Bɔri 34:1 - ALA KA KUMA

¹ Masaba y'a fɔ Musa ye ko: «Kabakuru fila lɛsɛ k'u kɛ walakaw ye i n'a fɔ walaka fɔlɔw, i y'o minw ci. Kuma minw tun be olu kan, ne bena o ɲɔgɔn sɛbɛn u kan.

Jula NT of Côte d’Ivoire

¹ Matigi Ala k’a fɔ Musa ye tuun ko: «Walaka fla wɛrɛ lɛsɛ, k’a kɛ i n’a fɔ i tun ka minw cici. Ne tun ka kuma minw sɛbɛ o walaka fɔlɔw kan, ne bɛna o ɲɔgɔn sɛbɛ o walakakuraw fana kan.

Bɔri 34:1 Iomraidhean Croise

Zaburu 119:89

Masaba, e ka kuma be yen kudayi. A be sankolo kɔnɔ tuma bɛɛ.

Bɔri 24:12

Masaba y'a fɔ Musa ye ko: «Yɛlɛ ka na ne fɛ kulu kan, ka to yan. Ne bena walaka kabakurulamanw d'i ma, ne ye n ka sariya ni ladiliw sɛbɛn minw kan, janko ka jama kalan.»

Bɔri 31:18

Masaba tilara kuma na ni Musa ye Sinayi kulu kan tuma min na, a ye walaka fila di Musa ma, a ka sariya tan sɛbɛnnin be minw kan. Ala yɛrɛ le tun ye sɛbɛnni nin kɛ walaka kabakurulaman nunu kan.

Bɔri 32:16

Walaka nunu tun ye Ala ka baara nɔɔ ye. Ala yɛrɛ le tun y'u sɛbɛn walaka nunu kan.

Bɔri 32:19

Musa surunyana jama sigiyɔrɔ la ka misiden jaa ni dɔnkɛlaw ye tuma min na, a dimina kosɔbɛ. A ye walaka nunu fili k'u ci kulu jukɔrɔ.

Bɔri 34:28

Musa ye tile bi naani ni suu bi naani kɛ ni Masaba ye yen, a ma dumuni kɛ, a ma jii min. A ye bɛɛn kuma nunu sɛbɛn walakaw kan, n'o ye sariya tan ye.

Bɔri 34:4

O la, Musa ye walaka kabakurulaman fila lɛsɛ i n'a fɔ fɔlɔtaw. Sɔgɔma, a wilila joona ka taga Sinayi kulu kan, i ko Masaba y'a fɔ a ye cogo min na. O walaka nunu tun b'a bolo.

Yeremi 36:32

Zeremi ye sɛbɛ wɛrɛ ta k'o di Neriya deen sɛbɛnnikɛla Baruki ma. Zuda masacɛ Yoyakimu tun ye sɛbɛ min jɛni, Zeremi y'o kɔnɔnakuma bɛɛ fɔ, Baruki y'o bɛɛ sɛbɛn. O kuma bɔɲɔgɔnko caaman fana sɛbɛnna ka fara a kan.

Sariya 4:13

A y'a ka bɛnkuma fɔ aw ye, min ye a ka sariya tan ye. A y'a ɲini aw fɛ ko aw ka sɔn o ma. O kɔ, a y'o sɛbɛn walaka kabakurulaman fila kan.