Bɔri 23:2 - ALA KA KUMA

² «Aw kana tugu jama kɔ ka kojugu kɛ. N'aw be seereya kɛ kiti tigɛyɔrɔ la, aw kana tugu jama kɔ ni namarako lo.

Jula NT of Côte d’Ivoire

² Aw kana tugu jama nɔ fɛ, ka kojugu kɛ. Aw fana kana tugu jama kɔ, ka sɔn ka kɛ ko dɔ seere ye min tɛ ko terennin ye.

Bɔri 23:2 Iomraidhean Croise

Damina 19:4

Sanni u ka la, Sodɔmu dugu cɛɛw bɛɛ bɔra dugu faan bɛɛ la, kanbelen fara cɛkɔrɔbaw kan, ka na soo lamini.

Damina 6:12

Ala y'a ye ko diɲɛ juguyara, bari adamadenw bɛɛ tun ye siraɲuman bila ka to ka juguya le kɛ dugukolo kan.

Damina 7:1

Masaba y'a fɔ Nuhun ye ko: «Don kurun kɔnɔ, e n'i ka somɔgɔw bɛɛ, bari ne y'a ye ko i tilennin lo bii mɔgɔw cɛma.

Mas fɔlɔ 19:10

A y'a fɔ ko: «Masaba, Setigi Ala, e koo ka di ne ye kosɔbɛ fɔɔ n te se ka Isirayɛlidenw cogo filɛ. U banna i ka layidu la, u y'i ka sarakabɔyɔrɔw cɛn, k'i ka kiraw faga ni murujan ye. Ne kelenpe le tora, u fana b'a fɛ ka ne faga.»

Ayuba 31:34

K'a fɔ ko n be siran jama ɲa, o tɛ, walima ka siran mɔgɔw ka dɔgɔya ɲa, o fana tɛ, k'o la, n jera ka to n ka soo kɔnɔ.

Zaburu 72:2

A ka se k'i ka jama kiti ni tilenninya ye, a ka se ka dɛsɛbagatɔw ka tiɲɛ fɔ.

Zanaw 1:15

N deen, kana taama n'u ye, i seen bɔ u ka sira kan.

Zanaw 18:5

Ka fara kojugukɛla kan, ka mɔgɔtilennin jalaki kiti la, o ma ɲi!

Zanaw 4:14

Kana mɔgɔjuguw ka sira ta, kana kojugukɛlaw ladege.

Yeremi 37:15

Olu dimina Zeremi kɔrɔ kosɔbɛ, u y'a bugɔ ka ta'a datugu sɛbɛnnikɛla Yonatan ka soo kɔnɔ, u ye yɔrɔ min kɛ kasobon ye.

Yeremi 37:21

Masacɛ Sedesiyasi ye sira di k'u ka Zeremi mara kɔlɔsilikɛbagaw ka luu kɔnɔ, ka to ka burukala kelen d'a ma ka bɔ burujɛnibagaw fɛ loon o loon fɔɔ ni dumuni dɛsɛra dugu kɔnɔ waati min na. A kɛra ten, Zeremi tora kɔlɔsilikɛbagaw ka luu kɔnɔ.

Yeremi 38:9

«Masacɛ, ne kuntigi, mɔgɔ nunu ye kojugu dɔrɔn le kɛ kira Zeremi la! U y'a fili dingɛ kɔnɔ, kɔngɔ ben'a faga yen, bari, dumuni te dugu kɔnɔ tugu.»

Ezekiyɛli 9:9

A y'a fɔ ne ye ko: «Isirayɛli ni Zuda mara mɔgɔw ka kojugu ka bon fɔɔ ka dama tɛmɛ. Fagali be kɛ jamana faan bɛɛ la, dugu fara tilenbaliyakow la. U b'a fɔra ko Masaba ye jamana bila, ko a te foyi yera.

Sarakalasebagaw 19:15

«Aw kana kiti tigɛ tilenbaliya la. Aw kana ben mɔgɔ wɛrɛ kan ka fantan dɛmɛ cogo bɛnbali la a ka fantanya kosɔn. Aw kana tiɲɛ di faama ma a ka faamaya kosɔn. Aw ka kiti tigɛ ni tilenninya ye.

Hagize 1:4

«Aw ka kan ka la bonɲumanw kɔnɔ nin waati la k'a sɔrɔ ne ka boon cinin lo wa?»

Marika 15:15

Pilati tun b'a fɛ ka jama sago kɛ minkɛ, a ye Barabasi bila. A ye mɔgɔ bila ka Yezu bugɔ ni golokami ye, ka sɔrɔ k'a don sɔlidasiw bolo k'u ka taga gwengwen lɔgɔ kan.

Luka 23:51

A tun ma sɔn a tɔɲɔgɔnw ka koo latigɛli ani u ka kɛtaw ma. A tun bɔra zuwifu ka dugu dɔ la min tɔgɔ ko Arimate. A tun be Ala ka masaya waati kɔnɔna.

Kɛwalew 24:27

Saan fila tɛmɛna, mɔgɔ wɛrɛ nana Felikisi nɔɔ ta lasigidenya la. O tigi tɔgɔ tun ko Pɔsiyusi Fɛsitusi. Felikisi tun b'a fɛ zuwifuw k'ale tɔgɔɲuman fɔ minkɛ, a tagara ka Pɔli to kaso la.

Kɛwalew 25:9

Fɛsitusi tun b'a fɛ zuwifuw k'ale tɔgɔɲuman fɔ minkɛ, o la, a y'a fɔ Pɔli ye ko: «I b'a fɛ an ka taga n'i ye Zeruzalɛmu u k'i kiti yen ne yɛrɛ ɲana wa?»

Rɔmukaw 1:32

U be Ala ka koo latigɛnin lɔn, ko ni mɔgɔ min b'o koo ɲɔgɔn kɛ, o tigi ka kan ni saya ye. O bɛɛ n'a ta, u be to k'o kɛ, ka sɔn o kɛbagaw ta ma fana.

Sariya 1:17

Ko u kana mɔgɔ bɔ mɔgɔ la u ka kiti la. U ka kan ka mɛnni kɛ fantan fɛ i n'a fɔ mɔgɔbabaw. Ko u kana siran mɔgɔ si ɲa, bari kitiko ye Ala ta ye. Ko ni koo min gwɛlɛyara u ma, u ka na n'o ye ne fɛ, ne k'o ɲanabɔ.

Sariya 16:19

«Aw kana kiti si tigɛ k'a cɛn. Aw kana wolomani kɛ kiti la, aw kana boɲafɛn minɛ fana k'aw yɛrɛ daa siri n'o ye. Bari o fɛɛn nunu le be lɔnnikɛla hakili yɛlɛma, ka mɔgɔtilenninw ka tilenninya ɲagami.

Sariya 24:17

«Aw ka lonan, ni falatɔ minɛ ni tilenninya ye, aw kana firiyamuso ka fani ta aw ka juru nɔɔ na.

Yosuwe 24:15

Ni aw y'a ye ko ka Masaba bato, o man di aw ye, aw b'a fɛ ka min bato, aw k'ale woloma bii. Aw faaw tun be joo minw sɔn baji kɔfɛ, u be yen. Aw siginin be amoriw minw ka jamana na, olu taw fana be yen. Ne ni n ka somɔgɔw, anw kɔni bena Masaba le bato.»

Sam fɔlɔ 15:24

Sayuli y'a fɔ Samuyɛli ye ko: «Ne ye hakɛ kɛ, ne ye Masaba ka sariya cɛn, ne m'a ka kuma bato. Ne tun siranna jama ɲa ka mɛnni kɛ u fɛ.

Sam fɔlɔ 15:9

Nga Sayuli ni jama ma sɔn ka Agagi, ni begɛnmisɛn ɲanamanw, ni misiw, ani begɛn sifa wɛrɛ dɔw, ni sagadenw, ani minw bɛɛ ka ɲi faga. A y'u ɲanaman to yen, nga fɛɛn minw ma ɲi ni tɔnɔ t'u la, a ye olu bɛɛ halaki pewu.