Bɔri 32:9 - ALA KA KUMA

⁹ Masaba y'a fɔ Musa ye ko: «Ne y'a ye ko jama nin ye mɔgɔ tulogwɛlɛnw ye.

Jula NT of Côte d’Ivoire

⁹ Matigi Ala k’a fɔ Musa ye tuun ko: «Ne k’a ye ko nin mɔgɔw ye mɔgɔ torokungbɛlɛnw le ye.

Bɔri 32:9 Iomraidhean Croise

Mas 2nan 17:14

Nga u ma sɔn ka mɛnni kɛ, u y'u tulo gwɛlɛya i n'a fɔ u faaw, minw tun ma la Masaba u ka Ala la.

Lok 2nan 30:8

«Aw kana aw tulo gwɛlɛya i n'a fɔ aw faaw, aw ka kolo Masaba ye. Aw ka n'a ka sigiyɔrɔ la, a ye min saniya kudayi. Aw ka baara kɛ Masaba aw ka Ala ye, janko a dimikojugu kana kɛ sababujugu ye aw ma.

Nehemi 9:16

«Nga an faaw y'u yɛrɛ boɲa k'u tulo gwɛlɛya, u ma sɔn ka mɛnni kɛ i ka sariya la.

Nehemi 9:17

U tun banna ka mɛnni kɛ i fɛ, i ye kabako minw kɛ u ye, u ɲinɛna n'u ye. U y'u tulo gwɛlɛya, u murutira k'a fɔ ko u bena segi ka taga jɔnyabaara la. Nga e Ala, e labɛnnin be ka yafa, i ka ɲi, i ye makaritigi ye, i te dimi joona, i ka ɲumanya ka bon, o la i ma sɔn k'u fili,

Zaburu 78:8

U tena kɛ u faaw ɲɔgɔn ye. Olu tun kɛra ɲamalɔbaliw ni murutibagaw ye. U jigi tun te yɔrɔ kelen na, u kɔnɔ tun gwɛnin te Ala ye.

Bɔri 33:3

Nɔnɔ ni lii ka ca kosɔbɛ o jamana diman min kɔnɔ, aw ka taga yen. Ne tena taga n'aw ye, bari aw ye siya tulogwɛlɛn ye. Ni ne tagara n'aw ye, n'a sɔrɔ ne bena aw halaki sira la.»

Bɔri 33:5

Bari Masaba tun y'a fɔ Musa ye ko a k'a fɔ Isirayɛlidenw ye ko: «Aw ye siya tulogwɛlɛn le ye. Ni ne tora n'aw ye hali waati dɔɔni sira kan, n'a sɔrɔ ne bena aw halaki. Ayiwa, aw k'aw ka masirifɛnw bɔ sisan, o kɔfɛ, ne bena min kɛ aw la, ne bena o lɔn.»

Bɔri 34:9

A ko: «Masaba, ni ne koo diyara i ye, ne b'a ɲini i fɛ ko i ka taga n'an ye. Jama nin tulo kɔni ka gwɛlɛ, o bɛɛ n'a ta, i k'an ka tilenbaliya n'an ka hakɛ yafa k'an minɛ ka kɛ i yɛrɛ ta ye.»

Zanaw 29:1

Mɔgɔ min te sɔn ka ye ladili ma, o tigi bena bari ka halaki, fura tena sɔrɔ a la.

Ezayi 48:4

Ne y'a lɔn ko aw tulo te mɛnni kɛ, aw tulo ka gwɛlɛ kosɔbɛ.

Yeremi 13:27

I ye kakalaya minw kɛ, an'i ka nisɔndiyakan nunu, i ye kokolon minw kɛ kuluw kan ani kongow kɔnɔ, ne ye olu ye. Ne y'i ka nɔgɔw ye. Ee! Zeruzalɛmu, i t'i yɛrɛ saniya! E bena to tan fɔɔ tuma jumɛn?»

Oze ta kitabu 6:10

Ne ye kojuguw le ye Isirayɛli mara kɔnɔ. Efarayimu kɔmɔgɔw ye kakalaya kɛ ka Isirayɛli mara nɔgɔ.

Jateri 14:11

Masaba y'a fɔ Musa ye ko: «Jama nin bena to ka ne mafiɲɛya fɔɔ tuma jumɛn? U bena ban ka la ne la fɔɔ tuma jumɛn? K'a sɔrɔ ne ye kabako caaman kɛ u cɛma.

Kɛwalew 7:51

«Tulogwɛlɛnw! Alalɔnbaliw! Aw t'aw tulo yɛlɛ ka mɛnni kɛ Ala fɛ dɛ! Halibi aw be ban Nii Senuman ma. Aw faaw tun be cogo min na, aw fana be ten.

Sariya 10:16

O la, aw k'aw yɛrɛ bɛɛ di Masaba aw ka Ala ma, aw kana tulogwɛlɛya kɛ tugu,

Sariya 31:27

Bari ne be aw ka murutiko n'aw ka tulogwɛlɛya lɔn. Aw kɛra mɔgɔmurutininw ye Masaba kama, k'a sɔrɔ ne be nii na aw cɛma. Ni ne sara, aw bena kɛ cogo di sa?

Sariya 9:13

A y'a fɔ ne ye tugu ko: ‹Ne y'a kɔlɔsi ko jama nin tulo ka gwɛlɛ.

Sariya 9:6

Aw k'a lɔn ko Masaba aw ka Ala te jamanaɲuman nin dira aw ma a ka kɛ aw ta ye aw ka tilenninya kama dɛ. Bari aw yɛrɛ ye siya tulogwɛlɛnw le ye!