Bɔri 3:5 - ALA KA KUMA

⁵ A ko: «I kana gwɛrɛ yan yɔrɔ la. I ka sanbara bɔ. Bari i lɔnin be yɔrɔ min na, o ye yɔrɔ senuman ye.

Jula NT of Côte d’Ivoire

⁵ Ala ko: «I kana gbara yan dɛ! I ta sanbara bɔ i sen na, sabu i lɔnin bɛ yɔrɔ min na nin ye, yɔrɔ saninman lo.»

Bɔri 3:5 Iomraidhean Croise

Bɔri 19:12

I ka daan yira jama na ka kulu nin lamini k'a fɔ u ye ko u k'u yɛrɛ kɔlɔsi, u kana yɛlɛ kulu kan, u kana maga a jukɔrɔla la. Ko ni fɛɛn o fɛɛn magara a la, o bena faga!

Bɔri 19:21

Masaba y'a fɔ a ye ko: «Jigi ka taga kangari la jama ye janko u kana girin ka gwɛrɛ ne, Masaba la waasa ka filɛli kɛ. N'o tɛ, caaman bena sa.

Bɔri 4:28

O kɔ, Musa ye Masaba ka cira bɛɛ fɔ Arɔn ye. Masaba tun y'a fɔ ko a ka taamasiɲɛ kabakoman minw bɛɛ kɛ, a y'olu fana koo fɔ a ye.

Waajurikɛbaga 5:1

I kana teliya ka kuma, i kana kɔrɔtɔ k'i daa di Ala ma. Bari Ala be sankolo la, ele be dugukolo kan. O la do, i ka kuma kana caya.

Yeremi 30:21

U ɲamɔgɔ bena kɛ u yɛrɛw dɔ ye, u kuntigi bena bɔ olu cɛma. Ne ben'a wele, a bena gwɛrɛ ne la. Jɔn le be se ka gwɛrɛ ne la a yɛrɛ ma ten? Ne Masaba le ko ten.

Sarakalasebagaw 10:3

Musa y'a fɔ Arɔn ye ko: «Masaba kaan tun be nin koo le ma a kumatuma na. A tun ko: ‹Mɔgɔ minw be gwɛrɛ ne la, olu k'u janto ne ka Alaya la. Boɲa ka kan ka la ne kan bɛɛ ɲana.› » Arɔn ma foyi fɔ.

Kɛwalew 7:33

O tuma na, Matigi y'a fɔ a ye tugu ko: ‹I ka sanbara bɔ, bari i lɔnin be yɔrɔ min na, o ye yɔrɔ senuman ye.

Sariya 23:14

Aw bena to ka bɔ ni minan dɔ ye aw bolo, ni mɔgɔ dɔ ko a be taga banakɔtaga kɛ, o tigi ka dingɛ sogi, n'a tilara tuma min na, a k'a datugu.

Heburuw 12:20

Bari sariya min tun sigira, u tun te se o kɔrɔ. A tun fɔra ko: «Mɔgɔ si man kan ka yɛlɛ kulu nin kan, hali begɛn. Ni fɛɛn o fɛɛn yɛlɛla, o ka kan ka bon ka faga.»

Yosuwe 5:15

Masaba ka kɛlɛdenw ɲamɔgɔ nin y'a fɔ Zozuwe ye ko: «I ka sanbara bɔ, bari i be yɔrɔ min na, o ye Ala ka yɔrɔ ye.» Zozuwe y'o kɛ.

Piy 2nan 1:18

K'an to kulu senuman nin kan n'a ye, an ye kumakan nin mɛn ka bɔ sankolo la.