Bɔri 33:3 - ALA KA KUMA

³ Nɔnɔ ni lii ka ca kosɔbɛ o jamana diman min kɔnɔ, aw ka taga yen. Ne tena taga n'aw ye, bari aw ye siya tulogwɛlɛn ye. Ni ne tagara n'aw ye, n'a sɔrɔ ne bena aw halaki sira la.»

Jula NT of Côte d’Ivoire

³ Aw ye wuri ka taga o jamana ra, nɔnɔ ni li bɛ woyo o jamana min na. Nka ne yɛrɛ le tɛna kɛ ni aw ye, ni o tɛ, ne bɛna aw halaki sira ra; sabu aw ye mɔgɔ torokungbɛlɛnw le ye.»

Bɔri 33:3 Iomraidhean Croise

Mas 2nan 17:14

Nga u ma sɔn ka mɛnni kɛ, u y'u tulo gwɛlɛya i n'a fɔ u faaw, minw tun ma la Masaba u ka Ala la.

Zaburu 78:8

U tena kɛ u faaw ɲɔgɔn ye. Olu tun kɛra ɲamalɔbaliw ni murutibagaw ye. U jigi tun te yɔrɔ kelen na, u kɔnɔ tun gwɛnin te Ala ye.

Bɔri 13:5

Masaba ye layidu ta aw bɛmaw ye ko a bena kanaanw ni itiw ani amoniw ni iviw ani zebuziw ka jamana di aw ma. Nɔnɔ ni lii ka ca o yɔrɔ la kosɔbɛ, jamana diman lo. N'a y'a kɛ aw donna yen tuma min na, aw ka landa nin kɛ kalo nin na.

Bɔri 23:21

Aw ka mɛnni kɛ a fɛ ka sɔn a ta ma. Aw kana muruti a ma. Ne le y'a ci minkɛ, a tena aw ka murutili yafa.

Bɔri 3:17

Ko ne ko n bena u bɔ Ezipiti jamana tɔɔrɔ la ka taga n'u ye kanaanw ni itiw, ani amoriw ni periziw ni iviw ani zebuziw ka jamana na, nɔnɔ ni lii ka ca o min kɔnɔ kosɔbɛ, jamana diman lo.

Bɔri 3:8

O la, ne jigira waasa k'u bɔsi Ezipitikaw bolo k'u bɔ o jamana nin na ka taga n'u ye jamanaɲuman na, min ka bon haali, nɔnɔ ni lii ka ca yɔrɔ min na kosɔbɛ, jamana diman lo. Kanaanw ni itiw, ani amoriw ni periziw, ni iviw ani zebuziw ka jamana lo.

Bɔri 32:14

Masaba tun y'a fɔ ko a bena kojugu min kɛ a ka jama na, a y'o dabila, a ma o kɛ tugu.

Bɔri 33:5

Bari Masaba tun y'a fɔ Musa ye ko a k'a fɔ Isirayɛlidenw ye ko: «Aw ye siya tulogwɛlɛn le ye. Ni ne tora n'aw ye hali waati dɔɔni sira kan, n'a sɔrɔ ne bena aw halaki. Ayiwa, aw k'aw ka masirifɛnw bɔ sisan, o kɔfɛ, ne bena min kɛ aw la, ne bena o lɔn.»

Bɔri 34:9

A ko: «Masaba, ni ne koo diyara i ye, ne b'a ɲini i fɛ ko i ka taga n'an ye. Jama nin tulo kɔni ka gwɛlɛ, o bɛɛ n'a ta, i k'an ka tilenbaliya n'an ka hakɛ yafa k'an minɛ ka kɛ i yɛrɛ ta ye.»

Ezayi 48:4

Ne y'a lɔn ko aw tulo te mɛnni kɛ, aw tulo ka gwɛlɛ kosɔbɛ.

Yeremi 11:5

O la, ne bena ne ka layidu dafa, n tun ye min ta u faaw ye ko ne bena jamana diman d'u ma, nɔnɔ ni lii ka ca min la kosɔbɛ, min kɛra u ta ye bii.» Ne y'a jaabi ko: «Amiina, Masaba!»

Ezekiyɛli 20:6

Ne y'a fɔ o loon na ko tiɲɛ na, ne bena u bɔ Ezipiti ka taga n'u ye jamana dɔ la, ne tun ye min woloma u ye, jamana diman, nɔnɔ ni lii ka ca kosɔbɛ min kɔnɔ. Jamanaw bɛɛ la ɲuman lo.

Sarakalasebagaw 20:24

Ne y'a fɔ aw ye ko aw bena u ka jamana tigiya kɛ. Ne bena jamana nin di aw ma ka kɛ aw ta ye, nɔnɔ ni lii ka ca kosɔbɛ o yɔrɔ la, jamana diman lo. Ne le ye Masaba aw ka Ala ye. Ne y'aw kɛ danna siya tɔw la.

Yunusu 3:10

Ala y'a ye k'u b'o kɛra tiɲɛ na, k'u be u ka kɛwalijuguw dabilara, o la, a tun ko a bena kojugu min kɛ u la, a makarila, a m'o kɛ tugu.

Yunusu 3:4

Zonasi bolibolila a kɔnɔ tile kelen ka to ka wango la ko: «A tora tile bi naani Ninivu be halaki.»

Jateri 13:27

U y'a fɔ Musa ye ko: «I y'an ci ka taga jamana min na, an tagara don yen. Tiɲɛ na, nɔnɔ ni lii ka ca a kɔnɔ kosɔbɛ! Jamana diman lo. Jamana nin kɔnɔ yiriden dɔw filɛ nin ye.

Jateri 14:12

Ne bena fɔɲɔbana bila u la k'u halaki, nga ne bena siya dɔ wɛrɛ bɔ i la min ka ca n'u ye, n'a barika ka bon n'u ta ye.»

Jateri 14:8

N'an koo diyara Masaba ye, a bena bila an ɲa ka don n'an ye a kɔnɔ k'a d'an ma. Nɔnɔ ni lii ka ca a kɔnɔ kosɔbɛ, jamana diman lo.

Jateri 16:13

Ko nɔnɔ ni lii ka ca kosɔbɛ jamana diman min kɔnɔ, a y'u bɔ yen janko k'u faga kongokolon kɔnɔ, o ye kofitini ye wa? Ko a ma dan o ma, sisan a b'a fɛ k'a yɛrɛ kɛ olu kuntigi ye fana.

Jateri 16:21

«Aw ye bɔ jama nin cɛma janko ne ka se k'u halaki sisan sisan.»

Kɛwalew 7:51

«Tulogwɛlɛnw! Alalɔnbaliw! Aw t'aw tulo yɛlɛ ka mɛnni kɛ Ala fɛ dɛ! Halibi aw be ban Nii Senuman ma. Aw faaw tun be cogo min na, aw fana be ten.

Sariya 4:24

Bari Masaba aw ka Ala ka fari i n'a fɔ tasuma, min be cɛnni kɛ, keliya b'a la fana.

Yosuwe 5:6

Isirayɛlidenw tun taamana kongokolon kɔnɔ saan bi naani, mɔgɔ minw bɛɛ tun be se ka taga kɛlɛ la u bɔtuma na Ezipiti jamana na, olu bɛɛ tun sara. Bari u tun ma sɔn ka mɛnni kɛ Masaba fɛ. Masaba tun y'a fɔ u ye k'a gwɛlɛya ko ale tun y'a daa di u faaw ma jamana min koo la, nɔnɔ ni lii ka ca yɔrɔ min na kosɔbɛ, ko u ɲaa tena la o jamana diman nin kan tugu.

Sam fɔlɔ 2:30

O le y'a to Masaba, Isirayɛli ka Ala y'a fɔ fana ko ale tun ko i ka soo n'i bɛma ka somɔgɔw bena to ka baara kɛ ale ɲakɔrɔ tuma bɛɛ. Nga sisan a y'a fɔ k'o miiriya yɔrɔ ka jan ale la! Bari a ko mɔgɔ min b'ale boɲa, ale fana b'o tigi le boɲa, nga mɔgɔ min b'ale dɔgɔya, ale fana b'o tigi dɔgɔya.