, Masaba le ye an Faa ye. Ele le ye an kunmabɔbaga ye, kabini tumajan, o le y'i tɔgɔ ye.

Ezayi 64:8

Masaba, kana dimi k'a dama tɛmɛ sa! Kana an ka kojuguw to i kɔnɔ tuma bɛɛ. An filɛ sa! An bɛɛ le y'i ka jama ye.

Yeremi 2:14

Isirayɛlidenw ye jɔɔnw ye wa? Walima u wolola jɔnya soo kɔnɔ wa? Mun na u minɛna kɛlɛyɔrɔ la?

Yeremi 31:9

U kasitɔ bena na. U ka daalili kosɔn, ne be bila u ɲa ka taga n'u ye jiyɔrɔw la. Ne bena taga n'u ye sira dakɛɲɛnin kan, u tena talon min kan. Bari, ne ye Isirayɛli faa ye, Efarayimu ye n dencɛ fɔlɔ ye.

Oze ta kitabu 11:1

Masaba y'a fɔ ko: «Isirayɛlidenw daminɛtuma na, u koo tun ka di ne ye. Ne ye n deenw wele ka bɔ Ezipiti jamana na.

Malaki 1:6

«Deen b'a faa boɲa, baaraden b'a kuntigi boɲa. Ni ne ye aw faa ye, ne ka kan ni boɲa min ye, o be min? Ni ne ye aw ka Masaba ye, ne ka kan ni boɲa min ye, o be min? Ne Masaba, Setigi le b'o fɔra aw sarakalasebagaw ye, aw minw be ne dɔgɔyara. Aw be sɔrɔ k'a fɔ ko: ‹An y'i dɔgɔya cogo di?›

Matiyu 2:15

U tora yen fɔɔ Erɔdi nana sa. O koow kɛra janko kira tun ye Matigi ka kuma min fɔ, o ka dafa. A tun ko: «Ne ye n dencɛ wele ka bɔ Ezipiti jamana na.»

Rɔmukaw 9:4

olu minw ye Isirayɛlidenw ye. Ala ye olu minw minɛ k'o kɛ a ka deenw ye, k'a yɛrɛ yira u la, ka bɛn n'u ye siɲɛ caaman, ka sariya sigi u ye k'a yɛrɛ batocogo yira u la, k'a daa di u ma.

Kor 2nan 6:18

Matigi, min ye Setigi ye, ale tun y'a fɔ ko ale bena kɛ aw Faa ye, aw fana bena kɛ a dencɛw n'a denmusow ye.

Sariya 14:1

«Aw ye Masaba aw ka Ala deenw ye. Ni mɔgɔ sara aw fɛ, aw kana aw fari yɔrɔ dɔ tigɛ, aw fana kana aw tenda li,

Sariya 32:6

Siya naloman ni hakilitanw! Nin ye Masaba minɛcogo ye wa? Ale lo te aw Faa ye wa? Aw Danbaga tɛ wa? Ale lo y'aw kɛ siya ye.

Heburuw 12:23

Mɔgɔ fɔlɔ minw tɔgɔ sɛbɛnnin be arijana na, aw gwɛrɛla olu la, ka gwɛrɛ Ala la, adamadenw bɛɛ kitibaga. Mɔgɔtilennin minw y'u nakun dafa, aw gwɛrɛla olu la.

Yakuba 1:18

A diyara Ala ye, a y'an dan a ka tiɲɛkuma barika la, waasa an ka kɛ a ka danfɛnw bɛɛ ɲamɔgɔw ye.