Bɔri 20:7 - ALA KA KUMA

⁷ «Aw kana ne, Masaba aw ka Ala tɔgɔ wele gwansan, bari mɔgɔ min be ne tɔgɔ wele gwansan, ne Masaba tena o tigi jalakibali to.

Jula NT of Côte d’Ivoire

⁷ «I kana Matigi Ala, i ta Ala tɔgɔ fɔ gbansan, sabu mɔgɔ o mɔgɔ bɛ Matigi Ala tɔgɔ fɔ gbansan, Matigi Ala tɛna o tigi jarakibari to.

Bɔri 20:7 Iomraidhean Croise

Sariya 5:11

Aw kana ne Masaba aw ka Ala tɔgɔ wele gwansan bari ni mɔgɔ min y'o kɛ, ne tena o jalakibali to.

Sarakalasebagaw 19:12

Aw kana kali ne tɔgɔ la galon kan, o be ne, aw ka Ala tɔgɔ cɛn. Ne le ye Masaba ye.

Yakuba 5:12

N badenw, aw kana kali abada. Aw kana kali sankolo la, walima dugukolo la. Aw kana kali cogo si la. Aw k'a fɔ ko ɔnhɔn ni ɔnhɔn lo, k'a fɔ ayi ni ayi lo, waasa Ala ka kiti kana ben aw kan.

Yeremi 4:2

n'aw kalila ne Masaba tɔgɔ la, hɔrɔnya, ni tilenninya la, ne Masaba bena siyaw ta ɲa, u bena kunkɔrɔta sɔrɔ ne kosɔn.»

Yosuwe 9:20

An bena fɛɛn min kɛ u la o filɛ: An tena u faga, janko Ala kana dimi an kɔrɔ, an ka kalili kosɔn.

Yosuwe 2:17

Mɔgɔ nunu y'a fɔ a ye ko: «I y'a kɛ an kalila koo min na, an bena o kɛ cogo min na, o filɛ:

Yosuwe 2:12

Sisan ne b'aw daali ko aw ka kali ne ye Masaba tɔgɔ la, ne ye koɲuman min kɛ aw ye, ko aw bena o ɲɔgɔn kɛ ne ka somɔgɔw ye. Aw ka taamasiɲɛ dɔ yira ne la

Zanaw 30:9

Nafolocaya kan'a kɛ ne be tigɛ i la k'a fɔ ko: «Masaba ye jɔn ye?» Walima dɛsɛ kana ne bila soɲani na, min bena ele, ne ka Ala tɔgɔ cɛn.

Sariya 10:20

«Aw ka siran Masaba aw ka Ala ɲa, k'a bato. Aw nɔrɔnin ka to ale kelen na. N'aw be kali, aw k'o kɛ ale tɔgɔ la.

Kor 2nan 1:23

Ala le ye ne seere ye ni ne be galon tigɛra. Ne tun b'a fɛ k'aw kuun bɔ koo la le, o le y'a to, ne ma segi Korɛnti tugu.

Mas fɔlɔ 2:9

Nga sisan, kan'a to n'i m'o juru sara. Bari e ye hakilitigi ye. I bena min kɛ a la, e yɛrɛ b'o lɔn. E k'a cɛkɔrɔbalaman faga.»

Sariya 6:13

Aw ka siran Masaba aw ka Ala ɲa, ka baara kɛ ale kelenpe ye. Aw ka kali ale tɔgɔ la.

Mas 2nan 5:20

Ala ka mɔgɔ Elize ka baaraden Geyazi y'a fɔ a yɛrɛ kɔnɔ ko: «Ne kuntigi y'a nɔgɔya Sirika Naaman nin ye, a tun nana ni boɲafɛn minw ye, a ma sɔn ka foyi minɛ. Masaba kosɔn, ne bena tugu a kɔ, ka dɔ minɛ a fɛ.»

Zaburu 139:20

U be kokolonw fɔ i kama, u be kumajugu fɔ k'i tɔgɔ cɛn.

Yeremi 34:16

Nga sisan aw y'aw kɛcogo yɛlɛma, ka ne tɔgɔ cɛn. Aw tun ye cɛɛ ni muso minw hɔrɔnya, aw kelen kelen bɛɛ ye aw taw minɛ, k'u kɛ aw ka jɔɔnw ye tugu.»

Ezekiyɛli 39:7

Ne ben'a kɛ ne tɔgɔ senuman be bɔ ne ka jama Isirayɛli cɛma. Ne tena sɔn a ka cɛn tugu. Siyaw ben'a lɔn ko ne ye Masaba le ye, Isirayɛlidenw ka Ɲumaman.

Damina 27:20

Isiyaka y'a fɔ a dencɛ ye ko: «Ne deen, i y'a sɔrɔ kelen cogo di?» Yakuba y'a jaabi ko: «Masaba, i ka Ala ye ne dɛmɛ.»

Malaki 3:5

Masaba, Setigi ko: «Ne bena gwɛrɛ aw la kiti kama. Ne bena teliya ka lagwɛlikɛla le jalaki, ni ɲamɔgɔyakɛlaw ni minw be kali ka sɔrɔ tiɲɛ tɛ, ni minw be baaradenw namara, ani minw be firiyamusow, ni falatɔw, ni lonanw tɔɲɔ n'u te siran ne ɲa, ne bena olu bɛɛ jalaki.»