Bɔri 32:3 - ALA KA KUMA

³ Jama bɛɛ y'u ka tulolanigɛw bɔ ka taga n'u ye Arɔn fɛ.

Jula NT of Côte d’Ivoire

³ O yɔrɔnin bɛɛ, o bɛɛ ka o ta sanin tororanɛgɛw bɔ ka na ni o ye Haruna fɛ.

Bɔri 32:3 Iomraidhean Croise

Damina 24:22

Ɲɔgɔmɛw ye minni kɛ ka ban tuma min na, a ye nunnanigɛ sanulamanw di sunguru nin ma. A gwiliya tun be se garamu duuru ɲɔgɔn ma, ani bololanigɛ sanulaman deen fila, minw be garamu kɛmɛ bɔ.

Damina 35:4

Siya wɛrɛw ka joo minw tun b'u fɛ, u ye olu bɛɛ di Yakuba ma, ani minw tun be u tulo la. Yiriba dɔ tun be Sisɛmu gɛrɛfɛ, a ye dingɛ sogi o kɔrɔ k'u don yen.

Bɔri 32:2

Arɔn y'a fɔ u ye ko: «Sanu minw be aw ka musow tulo la, n'aw dencɛw, n'aw denmusow tulo la, aw k'olu bɔ ka na n'u ye ne fɛ yan.»

Bɔri 32:4

A y'u minɛ u fɛ k'u yelen ka kɛ tura jaa ye. Jama ko: «Isirayɛlidenw, aw k'aw ka batofɛnw filɛ, minw y'aw bɔ Ezipiti.»

Bɔri 33:6

Isirayɛlidenw bɔra *Orɛbu kulu kɔrɔ dɔrɔn, u y'u ka masirifɛnw donko dabila.

Ezayi 3:19

Tulolanigɛw ni bololanigɛw, ani u be fani min biri u ɲada kan.

Ezayi 46:6

Mɔgɔ dɔw be sanu bɔ bɔɔrɔdenninw kɔnɔ. U be warigwɛ suma, ka sanufagala sara ko a k'o kɛ joo ye. U be biri a ɲafɛ k'a bato.

Yeremi 10:9

U be bɔ ni warigwɛ pɛnpɛrɛninw ye Tarisisi, ka bɔ ni sanu ye Ufazi. Nigɛbaarakɛla b'o baara, numu b'o lalaga, a b'o masiri ni jese bulalaman, ani jesewulen ye. O bɛɛ ye baaralɔnbaga bulonɔ ye.