Bɔri 3:21 - ALA KA KUMA

²¹ Ne bena jama nin koo diya Ezipitikaw ye, o la, n'aw taatuma sera, aw bololakolon tena taga.

Jula NT of Côte d’Ivoire

²¹ Ne yɛrɛ bɛna a kɛ fɔ Misirankaw bɛna aw bonya; o ra, aw tagatɔ, aw borolakolon tɛna taga.

Bɔri 3:21 Iomraidhean Croise

Damina 15:14

Nga u bena kɛ jɔɔnw ye siya min fɛ, ne bena olu ɲagwan. O kɔ, u bena bɔ o yɔrɔ la ni nafoloba ye.

Damina 39:21

Masaba tor'a fɛ, k'a koo diya kasobon kɔlɔsibaga ye.

Mas fɔlɔ 8:50

I ka jama y'i hakɛ ta, yafa u ma. U murutira i ma koo minw bɛɛ la, o bɛɛ yafa u ma. Mɔgɔ minw y'u minɛ ka taga u kɛ jɔɔnw ye, a to u be makari u la.

Nehemi 1:11

Ee! Matigi, mɛnni kɛ i ka baarakɛla ka daali la, n'i ka baarakɛla tɔw ta fana na, a ka di minw ye k'i tɔgɔ boɲa! I ka baarakɛla dɛmɛ bii k'a koo diya cɛɛ nin ye.» O waati la, ne le tun be to ka masacɛ ka minnifɛn d'a ma.

Zaburu 105:37

A y'a kɛ a ka jama bɔra ni sanu ani warigwɛ ye, mɔgɔ si ma dɛsɛ u cɛma.

Zaburu 106:46

K'a kɛ u minɛbagaw be makari u la.

Bɔri 11:2

I k'a fɔ jama ye ko cɛɛ fara musow kan, k'o ka warigwɛminanw ni sanulamanw daali u sigiɲɔgɔnw fɛ.»

Bɔri 11:3

Masaba tun y'a kɛ Isirayɛli jama koo diyara Ezipitikaw ye. Ezipiti masacɛ ka baarakɛlaw ni Ezipitikaw bɛɛ tun be Musa jati mɔgɔbaba ye fana.

Bɔri 12:35

Musa tun ye min fɔ, Isirayɛlidenw y'o kɛ: U ye warigwɛminanw ni sanulamanw ani faniw daali Ezipitikaw fɛ.

Bɔri 12:36

Masaba tun y'a kɛ jama koo diyara Ezipitikaw ye. U ye fɛɛn minw daali, Ezipitikaw ye olu d'u ma. A kɛra ten, u sera ka Ezipitikaw bololafɛnw cɛ.

Zanaw 16:7

Ni mɔgɔ min taamacogo diyara Masaba ye, a be bɛɛn don o tigi n'a juguw cɛ.

Kɛwalew 7:10

A y'a kunmabɔ tɔɔrɔw bɛɛ la. Ala ye Yusufu dɛmɛ, ka hakilitigiya d'a ma, a koo diyara Ezipiti masacɛ ye fɔɔ ale y'a kɛ masacɛlankan ye Ezipiti jamana bɛɛ kunna, ani k'a kɛ a yɛrɛ ka soo ɲamɔgɔ ye.

Sariya 15:13

N'o tigi b'a hɔrɔnya tuma min na, a kan'a to a bololakolon ka taga.