Bɔri 24:10 - ALA KA KUMA

¹⁰ U ye Isirayɛli ka Ala ye. A lɔyɔrɔ tun be i n'a fɔ yɔrɔ min dilanna ni kabakuru bulaman sifa dɔ ye min sɔngɔ ka gwɛlɛ. O yɔrɔ ɲaa tun be i n'a fɔ sankolo ɲaa ni kaba t'a kan.

Jula NT of Côte d’Ivoire

¹⁰ O ka Izirayɛli ta Ala ye. A senkɔrɔyɔrɔ tun bɛ i ko safiri lulu min bɛ manamana, k’a nɔɔrɔ kɛ i ko sankolo yɛrɛ nɔɔrɔ.

Bɔri 24:10 Iomraidhean Croise

Damina 32:30

Yakuba y'a ɲininga ko: «Ne b'i daali i k'i tɔgɔ fɔ ne ye.» Cɛɛ y'a jaabi ko: «Mun na i be ne tɔgɔ ɲininga?» O kɔ, a ye duba k'a ye o yɔrɔ la.

Damina 32:31

Yakuba y'o yɔrɔ tɔgɔ la ko Penuyɛli, bari a ko: «Ne ɲaa lara Ala yɛrɛ le kan, o bɛɛ n'a ta, ne ma sa.»

Mas fɔlɔ 22:19

Mise y'a fɔ a ye tugu ko: «Masaba ka kuma mɛn sa! Ne ye Masaba siginin ye a ka masasigilan kan, sankolo kɔnɔ. A ka kɛlɛbolo bɛɛ lɔnin be k'a lamini, dɔ b'a kinibolo fɛ, dɔ b'a numanbolo fɛ.

Lok 2nan 6:17

Ayiwa, sisan, Masaba, Isirayɛli ka Ala, i ye layidu min ta i ka baarakɛla ne facɛ Dawuda ye, o ka kɛ.

Bɔri 24:11

Nga Ala ma maga Isirayɛlidenw ka ɲamɔgɔ nunu na. U y'a ye. U ye dumuni kɛ ka minni kɛ.

Bɔri 3:6

Ne y'i bɛma ka Ala ye, Ibrayima, ni Isiyaka, ani Yakuba ka Ala.» Musa y'a ɲada biri bari a tun be siran ka Ala filɛ.

Bɔri 33:20

A y'a fɔ tugu ko: «Nga i te se ka ne ɲada ye, bari adamaden te se ka n ye ka tila ka to nii na.»

Bɔri 33:23

O kɔ, ne bena n bolo bɔ. I bena ne kɔɔ ye, nga ne ɲaa man kan ka ye.»

Dɔnkiriw 5:14

A bolow bɛɛ ye sanu ye, kabakuru sɔngɔgwɛlɛnw ɲagaminin be min na. A fari cɛɛ ka ɲi i ko samaɲin nugunin, kabakuru bulamanw dondonnin be min na.

Dɔnkiriw 6:10

«Ee! Nin ye sunguru jumɛn ye? A be i ko dugu gwɛtɔ. A cɛɛ ka ɲi i ko kalo, a be manamana i ko tile. Nga a be mɔgɔ jaa tigɛ i ko kɛlɛbolo u ka kɛlɛkɛtaamasiɲɛ kɔrɔ.»

Kasikan 4:7

Jama ɲamɔgɔw tun saniyanin be kosɔbɛ. U tun gwɛra parapara. U tun ka kɛnɛ tigitigi, u fari tun ka ɲi.

Ezekiyɛli 1:1

Mɔgɔ minw tun minɛna ka taga Kebari baa daa la, ne Ezekiyɛli tun be olu cɛma. Ne ye sankolo daa yɛlɛtɔ ye, Ala ye yelifɛnw yira ne la. O kɛra saan bi sabanan kalo naaninan tile duuru loon.

Ezekiyɛli 10:1

Ne ye filɛli kɛ ka fɛɛn dɔ ye *serubɛn nunu kuun sanfɛ. O fɛɛn nin tun be i ko kabakuru bulaman dɔ, a bɔnin tun be masasigilan fɛ.

Daniyɛli 10:17

Ne min ye i ka jɔncɛ ye, ne bena se ka mun le fɔ n matigi ɲakɔrɔ? Sabu, barika si te ne la, ne ninakili degunnin lo.»

Jateri 12:8

Ne be kuma gwɛnin fɔ ale ye daa ni daa, ne te kuma a fɛ talen na. Ale be ne Masaba cogo ye. Mun na aw ma siran ka ne ka baarakɛla Musa kɔrɔfɔ?»

Matiyu 17:2

O yɔrɔ la, Yezu cogo yɛlɛmana u ɲana, a ɲada tun be manamana i n'a fɔ tile, a ka fani tun gwɛra parapara.

Yuhana 1:18

Mɔgɔ si ma deli ka Ala ye abada, nga a Deen kelenpe, min fana ye Ala ye, ale n'a Faa Ala be ɲɔgɔn fɛ, ale lo nana Ala cogo yira an na.

Yuhana 14:9

Yezu y'a fɔ Filipu ye ko: «Ne be n'aw ye kabini tumajan, o bɛɛ n'a ta, e ma ne lɔn wa Filipu? Ni mɔgɔ min ɲaa lara ne kan, o tigi ye n Faa fana ye, mun na e b'a fɔ ko ne ka n Faa yira aw la?

Yuhana 6:46

Mɔgɔ si ɲaa ma deli ka la Faa Ala kan, fɔɔ min bɔr'a fɛ ka na, ale lo y'a ye.

Tim fɔlɔ 6:16

Ale kelen le te sa, a be kɛnɛ na mɔgɔ si te se ka gwɛrɛ min la. Mɔgɔ ma Ala ye, mɔgɔ te se k'a ye fana. Boɲa ni sebagaya ye ale ta ye tuma bɛɛ. Amiina.

Zan fɔlɔ 4:12

Mɔgɔ si ɲaa ma deli ka la Ala kan ka ye. Nga n'an be ɲɔgɔn kanu, o b'a yira ko Ala b'an fɛ. Ni Ala b'an fɛ, a ye kanuya min don an dusu la, o be kɛ ko dafanin ye.

Yirari 1:16

Lolo wolonwula tun b'a kinibolo la. Murujan min daa fila bɛɛ ka di tun b'a daa la. A ɲada tun be manamana i n'a fɔ tile.

Yirari 21:11

Ala ka nɔɔrɔ tun b'a kan. A tun be manamana kosɔbɛ.

Yirari 4:3

O tigi tun be manamana i n'a fɔ dakamana kabakuru binkɛnɛman ni wulemanw. Sanmuru kɛnin tun be ka masasigilan lamini. O ɲaa bɔnin tun be dakamana kabakuru binkɛnɛman dɔ fɛ.