Bɔri 3:8 - ALA KA KUMA

⁸ O la, ne jigira waasa k'u bɔsi Ezipitikaw bolo k'u bɔ o jamana nin na ka taga n'u ye jamanaɲuman na, min ka bon haali, nɔnɔ ni lii ka ca yɔrɔ min na kosɔbɛ, jamana diman lo. Kanaanw ni itiw, ani amoriw ni periziw, ni iviw ani zebuziw ka jamana lo.

Jula NT of Côte d’Ivoire

⁸ O kosɔn ne nana ka na o bɔsi Misirankaw boro, ka o labɔ o jamana ra, ka taga ni o ye jamanaba ɲumanman dɔ ra, nɔnɔ ni li bɛ woyo jamana min na; Kanaanakaw, ani Hɛtikaw, ani Amɔrikaw, ani Perezikaw, ani Hevikaw, ani Yebusikaw bɛ o jamana le ra.

Bɔri 3:8 Iomraidhean Croise

Damina 11:5

U tun be dugu ni sangasojan min lɔra, Masaba jigira ka na o filɛ.

Damina 11:7

Aw ye to an ka jigi k'u ka kaan ɲagami, janko u kana ɲɔgɔn ka kaan mɛn tugu.»

Damina 15:13

Masaba y'a fɔ a ye ko: «I k'a lɔn tigitigi ko i kɔmɔgɔw bena kɛ lonanw ye jamana wɛrɛ la. U bena kɛ jɔɔnw ye, u bena tɔɔrɔ saan kɛmɛ naani kɔnɔ.

Damina 15:14

Nga u bena kɛ jɔɔnw ye siya min fɛ, ne bena olu ɲagwan. O kɔ, u bena bɔ o yɔrɔ la ni nafoloba ye.

Damina 18:21

O le y'a to ne bena jigi ka ta'a filɛ n'u ka kɛwaliw be ten i n'a fɔ n y'a mɛn cogo min na. N'o tɛ fana, ne ben'a lɔn.»

Damina 43:11

O la, u facɛ Yakuba y'a fɔ ko: «O tuma na, aw ye an ka jamana kɔnɔ fɛnɲuman dɔw ta aw bolo ka taga o di cɛɛ nin ma. Yiriji kasadiman sifa dɔw, ni lii dɔɔni, ani pisitasiyiridenw, ni amandiyiridenw fana.

Damina 46:4

N b'i bila sira ka taga yen, ne le bena segi ka na n'i ye yan. I bena sa Yusufu le bolo.»

Damina 50:24

Yusufu y'a fɔ a balimaw ye ko: «Ne satuma surunyana. Nga siga t'a la, Ala bena na aw dɛmɛ. A ye layidugwɛlɛn ta Ibrayima ni Isiyaka ani Yakuba ye, ko a bena jamana min di u ma, a bena taga n'aw ye o yɔrɔ la.»

Lok fɔlɔ 1:15

ni iviw, ani arakiw, ni siniw,

Nehemi 9:8

E tun y'a ye ko a kɛra mɔgɔsɔbɛ ye i ɲana, o la i bɛnna n'a ye ko i bena kanaanw ni itiw ani amoriw ni periziw, ani zebuziw ni girigasiw ka jamanaw d'a kɔmɔgɔw ma. E do y'o kɛ, bari e tilennin lo.

Zaburu 12:5

Olu minw b'a fɔra ko see b'u ye u ka kuma barika la, ko u daa b'u fɛ, ko: «Jɔn le be se ka kɛ an kuntigi ye?»

Zaburu 12:6

O la, Masaba ko ale bena wili ka dɔ kɛ, bari u be dɛsɛbagatɔw sigɛnna, ɲanibagatɔw be ŋunanna. U be mɔgɔ minw tɔɔrɔla, ko ale bena olu dɛmɛ.

Zaburu 34:8

Masaba ka mɛlɛkɛ be to a ɲasiranbagaw gɛrɛfɛ k'u kisi.

Zaburu 91:15

A bena ne daali, ne ben'a jaabi. Ne bena to n'a ye dusukasi tuma na, ne ben'a bɔsi ka boɲa la a kan.

Bɔri 12:41

O saan kɛmɛ naani ni bi saba dafa loon yɛrɛ la, Masaba ka jamaw bɛɛ bɔra Ezipiti.

Bɔri 12:51

O loon yɛrɛ la, Masaba ye Isirayɛlidenw bɔ Ezipiti jɛnkulu jɛnkulu.

Bɔri 13:5

Masaba ye layidu ta aw bɛmaw ye ko a bena kanaanw ni itiw ani amoniw ni iviw ani zebuziw ka jamana di aw ma. Nɔnɔ ni lii ka ca o yɔrɔ la kosɔbɛ, jamana diman lo. N'a y'a kɛ aw donna yen tuma min na, aw ka landa nin kɛ kalo nin na.

Bɔri 3:17

Ko ne ko n bena u bɔ Ezipiti jamana tɔɔrɔ la ka taga n'u ye kanaanw ni itiw, ani amoriw ni periziw ni iviw ani zebuziw ka jamana na, nɔnɔ ni lii ka ca o min kɔnɔ kosɔbɛ, jamana diman lo.

Bɔri 34:11

Ne be min fɔ aw ye bii, aw k'o bato. Ne bena amoriw ni kanaanw, ni itiw ani periziw, ni iviw, ani zebuziw gwɛn ka bɔ aw ɲa.

Bɔri 5:23

Kabini ne tagara masacɛ fɛ ka kuma i tɔgɔ la, a b'a la k'i ka jama nin tɔɔrɔ, i do m'a kisi fewu.»

Ezayi 36:17

yanni ale ka na aw minɛ ka taga n'aw ye jamana dɔ la, min be i n'a fɔ aw ta, suman be sɔrɔ yen, ni duvɛnkɛnɛ, ani dumunifɛn, ani ɛrɛzɛnforow.

Ezayi 64:1

I tun bena kɛ i ko tasuma be kalamisɛn jɛnina, i ko a be jii wiliwili cogo min na. I tun bena i yɛrɛ yira i juguw la ten, u k'i lɔn, siyaw tun bena yɛrɛyɛrɛ i ɲa!

Yeremi 11:5

O la, ne bena ne ka layidu dafa, n tun ye min ta u faaw ye ko ne bena jamana diman d'u ma, nɔnɔ ni lii ka ca min la kosɔbɛ, min kɛra u ta ye bii.» Ne y'a jaabi ko: «Amiina, Masaba!»

Yeremi 2:7

K'a sɔrɔ ne nana n'aw ye nɛɛma jamana kɔnɔ, waasa aw k'o yɔrɔ fɛnɲumanw diya bɔ. Nga aw dontɔ yen, aw ye ne ka jamana nɔgɔ. Ne be tigiya kɛ jamana min na, aw y'o kɛ yɔrɔ goman ye.

Yeremi 32:22

I ye jamana diman nin di Isirayɛlidenw ma, e tun y'a fɔ u faaw ye ko i ben'a d'u ma, nɔnɔ ni lii ka ca min kɔnɔ kosɔbɛ.

Ezekiyɛli 20:6

Ne y'a fɔ o loon na ko tiɲɛ na, ne bena u bɔ Ezipiti ka taga n'u ye jamana dɔ la, ne tun ye min woloma u ye, jamana diman, nɔnɔ ni lii ka ca kosɔbɛ min kɔnɔ. Jamanaw bɛɛ la ɲuman lo.

Sarakalasebagaw 20:24

Ne y'a fɔ aw ye ko aw bena u ka jamana tigiya kɛ. Ne bena jamana nin di aw ma ka kɛ aw ta ye, nɔnɔ ni lii ka ca kosɔbɛ o yɔrɔ la, jamana diman lo. Ne le ye Masaba aw ka Ala ye. Ne y'aw kɛ danna siya tɔw la.

Amɔsi 2:10

Ne le tun y'aw bɔ Ezipiti jamana na, ne y'aw dɛmɛdɛmɛ kongokolon kɔnɔ saan bi naani kɔnɔ waasa aw ka na amoriw ka dugukolo tigiya sɔrɔ.

Jateri 13:18

Aw k'a cogo filɛ, k'a lɔn n'a kɔnɔ mɔgɔw barika ka bon, walima n'u barika man bon, n'u ka ca, walima n'u man ca.

Jateri 13:19

Aw k'a filɛ, n'u ka jamana nin ka ɲi, walima n'a ma ɲi, ani u ka duguw. Ni dugu barikamanw lo, walima ni dugu barikamanw tɛ.

Jateri 13:27

U y'a fɔ Musa ye ko: «I y'an ci ka taga jamana min na, an tagara don yen. Tiɲɛ na, nɔnɔ ni lii ka ca a kɔnɔ kosɔbɛ! Jamana diman lo. Jamana nin kɔnɔ yiriden dɔw filɛ nin ye.

Yuhana 3:13

Mɔgɔ si ma yɛlɛ ka taga arijana na fɔɔ Mɔgɔ Dencɛ min bɔra o yɔrɔ la.

Yuhana 6:38

Ne bɔra sankolo la ka na diɲɛ na n cibaga sago kɛli kama, n'o tɛ ne ma na n yɛrɛ sago kama.

Sariya 1:25

U ye jamana nin yiriden dɔw tigɛ ka na n'u ye an fɛ, ka na kunnafoni di ko: «Masaba an ka Ala be jamana min dira anw ma, o ka ɲi.»

Sariya 1:7

Aw ka wili ka sira ta ka taga amoriw ka kuluyɔrɔ la, n'u lamini maraw bɛɛ la: Araba mara, ni kuluw yɔrɔ, ani kulujukɔrɔ mara la, ni worodugu ɲafan mara, ani kɔgɔjida maraw la. Aw ka taga kanaanw ka jamana na, fɔɔ ka taga se Liban jamana na, ni bajiba daa la, min tɔgɔ ko Efarati.

Sariya 27:3

N'aw ye Zurudɛn baji tigɛ tuma min na, aw ka sariya nin kumaw bɛɛ sɛbɛn u kan. O la, Masaba aw ka Ala be jamana min dira aw ma, nɔnɔ ni lii ka ca kosɔbɛ yɔrɔ diman min na, aw bena se ka don o kɔnɔ, i n'a fɔ Masaba, aw bɛmaw ka Ala ye layidu ta aw ye cogo min na.

Sariya 28:11

Masaba ye jamana min layidu ta aw bɛmaw ye ko a ben'a di aw ma, a bena hɛrɛ kɛ aw ye o yɔrɔ la, ka deen caaman di aw ma, k'aw ka begɛnw, n'aw ka sumanw caya.

Sariya 6:3

Isirayɛlidenw, aw ka mɛnni kɛ, ani ka banba k'o bato. O la, aw bena hɛrɛ sɔrɔ, ani ka caya kosɔbɛ o jamana diman nin kɔnɔ, nɔnɔ ni lii ka ca kosɔbɛ yɔrɔ min na, i n'a fɔ Masaba, aw bɛmaw ka Ala y'a daa di aw ma cogo min na.

Sariya 7:1

«Aw bena jamana min minɛ, ni Masaba aw ka Ala y'a kɛ aw donna o kɔnɔ, n'a ye siya caaman nunu gwɛn ka bɔ aw ɲa, olu minw ye itiw ye, ni girigasiw, ani amoriw, ni kanaanw, ani periziw, ni iviw, ani zebuziw ye. Siya wolonwula minw ka ca, fanga b'o la fana ka tɛmɛ aw kan.

Yosuwe 5:6

Isirayɛlidenw tun taamana kongokolon kɔnɔ saan bi naani, mɔgɔ minw bɛɛ tun be se ka taga kɛlɛ la u bɔtuma na Ezipiti jamana na, olu bɛɛ tun sara. Bari u tun ma sɔn ka mɛnni kɛ Masaba fɛ. Masaba tun y'a fɔ u ye k'a gwɛlɛya ko ale tun y'a daa di u faaw ma jamana min koo la, nɔnɔ ni lii ka ca yɔrɔ min na kosɔbɛ, ko u ɲaa tena la o jamana diman nin kan tugu.

Yosuwe 9:1

Masacɛ minw bɛɛ tun be Zurudɛn baji faan dɔ la kuluyɔrɔw ni kulujukɔrɔ mara la, ani minw tun be kɔgɔjida la fɔɔ ka taga se Liban gɛrɛfɛ, minw ye itiw ni amoriw ani kanaanw ni periziw ani iviw ni zebuziw ka masacɛw ye, olu y'o koow kibaru mɛn.

Yosuwe 9:7

Isirayɛlidenw y'a fɔ ivi nunu ye ko: «N'a sɔrɔ aw yɛrɛ siginin be anw cɛma. An be se ka bɛn n'aw ye cogo di?»