Bɔri 32:1 - ALA KA KUMA

¹ Jama y'a ye ko Musa mɛnna, n'a te jigira ka bɔ kulu kan minkɛ, u tagara lajɛn Arɔn kɔrɔ k'a fɔ a ye ko: «Wili ka batofɛn dɔw dilan an ye, minw bena sira yira an na an ka taama na. Bari, Musa tɔgɔla min y'a kɛ an bɔra Ezipiti jamana na, an te ɲaa yera a ka koo la.»

Jula NT of Côte d’Ivoire

¹ Ayiwa, mɔgɔw k’a ye ko Musa mɛɛnna, ko a tɛ jigira ka bɔ kuru kan minkɛ, o ka ɲɔgɔn lajɛn ka taga Haruna fɛ, ka taga a fɔ a ye ko: «Haruna, wuri ka batofɛn dɔw lalaga an ye, minw bɛna bla an tagamatɔ ɲa fɛ ka taga; sabu nin cɛ tɔgɔ min ka an labɔ Misiran jamana ra, min ye Musa ye, an tɛ a yera, an m’a lɔn fɛn min k’a sɔrɔ.»

Bɔri 32:1 Iomraidhean Croise

Damina 19:14

Lɔti bɔra ka taga kuma a birancɛw fɛ, minw tun y'a denmusow maminɛ. A ko: «Aw ye wili ka bɔ yan, Masaba bena dugu nin halaki!» Nga a birancɛw tun be miiri ko a be tulon na.

Damina 21:26

Abimelɛki y'a jaabi ko: «Mɔgɔ min ye o koo kɛ, ne ma o tigi lɔn. I fana tun ma o fɔ ne ye, ne fana ma bɔ a kala ma fɔɔ bii.»

Damina 39:8

A banna, a y'a fɔ a ye ko: «Ne kuntigi y'a bolo bɔ koo bɛɛ la soo kɔnɔ, a ye sokɔnɔfɛnw bɛɛ kalifa ne ma.

Damina 44:15

Yusufu y'a fɔ u ye ko: «Aw ye mun koo le kɛ yan ten? Aw m'a lɔn ko mɔgɔ min be i n'a fɔ ne, a be se ka lagwɛli kɛ ka koo lɔn wa?»

Damina 44:4

U ye sira minɛ ka taga, u bɔra dugu kɔnɔ dɔrɔn, u tun ma janfa kosɔbɛ, Yusufu y'a fɔ a ka soo kuntigi ye ko a ka wili ka mɔgɔ nunu sɛgɛrɛ, ko n'a y'u sɔrɔ yɔrɔ min na, a k'a fɔ u ye ko: «Mun na aw ye koɲuman sara ni kojugu ye?

Zaburu 106:19

U ye misiden jaa lalaga *Orɛbu kulu kɔrɔ. U y'u kunbiri gwan jaa dilannin nin kɔrɔ.

Bɔri 13:21

Masaba tun bilara u ɲa tilefɛ, sankaba kɔnɔ janko ka sira yira u la. Sufɛ, a tun be bila u ɲa tasuma kɔnɔ sanfɛ ka yeelen bɔ u ye, janko u ka se ka taama suu ni tile.

Bɔri 14:11

U y'a fɔ Musa ye ko: «Kaburu tun te Ezipiti kɔnɔ wa? N'i be na n'an ye kongokolon nin kɔnɔ janko an ka sa yan kɛ? Mun y'a to i y'a kɛ an bɔra Ezipiti?

Bɔri 16:3

Isirayɛlidenw y'a fɔ u ye ko: «N'an tun sara Masaba bolo Ezipiti yen, o tun ka fisa! O yɔrɔ la, an tun be sogo ɲimi, ka dumuni kɛ ka fa. Aw do nana n'an ye yan kongokolon nin kɔnɔ janko jama nin bɛɛ ka sa yan kɔngɔ bolo.»

Bɔri 20:23

Aw kana joo si dilan aw yɛrɛ ye ni warigwɛ, walima sanu ye ka fara ne kan.

Bɔri 24:12

Masaba y'a fɔ Musa ye ko: «Yɛlɛ ka na ne fɛ kulu kan, ka to yan. Ne bena walaka kabakurulamanw d'i ma, ne ye n ka sariya ni ladiliw sɛbɛn minw kan, janko ka jama kalan.»

Bɔri 24:18

Musa yɛlɛla kulu kan ka don sankaba kɔnɔ. A tora kulu kan tile bi naani ni suu bi naani.

Bɔri 32:11

Musa ye Masaba, a ka Ala daali kosɔbɛ ko a ka sabali. A ko: «Masaba, e y'i ka jama min bɔ Ezipiti n'i yɛrɛ ka sebagaya n'i ka fanga ye, mun na i be dimi u kɔrɔ ten?

Bɔri 32:22

Arɔn y'a jaabi ko: «Ne matigi, kana dimi. E kɔni y'a lɔn ko jama nin ka teli kojugukɛ la.

Bɔri 32:23

U y'a fɔ ne ye ko ne ka batofɛn dɔw dilan u ye, o ka to ka sira yira an na an ka taama na. Ko: ‹Musa tɔgɔla min bɔra n'an ye Ezipiti, an te ɲaa yera a ka koo la do.›

Bɔri 32:7

O la, Masaba y'a fɔ Musa ye ko: «Jigi ka taga, bari i bɔra n'i ka jama min ye Ezipiti, u ye kojuguba dɔ kɛ.

Bɔri 33:3

Nɔnɔ ni lii ka ca kosɔbɛ o jamana diman min kɔnɔ, aw ka taga yen. Ne tena taga n'aw ye, bari aw ye siya tulogwɛlɛn ye. Ni ne tagara n'aw ye, n'a sɔrɔ ne bena aw halaki sira la.»

Ezekiyɛli 20:8

O bɛɛ n'a ta, u murutira ne ma, u ma sɔn ka mɛnni kɛ ne fɛ. U ma sɔn ka batofɛnkolon nunu fili, u ma sɔn ka Ezipitikaw ka joow to yen. O la, ne ko ne bena n dimi bɔ u la, ka n ka fariya yira u la Ezipiti jamana kɔnɔ.

Oze ta kitabu 12:13

Yakuba tun bolila ka taga Aramu jamana na ka baara kɛ yen muso kama. A ye begɛnw dɛndɛ muso kama.

Mise 6:4

Ne y'aw bɔ Ezipiti jamana na minkɛ wa? Ne y'aw hɔrɔnya jɔnya jamana na minkɛ wa? Ne ye Musa ni Arɔn ani Miriyama di aw ma k'o kɛ aw ka ɲamɔgɔw ye minkɛ wa?

Jateri 14:22

mɔgɔ minw ye ne ka sebagaya ni n ka kabako kɛninw ye Ezipiti, ani kongokolon kɔnɔ, olu minw ye ne darabɔ siɲɛ tan, n'u fana ma n ka kuma bato,

Matiyu 24:43

Aw b'a lɔn ko ni sotigi tun be soon nawaati lɔn sufɛ, a tun bena to ɲana k'a bali ka don a ka soo kɔnɔ.

Matiyu 24:48

Nga n'o baaraden nin kɛra baaradenjugu ye, n'a y'a miiri ko a kuntigi bena mɛn ka sɔrɔ ka na,

Kɛwalew 17:29

Ayiwa, an kɛra Ala deenw ye minkɛ, an man kan k'a miiri ko Ala bɔnin be joo sanulaman fɛ, walima warigwɛlaman, walima kabakuruɲuman lɛsɛnin fɛ! O fɛɛn nunu bɛɛ ye an adamadenw ka miiriya, n'an bulonɔ ye!

Kɛwalew 19:26

Nga Pɔli tɔgɔla nin be min fɔra, ani a be min kɛra, aw b'o mɛnna, aw b'o yera fana. A ko adamadenw be fɛɛn minw lalaga n'u bolo ye, k'olu te batofɛn ɲanamanw ye. A jijara fɔɔ ka mɔgɔ caaman kuun yɛlɛma n'o ye. Efɛzi kɔnɔ yan dɔrɔn tɛ! Nga a be ɲini ka Azi mara bɛɛ sɔrɔ!

Kɛwalew 7:40

O la, u y'a fɔ Arɔn ye ko: ‹I ka batofɛn dɔw dilan an ye minw bena sira yira an na an ka taama nin na. Bari Musa tɔgɔla min y'a kɛ an bɔra Ezipiti jamana na, an te ɲaa yera ale ka koo la.›

Sariya 31:8

Masaba le bena bila i ɲafɛ, a bena to n'i ye tuma bɛɛ, a tena i to yen, a tena faran ka bɔ i la. I kana siran, i jaa kana tigɛ.»

Sariya 9:1

«Isirayɛlidenw, aw ye mɛnni kɛ. Aw bena Zurudɛn baji tigɛ bii ka taga siya dɔw ka jamana minɛ, olu minw ka ca n'aw ye, u barika ka bon n'aw ta ye fana. U ka duguw ka bonbon, u laminikogow ka janjan kosɔbɛ.

Sariya 9:9

Masaba tun ye bɛɛn min kɛ n'aw ye, ne yɛlɛla kulu kan tuma min na janko k'o walaka kabakurulaman nunu minɛ, ne tora yen tile bi naani ani suu bi naani. Ne ma dumuni kɛ, n ma minni kɛ.

Yosuwe 7:13

Wili ka jama labɛn u k'u yɛrɛ saniya. A fɔ u ye ko: ‹Aw k'aw yɛrɛ saniya sini kama, bari Masaba, Isirayɛli ka Ala y'a fɔ ko fɛɛn minw bilara ka kɛ ale ta ye, u dɔ be aw Isirayɛlidenw bolo, o kama, aw tena se ka lɔ aw juguw ɲafɛ n'o fɛɛn nunu b'aw fɛ.

Piy 2nan 3:4

k'a fɔ ko: «A m'a fɔ ko a bena kɔsegi ka na wa? A do be min? An faaw bɛɛ sara ka ban. Halibi koow b'u cogokɔrɔ le la kabini diɲɛ dantuma.»