Bɔri 23:7 - ALA KA KUMA

⁷ «Aw kana sɔn galon koo la abada. Aw kana mɔgɔ jalakibali, walima mɔgɔtilennin faga, bari ne tena tiɲɛ di kojugukɛla ma.

Jula NT of Côte d’Ivoire

⁷ «Aw kana sɔn ka mɔgɔ jaraki faninya kan, ka mɔgɔ jarakibari, walama mɔgɔ terennin faga; sabu ne tɛ mɔgɔjugu jarakibari to.

Bɔri 23:7 Iomraidhean Croise

Damina 18:23

Ibrayima gwɛrɛla k'a fɔ ko: «I bena mɔgɔtilenninw ni mɔgɔjuguw halaki ɲɔgɔn fɛ wa?

Ayuba 22:23

N'i kɔsegira Setigi ma, a bena e ta ɲa. E k'i mabɔ tilenbaliyakow la.

Zaburu 119:29

Namara sira yɔrɔ jaɲa ne la. Ne dɛmɛ k'i ka sariya bato.

Zaburu 94:21

U be bɛn ka mɔgɔtilennin le kɛlɛ, u be mɔgɔ jalakibali le jalaki.

Bɔri 20:13

«Aw kana mɔgɔ faga.

Bɔri 20:16

«Aw kana galon la aw mɔgɔɲɔgɔn kan.

Bɔri 23:1

«Aw kana kuma lakali min te tiɲɛ ye. Aw kana galon tigɛ ka kojugukɛla dɛmɛ.

Bɔri 34:7

A b'a ka ɲumanya yira adamadenw kɔmɔgɔw la fɔɔ *filankuru caaman. A be tilenbaliyako, ni murutili, ani hakɛ yafa. Nga a te tiɲɛ di mɔgɔ ma, ni tiɲɛ t'a fɛ. A be faaw ka tilenbaliya juru sara u deenw n'u mamadenw ani u tulomasamaw na.»

Zanaw 11:21

Sɔbɛ la, mɔgɔjugu ɲagwanbali tena to. Nga mɔgɔtilenninw bena kisi.

Zanaw 17:15

Ka kojugukɛla to yen, ka tiɲɛtigi jalaki, o ye koo fila ye min ka go Masaba ye.

Ezayi 33:15

Mɔgɔ min be taama tilenninya sira kan, mɔgɔ min be tiɲɛkuma fɔ, mɔgɔ min be ban tɔnɔjugu la, mɔgɔ min be ban dasanfɛn na, mɔgɔ min b'a tulo datugu janko a kana mɔgɔfagako ŋaniya mɛn, mɔgɔ min b'a ɲaa datugu janko a kana kojuguw ye,

Ezayi 5:20

Minw b'a fɔ ko kojugu ye koɲuman ye, ko koɲuman ye kojugu ye, bɔnɛ y'u ta ye! U be dibi le kɛ yeelen ye, ka yeelen kɛ dibi ye. Fɛɛn min ka timi, u b'o le kɛ kunanman ye. Fɛɛn min ka kunan, u k'o ka timi.

Sarakalasebagaw 19:11

«Aw kana soɲali kɛ. Aw kana galon tigɛ, aw kana ɲɔgɔn namara.

Sarakalasebagaw 19:16

Aw kana galon la aw ka mɔgɔ dɔ kan k'a tɔgɔ cɛn. Aw kana aw mɔgɔɲɔgɔn jalaki koo dɔ la min be se ka kɛ sababu ye u b'a faga. Ne le ye Masaba ye.

Nahɔmu 1:3

Masaba te dimi joona. See b'a ye kosɔbɛ. Nga, a te kojugukɛla to gwansan. Masaba be taama funufunu ni sanfɔɲɔ le kɔnɔ. Sankabaw y'a seen ka gwangwan ye.

Luka 3:14

Sɔlidasi dɔw fana y'a ɲininga ko: «Anw do, anw ka kan ka mun kɛ?» A y'u jaabi ko: «Aw kana mɔgɔ si ka wari minɛ fanga la, aw kana mɔgɔ si tɔɲɔ fana, nga aw ka sara ka aw wasa.»

Rɔmukaw 1:18

Ka Ala to sankolo la, a be dimi mɔgɔw fɛ minw te siran a ɲa, n'u be tilenbaliyako kɛ ka tiɲɛ dogo.

Ɛfɛsikaw 4:25

O kama, aw ka galontigɛ dabila! Mɔgɔ kelen kelen bɛɛ ka tiɲɛ fɔ ɲɔgɔn ye, bari an kɛra farisogo kelen ye.

Sariya 25:1

«Ni mɔgɔ fila bilara ɲɔgɔn na Isirayɛlidenw cɛma, u ka kan ka taga kititigɛlaw fɛ, mɔgɔ min ka kan ka jalaki, u k'ale jalaki, tiɲɛ be min fɛ, o tigi ka tiɲɛ sɔrɔ.

Sariya 27:25

‹Mɔgɔ min be sɔn ka wari minɛ ka mɔgɔ jalakibali faga, o tigi danganin lo.› Jama bɛɛ ben'a laminɛ ko: ‹Amiina!›

Tes fɔlɔ 5:22

Aw k'aw yɛrɛ kɔlɔsi kojugu sifa bɛɛ ma.