Bɔri 3:12 - ALA KA KUMA

¹² Ala ko: «Ne bena to n'i ye. Taamasiɲɛ min b'a yira ko ne le y'i ci, o ye nin ye: N'i ye jama bɔ Ezipiti tuma min na, aw bena ne bato kulu nin kan.»

Jula NT of Côte d’Ivoire

¹² Ala ko: «Ne bɛna kɛ ni i ye. Ne b’a fɔ i ye ko ni i ka na bla Izirayɛlimɔgɔw ɲa ka o labɔ Misiran, aw bɛna na ne bato nin kuru kelen le kɔrɔ yan. O tagamasiyɛn le sababu ra i bɛna a lɔn ko ne le ka i ci.»

Bɔri 3:12 Iomraidhean Croise

Damina 15:1

O koow tɛmɛnin kɔ, Masaba y'a yɛrɛ yira Abramu la k'a fɔ a ye ko: «Abramu, i kana siran. Ne y'i tangabaga ye i n'a fɔ kɛlɛden ka nigɛkunbɛnnan, i ka sara bena caya kosɔbɛ.»

Damina 15:8

Abramu ko: «Matigi, Masaba, ne ben'a lɔn cogo di ko ne bena kɛ a tigi ye?»

Damina 26:3

Sigi jamana nin kɔnɔ yan, ne bena to i fɛ ka i dɛmɛ. Ne bena mara nunu bɛɛ d'i n'i kɔmɔgɔw ma. Ne ye layidugwɛlɛn ta i faa Ibrayima ye koo min na, ne bena o kɛ.

Damina 31:3

Masaba y'a fɔ Yakuba ye ko: «Segi ka taga i faso la i balimaw fɛ. Ne bena to i fɛ.»

Mas 2nan 19:29

Nin le bena kɛ o taamasiɲɛ ye i fɛ, Ezekiyasi: Aw bena sumanmana le dumu ɲinan. A saan filanan fana bena kɛ ten. Nga a saan sabanan na, aw ka danni kɛ ka suman tigɛ, ka ɛrɛzɛnsunw tutu k'u deenw dumu.

Lok fɔlɔ 9:20

Eleyazari dencɛ Pinasi le tun y'u kuntigi ye fɔlɔfɔlɔ. Masaba tun be n'a ye.

Zaburu 86:17

Taamasiɲɛ dɔ kɛ k'a yira ko i be ne fɛ. Ne kɔniyabagaw bena o ye, u bena maloya, bari e Matigi le ye ne dɛmɛbaga ni ne jigitugubaga ye.

Bɔri 18:5

Musa birancɛ Zetoro nana ni Musa muso Sipora n'a dencɛ fila ye Musa fɛ kongokolon kɔnɔ a ka sigiyɔrɔ la Ala ka kulu gɛrɛfɛ.

Bɔri 3:1

Ayiwa, Musa tun b'a birancɛ Zetoro ka sagaw mara, ale min ye Madiyan murutigi ye. A tagara n'u ye kongokolon faan dɔ la, fɔɔ ka taga se Ala ka kulu yɔrɔ la, o min be wele ko *Orɛbu.

Bɔri 3:13

Musa y'a fɔ Ala ye ko: «Ayiwa, ni ne tagara Isirayɛlidenw fɛ k'a fɔ u ye k'u bɛmaw ka Ala ye ne ci u ma, n'u ye ne ɲininga a tɔgɔ la, ne bena mun fɔ u ye?»

Bɔri 33:14

Masaba ko: «Ne yɛrɛ bena taga n'i ye, ani ka lafiya d'i ma.»

Bɔri 4:12

taga sa, ne bena i dɛmɛ ka kuma, ani k'i ka kuma fɔta yira i la.»

Bɔri 4:15

I bena kuma a fɛ, a bena kɛ i ka dalaminɛ ye. Ne bena aw fila bɛɛ dɛmɛ ka kuma, ani k'aw ka kokɛtaw yira aw la.

Bɔri 8:27

Musa ye fɛɛn min daali, Masaba y'o kɛ. Limɔgɔw bɔra masacɛ n'a ka mɔgɔbabaw, n'a ka mɔgɔw cɛma, hali limɔgɔ kelen ma to yen.

Ezayi 37:30

«Nin le na kɛ o taamasiɲɛ ye i fɛ, Ezekiyasi: Aw bena sumanmanaw le dumu ɲinan. A saan filanan fana bena kɛ ten. Nga a saan sabanan na, aw ka danni kɛ ka suman tigɛ, ka *ɛrɛzɛnsunw tutu k'u deenw dumu.

Ezayi 41:10

Aw kana siran, bari, ne be ni aw ye, aw hakili kana ɲagami, bari, ne le ye aw ka Ala ye. Ne be barika don aw la, ne b'aw dɛmɛ. Ne b'aw tanga ka see d'aw ma ni ne ka sebagaya ye.

Ezayi 43:2

Hali n'aw be tɛmɛna jii kɔnɔ, ne bena kɛ n'aw ye. Hali n'aw be baji tigɛ, a tena aw kunu. Hali n'aw be tagamana tasuma cɛma, a tena aw jɛni. K'aw to tasuma cɛma, a tena foyi kɛ aw la.

Ezayi 7:14

O la sa, Matigi yɛrɛ le bena taamasiɲɛ di aw ma. Ayiwa, sunguru dɔ be na kɔnɔ ta. A bena dencɛ wolo, k'a tɔgɔ la ko Emanuwɛli.

Yeremi 1:8

I kana siran mɔgɔ si ɲa, bari ne be n'i ye k'i kisi. Ne Masaba le ko ten.»

Jateri 16:28

Musa ko: «Aw ben'a lɔn nin le fɛ ko Masaba ye ne ci ka koo nunu bɛɛ kɛ, ne ma n yɛrɛ sago kɛ.

Jateri 23:21

A ma tilenbaliyako ye Yakuba kɔmɔgɔw la, a ma kojugu ye Isirayɛlidenw fɛ. Masaba u ka Ala tora u fɛ, Masaba ka folikan be bɔra u fɛ.

Matiyu 28:20

k'u kalan, waasa u ka ne ka kuma bato. Ne kɔni bena to n'aw ye loon o loon fɔɔ ka taga diɲɛ wili.»

Marika 16:20

Kalandenw tagara kibaru diman fɔ yɔrɔ bɛɛ. Matigi Yezu tun be n'u ye u ka baara bɛɛ la. A ye see d'u ma ka kabakow kɛ k'a yira k'u ka waajuli kuma ye tiɲɛ ye.]

Kɛwalew 11:21

Ala y'a ka sebagaya d'u ma fɔɔ mɔgɔ caaman lara Matigi la ka sɔn a ma.

Kɛwalew 7:7

Nga, ko siya min bena u kɛ jɔɔnw ye, ko ale bena olu ɲagwan! K'o kɔ, u bena bɔ ka na ale bato yan yɔrɔ la.

Rɔmukaw 8:31

An be mun fɔ tugu? Ni Ala b'an fɛ, jɔn be wili an kama tugu?

Sariya 31:23

Masaba ye kuma nin fɔ Nun dencɛ Zozuwe ye ko: «Barika don i yɛrɛ la, k'i jaa gwɛlɛya, bari e lo bena don ni Isirayɛlidenw ye jamana nin kɔnɔ, ne ye min layidu ta u ye. Ne yɛrɛ bena kɛ n'i ye.»

Heburuw 13:5

Wari ɲiniko kana fiɲɛ don aw si tagamacogo la. Min b'aw bolo, o k'aw wasa. Bari Matigi yɛrɛ le ko: «Ne tena i to i kelen, n tena i bila abada.»

Yosuwe 1:5

Ka i to sii la, mɔgɔ si tena se ka lɔ i ɲafɛ. Ne bena to i fɛ i n'a fɔ ne tora Musa fɛ cogo min na, ne tena i bila abada, ne fana tena i to i kelen na fewu.

Kititigɛbagaw 6:12

Mɛlɛkɛ nin y'a yɛrɛ yira Zedeyɔn la k'a fɔ a ye ko: «Masaba be n'i ye, kɛlɛdenŋana!»

Kititigɛbagaw 6:16

Masaba y'a fɔ a ye ko: «Ne bena to n'i ye, i bena se Madiyanw kɔrɔ i n'a fɔ mɔgɔ kelen.»

Kititigɛbagaw 6:17

Zedeyɔn y'a jaabi ko: «Ni ne koo ka d'i ye, i ka taamasiɲɛ dɔ kɛ k'a yira ko ele Masaba le be kumana ne fɛ.

Kititigɛbagaw 6:21

Bere min tun be Masaba ka mɛlɛkɛ bolo, a y'o dakun kɛ ka maga sogo ni buru nunu na, tasuma bɔra fara nin kɔnɔ ka sogo ni buru nunu jɛni. O kɔ, Masaba ka mɛlɛkɛ tunun'a ɲakɔrɔ.

Kititigɛbagaw 7:11

U bena fɛɛn min fɔ, i bena o mɛn, o mɛnnin kɔ, i bena jagwɛlɛya sɔrɔ ka taga u kɛlɛ.» A wilila ni Pura ye ka jigi fɔɔ ka se u sigiyɔrɔ gɛrɛfɛ.

Sam fɔlɔ 14:10

Nga ni u y'a fɔ ko an ka na, an bena taga u fɛ, bari Masaba bena u don an bolo. O le bena kɛ taamasiɲɛ ye an fɛ.»