Bɔri 23:8 - ALA KA KUMA

⁸ Bonyafɛn min b'aw daa siri, aw kana sɔn k'o minɛ, bari o be mɔgɔ hakili yɛlɛma, a te se ka tiɲɛ fɔ, a be mɔgɔtilennin ka kuma jɛngɛ.

Jula NT of Côte d’Ivoire

⁸ «Aw kana sɔn ka bonyafɛn mina mɔgɔ fɛ, ka kiti diya a tigi ra; sabu bonyafɛn bɛ mɔgɔ yerikɛbagaw ɲa fiyen, ka mɔgɔ terenninw ta kuma jɛngɛ.

Bɔri 23:8 Iomraidhean Croise

Zaburu 15:5

A te wari juru don tɔnɔ kama, a fana te fɛɛn minɛ ka mɔgɔ jalakibali ka tiɲɛ munumunu. Mɔgɔ min be koo kɛ ten, o tigi te ben fewu.

Zaburu 26:10

Minw be to ka kokolonw kɛ, u bolow fanin be daa sanfɛnw na.

Zanaw 15:27

Tɔnɔjugu ɲinibaga be ɲagamini don a ka soo kɔnɔ. Mɔgɔ min te sɔn dasanfɛn ma, o tigi bena sijan sɔrɔ.

Zanaw 17:23

Mɔgɔjugu le be daa sanfɛn minɛ dogo la ka sɔrɔ ka kiti tilenbali tigɛ.

Zanaw 17:8

Mɔgɔ dɔ ka miiri la, ko daa sanfɛn le bena kɛ a ma kunnadiya ye. A be miiri ko a ka koo bɛɛ bena ɲa o sababu la.

Zanaw 19:4

Nafolotigi teriw ka ca, nga fantan kɔni be fɔn a teri la.

Waajurikɛbaga 7:7

Tɔɔrɔ be se ka hakilitigi kɛ naloman ye. Bonyafɛn fana be se ka hakilitigi ka hɔrɔnya bɔsi a la.

Ezayi 1:13

Aw kana boɲafɛn fufafu di ne ma tugu. Aw ka wusulan sisi man di n ye. Aw be kojugu minw kɛ kalokura ɲanagwɛw, ni lafiɲɛlonw, ani aw ka lajɛnnilonw la, ne te se k'o muɲu.

Ezayi 1:23

Aw ka dugu ɲamɔgɔw kɛra mɔgɔmurutininw ye, benkannikɛlaw dɛmɛbagaw lo. Bonyafɛn le ka di u bɛɛ ye, u be boli daa sanfɛnw kɔ. U te falatɔ ka tiɲɛ d'a ma, firiyamuso ka koo te don u tulo la ka ye.

Ezayi 33:15

Mɔgɔ min be taama tilenninya sira kan, mɔgɔ min be tiɲɛkuma fɔ, mɔgɔ min be ban tɔnɔjugu la, mɔgɔ min be ban dasanfɛn na, mɔgɔ min b'a tulo datugu janko a kana mɔgɔfagako ŋaniya mɛn, mɔgɔ min b'a ɲaa datugu janko a kana kojuguw ye,

Ezayi 5:22

Mɔgɔ minw ye dɔrɔminlawaraw ye, minw ye dɔrɔtobilaŋanaw ye, bɔnɛ ye olu ta ye.

Ezayi 5:23

U be tiɲɛ di mɔgɔjalakinin ma a ka daa sanfɛn kosɔn, ka ban ka tiɲɛ di tiɲɛtigi ma.

Ezekiyɛli 22:12

I kɔnɔ mɔgɔw be sɔn ka daa sanfɛn minɛ ka fagali kɛ. U be juru don ka tɔnɔjugu ɲini, u b'u sigiɲɔgɔn tɔɲɔ ka tɔnɔjugu sɔrɔ. U ɲinɛna ne kɔ. Ne Matigi, Masaba le ko ten.

Oze ta kitabu 4:18

N'u y'u ka minniw kɛ ka ban, u be to kakalaya la. Maloyako le ka di u ɲamɔgɔw ye.

Amɔsi 5:12

Bari aw ka murutikow cayara! Aw ka hakɛw dama tɛmɛna! Aw be mɔgɔtilenninw tɔɔrɔ. Aw be sɔn ka daa sanfɛnw minɛ, aw be dɛsɛbagatɔw ka tiɲɛ bɔsi u la kititigɛyɔrɔ la.

Mise 7:3

U be se kojugu la kosɔbɛ. Ɲamɔgɔw be bolo nɛmuyɔrɔ fɛ fɔlɔ ka sɔrɔ ka ɲuman kɛ. Kititigɛbagaw be kiti tigɛ tɔnɔ kama. Mɔgɔbabaw b'u diyanako fɔ kɛnɛ kan ka namara kɛ k'o sɔrɔ.

Sariya 10:17

bari batofɛn bɛɛ ka Ala lo, matigiw ka Matigi lo, a ka bon, see b'a ye, siranyafɛn lo. A te mɔgɔ woloma, boɲafɛn t'a ɲagami.

Sariya 16:19

«Aw kana kiti si tigɛ k'a cɛn. Aw kana wolomani kɛ kiti la, aw kana boɲafɛn minɛ fana k'aw yɛrɛ daa siri n'o ye. Bari o fɛɛn nunu le be lɔnnikɛla hakili yɛlɛma, ka mɔgɔtilenninw ka tilenninya ɲagami.

Sam fɔlɔ 12:3

Ne filɛ aw ɲa. Ne ye koo minw kɛ aw la, aw k'o bɛɛ fɔ Masaba n'a ka mɔgɔ wolomanin ɲakɔrɔ. Ni n ye min ka misi bɔsi, a k'a fɔ, ni n ye min ka fali bɔsi, o tigi k'a fɔ. N ye min tɔɲɔ, o fana k'a fɔ, n ye min tɔɔrɔ, o tigi k'a fɔ fana. Ne ye n ɲaa tugu min ka kojugu kan a ka boɲafɛn kama, o tigi k'a yɛrɛ yira. Ne ben'a ɲɔgɔn kɔsegi aw ma.»

Sam fɔlɔ 8:3

Nga u ma sɔn k'u facɛ sɔɔn ta, u donna namara la ka to ka fɛɛnw minɛ mɔgɔw fɛ, u tun te kititilennin tigɛ tugu.