Bɔri 24:4 - ALA KA KUMA

⁴ O kɔ, Musa ye Masaba ka kuma nunu bɛɛ sɛbɛn. O dugusagwɛ, a wilila sɔgɔma joona ka sarakabɔyɔrɔ lɔ kulu nin jukɔrɔ. A ye kabakuru tan ni fila fana lɔ, Isirayɛli deen tan ni fila kɔmɔgɔw tɔgɔ la.

Jula NT of Côte d’Ivoire

⁴ Ayiwa, Matigi Ala ka kuma minw bɛɛ fɔ Musa ye, Musa ka o bɛɛ sɛbɛ. O kɔ, a wurira sɔgɔmada joona fɛ, ka sarakajɛnifɛn dɔ lɔ kuru kɛrɛ fɛ, ka kabakurujan tan ni fla lɔlɔ fana ka kaɲa ni Izirayɛlimɔgɔw ta gba tan ni fla tɔgɔw ye.

Bɔri 24:4 Iomraidhean Croise

Damina 12:7

Masaba y'a yɛrɛ yira Abramu la k'a fɔ a ye ko: «Ne bena jamana nin d'i kɔmɔgɔ ma.» O la, Abramu ye sarakabɔyɔrɔ lɔ Masaba ye o yɔrɔ la, ale min tun y'a yɛrɛ yira a la.

Damina 28:18

O dugusagwɛ sɔgɔma joona, Yakuba tun ye kabakuru min la a kuun kɔrɔ, a y'o ta k'a tutu ka tulu bɔn a kan.

Damina 28:22

Ne ye kabakuru min lɔ, o bena kɛ ele Ala ka soo ye. N'i ye fɛɛn o fɛɛn di ne ma, ne bena o bɛɛ jaka d'i ma.»

Damina 31:45

O la, Yakuba ye kabakuru ta k'a tutu.

Mas fɔlɔ 11:30

Aya y'a ka forocakura nin minɛ k'a faran yɔrɔ tan ni fila.

Mas fɔlɔ 18:31

A ye kabakuru deen tan ni fila ta ka kɛɲɛ ni Yakuba deen tan ni fila nunu daa ye, Masaba tun y'a fɔ ale min ma ko: «Isirayɛli le bena kɛ i tɔgɔ ye.»

Ɛsidarasi 6:17

Soo nin kalifako la Ala ma, u ye tura kɛmɛ bɔ saraka ye, ni sagajigi kɛmɛ fila ni sagaden kɛmɛ naani, ani ka bakɔrɔnin tan ni fila kɛ saraka ye Isirayɛli deen tan ni fila kɔmɔgɔw bɛɛ tɔgɔ la u ka hakɛ kosɔn.

Nehemi 10:1

Koo minw tun y'an sɔrɔ olu kosɔn, an y'a latigɛ sɔbɛ la k'an daa di k'o kɛ sɛbɛ ye. An ɲamɔgɔw ni Levi kɔmɔgɔ minw b'an cɛma, ni an ka sarakalasebagaw, y'u bulonɔ bila sɛbɛ nin kan.

Bɔri 17:14

O kɔ, Masaba y'a fɔ Musa ye ko: «I ka o koo nin sɛbɛn kitabu kɔnɔ janko mɔgɔw kana ɲinɛ a kɔ. A fɔ Zozuwe ye fana ko ne bena Amalɛki tɔgɔ tunu ka bɔ dugukolo kan.»

Bɔri 17:15

Musa ye sarakabɔyɔrɔ dɔ lɔ yen k'o tɔgɔ la ko: «Masaba ye ne ka kɛlɛkɛtaamasiɲɛ ye.»

Bɔri 21:1

Masaba y'a fɔ tugu ko: «I bena sariya minw fɔ jama ye, o filɛ:

Bɔri 24:7

O kɔ, a ye Layidusɛbɛ ta k'a kalan jama ɲana. U ko: «Masaba ye min fɔ, an bena o bɛɛ kɛ, an ben'a sago kɛ.»

Bɔri 28:21

U ka kɛ tan ni fila ye ka kɛɲɛ ni Isirayɛli dencɛw tɔgɔw ye. Isirayɛli deen tan ni fila nunu tɔgɔw kelen ka ɲɛgɛn kabakuru nunu kelen kan, k'u kɛ i n'a fɔ taamasiɲɛ lafɛn.

Bɔri 34:27

Masaba y'a fɔ Musa ye tugu ko: «I ka kuma nunu sɛbɛn, bari o le ye n ka bɛɛn nin sindiyɔrɔ ye ni ele ani Isirayɛlidenw ye.»

Ezayi 19:19

O waati la, sarakabɔyɔrɔ bena labɛn Ezipiti jamana cɛma, kabakuru be lɔ jamana daan na Masaba tɔgɔ la.

Sarakalasebagaw 24:5

«I ka mugu tɛntɛnnin ta ka burukun tan ni fila dilan n'a ye. O burukun kelen kelen bɛɛ ka dilan ni mugu kilo wɔɔrɔ wɔɔrɔ ye.

Jateri 17:2

«A fɔ sarakalasebaga Arɔn dencɛ Eleyazari ye ko a ka wusulandaga nunu cɛ ka bɔ takami cɛma, k'u kɔnɔ takami fili yɔrɔjan, bari daga nunu ye ne ta ye.

Luka 22:30

janko aw ka dumuni kɛ ka minni kɛ ne ka masaya la, ani ka sigi masasigilanw kan ka Isirayɛli ka deen tan ni fila kɔmɔgɔw kiti.»

Galasikaw 2:9

Zaki ni Piyɛri ani Zan olu minw tun be jati kosɔbɛ, olu fana y'a lɔn ko Ala ye nɛɛma kɛ ne ye. U y'u bolo don ne ni Barinabasi bolo la, k'a yira ko an bɛɛ kɛra baarakɛɲɔgɔnw ye, waasa an ka taga siya wɛrɛw fɛ, olu ka taga zuwifuw fɛ.

Sariya 31:9

Musa ye sariya nin sɛbɛn k'a di Levi kɔmɔgɔw, sarakalasebagaw ma, minw ka kan ka Masaba ka layidu taamasiɲɛ kɛsu ta, ani Isirayɛli cɛkɔrɔbaw.

Yosuwe 4:20

U tun ye kabakuru tan ni fila minw ta Zurudɛn baji dingɛ kɔnɔ, Zozuwe ye olu minɛ k'u bila ɲɔgɔn kan Giligali.

Yosuwe 4:5

k'a fɔ u ye ko: «Aw ye tɛmɛ Masaba aw ka Ala ka layidu taamasiɲɛ kɛsu ɲafɛ Zurudɛn baji cɛmancɛ la, aw kelen kelen bɛɛ ka kabakuru ɲun k'a bila aw gaman kan ka kɛɲɛ ni Isirayɛlidenw ka sokalaw daa ye,

Yirari 21:14

Kogo nin juu siginin be kabakuru tan ni fila le kan. Sagaden ka ciden tan ni fila tɔgɔw sɛbɛnnin b'o kabakuru nunu kan kelen kelen.