Bɔri 3:18 - ALA KA KUMA

¹⁸ Cɛkɔrɔbaw bena mɛnni kɛ i fɛ. O kɔ, e ni Isirayɛli cɛkɔrɔbaw bena taga Ezipiti masacɛ fɛ k'a fɔ a ye ko Masaba, eburuw ka Ala y'a yɛrɛ yira aw la. Ko a k'a to aw be taga tile saba taama kɛ kongokolon kɔnɔ, janko aw ka saraka bɔ Masaba aw ka Ala ye.

Jula NT of Côte d’Ivoire

¹⁸ Ala ko Musa ma tuun ko: «Izirayɛlimɔgɔw bɛna sɔn i ta kuma ma. I bɛna taga Misiran masacɛ fɛ, ele ni Izirayɛli cɛkɔrɔbaw. Aw b’a fɔ a ye ko: ‹Matigi Ala, Heburuw ta Ala ka a yɛrɛ yira an na. An bla, an ye taga tere saba tagama kɛ kongo kɔnɔ, ka saraka bɔ Matigi Ala, an ta Ala ye.›

Bɔri 3:18 Iomraidhean Croise

Damina 12:1

Masaba y'a fɔ Abramu ye ko: «Bɔ i ka jamana na, faran i ka mɔgɔw n'i faso la, ka taga jamana dɔ la, ne bena min yira i la.

Damina 14:13

Bolibagaw dɔ nana o fɔ eburucɛ Abramu ye. O y'a sɔrɔ Abramu tun siginin be amoricɛ Manbure ka joyiriw gɛrɛfɛ. Manbure ni Ɛsikɔli ni Anɛri tun ye balimaw ye, u bɛɛ tun ye Abramu jɛnɲɔgɔnw ye.

Damina 15:1

O koow tɛmɛnin kɔ, Masaba y'a yɛrɛ yira Abramu la k'a fɔ a ye ko: «Abramu, i kana siran. Ne y'i tangabaga ye i n'a fɔ kɛlɛden ka nigɛkunbɛnnan, i ka sara bena caya kosɔbɛ.»

Damina 17:1

Abramu saan bi kɔnɔntɔn ni kɔnɔntɔnnan na, Masaba y'a yɛrɛ yira a la k'a fɔ a ye ko: «Ne le ye Setigi Ala ye. I ka taama ne ɲakɔrɔ cogoɲuman na.

Damina 48:3

Yakuba y'a fɔ Yusufu ye ko: «Ka ne to Luzi, Kanaan jamana na, Setigi Ala y'a yɛrɛ yira ne la, ka hɛrɛ kɛ ne ye.

Lok 2nan 30:12

Zuda mara la fana, Masaba y'a to jama ka miiriya kɛra kelen ye ka se ka masacɛ n'a ka ɲamɔgɔw ka fɔta kɛ, ka kɛɲɛ ni ale Masaba ka kuma ye.

Zaburu 110:3

Cɛfariw be tugura i kɔ. I ka kɛlɛdenw lajɛnlon na, Ala ka kulu kan, kanbelenw nana i fɛ i ko sɔgɔmada joona komiji.

Bɔri 10:3

Musa ni Arɔn tagara masacɛ fɛ k'a fɔ a ye ko: «Masaba, eburuw ka Ala ko i bena ban k'i yɛrɛ majigi ale kɔrɔ fɔɔ tuma jumɛn? Ko i k'a to ale ka jama ka ta'a bato.

Bɔri 17:5

Masaba ye Musa jaabi ko: «Taga jama ɲafɛ, e ni Isirayɛli cɛkɔrɔba dɔw. I ye Nili baji gosi ni bere min ye, i ka taga n'ale ye i bolo.

Bɔri 19:1

Isirayɛlidenw bɔnin kɔ Ezipiti, kalo sabanan dafalon yɛrɛ, u sera kongokolon kɔnɔ Sinayi kulu gɛrɛfɛ.

Bɔri 25:22

Ne bena n yɛrɛ yira i la o yɔrɔ la, kɛsu sanfɛ datugulan nin sanfɛ, serubɛn fila nunu cɛma, ka n ka fɔtaw bɛɛ fɔ i ye, i ka kan ka minw fɔ Isirayɛlidenw ye.

Bɔri 3:12

Ala ko: «Ne bena to n'i ye. Taamasiɲɛ min b'a yira ko ne le y'i ci, o ye nin ye: N'i ye jama bɔ Ezipiti tuma min na, aw bena ne bato kulu nin kan.»

Bɔri 3:16

Taga Isirayɛli cɛkɔrɔbaw lajɛn k'a fɔ u ye ko ne Masaba, u bɛmaw ka Ala, Ibrayima, ni Isiyaka, ani Yakuba ka Ala, ko ne ye n yɛrɛ yira i la k'a fɔ ko ne y'a latigɛ k'u dɛmɛ. Koo min be kɛra u la Ezipiti, ne ɲaa b'o la.

Bɔri 30:36

I k'a dɔ cici k'a kɛ mugu ye k'o bila layidu taamasiɲɛ kɛsu ɲafɛ, Ɲɔgɔnkunbɛn fanibugu kɔnɔ, an bena ɲɔgɔn kunbɛn yɔrɔ min na. O bena kɛ fɛɛn ye min saniyanin be kosɔbɛ aw fɛ.

Bɔri 30:6

I bena wusulan jɛniyɔrɔ nin bila soo cɛtigɛfani kɛnɛmala la, min be layidu taamasiɲɛ kɛsu n'a datugulan ɲafɛ, an bena ɲɔgɔn kunbɛn yɔrɔ min na.

Bɔri 4:1

Musa y'a jaabi ko: «U tena la ne la do. U tena ne lamɛn, u ben'a fɔ ko: ‹Masaba m'a yɛrɛ yira i la.› »

Bɔri 4:23

Ko ne tun ko a k'a to ne deen be taga n bato. Ko a ma sɔn k'a to minkɛ, ne ben'a yɛrɛ dencɛ fɔlɔ faga.»

Bɔri 4:24

Musa lɔra sira kan yɔrɔ dɔ la ko a be si yen. K'a to o yɔrɔ la, Masaba nan'a fɛ ko a b'a faga.

Bɔri 4:31

Jama lar'a la. U y'a faamu ko Masaba b'a fɛ k'u dɛmɛ, ko a y'u ka sɛgɛn ye. U y'u kunbiri gwan duguma k'a bato.

Bɔri 5:1

O kɔ, Musa ni Arɔn tagar'a fɔ Ezipiti masacɛ ye ko: «Masaba, Isirayɛli ka Ala y'a fɔ ko i k'a to a ka mɔgɔw be taama dɔ kɛ ka taga kongokolon kɔnɔ k'a bato yen.»

Bɔri 5:3

Musa ni Arɔn ko: «Eburuw ka Ala y'a yɛrɛ yira an na. A to an ka taga tile saba taama kɛ kongokolon kɔnɔ ka saraka bɔ Masaba ye, an ka Ala, janko a kana fɔɲɔbana bila an na, walima k'a kɛ kɛlɛ be wili an fɛ.»

Bɔri 7:16

I k'a fɔ a ye ko: ‹Masaba, eburuw ka Ala tun ye ne ci k'a fɔ i ye ko i k'a to a ka jama ka ta'a bato kongokolon kɔnɔ. Halibi i ma sɔn ka mɛnni kɛ.

Bɔri 8:1

Masaba y'a fɔ Musa ye ko: «A fɔ Arɔn ye ko a k'a ka bere kɔrɔta bajiw ni kɔɔw ni wolonkotow sanfɛ janko tɔrisenjanw ka don Ezipiti jamana kɔnɔ.»

Bɔri 8:20

Masaba y'o koo kɛ ten. Limɔgɔjugu caaman donna masacɛ n'a ka mɔgɔbabaw ka soow kɔnɔ, ni jamana bɛɛ kɔnɔ. Limɔgɔw ye jamana faan bɛɛ cɛn.

Bɔri 8:23

An b'a fɛ ka tile saba taama kɛ kongokolon kɔnɔ ka saraka bɔ Masaba ye, an ka Ala, i ko a y'a fɔ an ye cogo min na.»

Bɔri 9:1

Masaba y'a fɔ Musa ye ko: «Taga Ezipiti masacɛ fɛ, k'a fɔ a ye ko ne, Masaba, eburuw ka Ala ko a k'a to ne ka jama ka taga ne bato.

Bɔri 9:13

O kɔ, Masaba y'a fɔ Musa ye ko: «Wili sɔgɔma joona ka taga Ezipiti masacɛ kunbɛn k'a fɔ a ye ko ne Masaba, eburuw ka Ala ko a k'a to ne ka jama ka taga ne bato.

Ezayi 64:5

Anw bɛɛ nɔgɔnin lo. An ka kɛwaliɲumanw bɛɛ be i ko fani nɔgɔnin. Anw fasara, an ka hakɛw b'an ta ka taga i ko fɔɲɔ.

Yeremi 2:2

«Ta'a fɔ Zeruzalɛmukaw ye ko ne Masaba ko: ‹Kanuya min tun b'aw dusu la aw denmisɛn tuma na, ne hakili b'o la, tuma min na aw tun be ne kanu i ko muso min furula kura ye. Aw tun be ne kɔ kongokolon kɔnɔ, danni te se ka ɲa yɔrɔ min na.

Yeremi 2:6

U ma u yɛrɛ ɲininga ko: ‹Masaba min y'an bɔ Ezipiti jamana la, ka bila an ɲa kongokolon kɔnɔ, jamana lakolon, dingɛkolon yɔrɔ nin, yɔrɔ janin, jamanajugu, mɔgɔ si te tɛmɛ yɔrɔ min na, mɔgɔ si siginin te yen, o Masaba nin be min?›

Yeremi 26:5

ni aw te mɛnni kɛ ne ka baarakɛlaw, kiraw fɛ, ne tora ka minw ci aw fɛ, k'a sɔrɔ aw tun te mɛnni kɛra u fɛ,

Jateri 17:4

O la, wusulandaga ziralaman minw tun be mɔgɔ nunu fɛ minw jɛnina, sarakalasebaga Eleyazari ye olu cɛ k'u dilan k'u kɛ sarakabɔyɔrɔ datugulan ye.

Yosuwe 1:17

An bena mɛnni kɛ i fɛ kosɔbɛ i n'a fɔ an tun be to ka mɛnni kɛ Musa fɛ cogo min na. Masaba i ka Ala ka to i fɛ, i n'a fɔ a tun tora Musa fɛ cogo min na.