Bɔri 20:6 - ALA KA KUMA

⁶ Nga minw be ne kanu ka ne ka kuma mara, ne be makari olu kɔmɔgɔw la fɔɔ *filankuru caaman.

Jula NT of Côte d’Ivoire

⁶ Nka mɔgɔ minw bɛ ne kanu, ka ne ta sariyaw sira tagama, ne bɛ koɲuman kɛ olugu ye, k’a kɛ o ta denw ye, ani o ta denw ta denw, fɔ ka taga se o ta duruja waga kelennan ma.

Bɔri 20:6 Iomraidhean Croise

Nehemi 1:5

«Masa Ala, e min ye Sankolotigi ye, e ka bon, mɔgɔ ka kan ka siran e ɲa, i koo ka di mɔgɔ minw ye n'u b'i ka sariya bato, i be koɲuman kɛ olu ye k'i ka layidu dafa.

Zaburu 103:17

Nga Masaba ka ɲumanya b'a ɲasiranbagaw kan kudayi. A ka kotilennin be kɛ u deenw n'u mamadenw ye.

Bɔri 34:7

A b'a ka ɲumanya yira adamadenw kɔmɔgɔw la fɔɔ *filankuru caaman. A be tilenbaliyako, ni murutili, ani hakɛ yafa. Nga a te tiɲɛ di mɔgɔ ma, ni tiɲɛ t'a fɛ. A be faaw ka tilenbaliya juru sara u deenw n'u mamadenw ani u tulomasamaw na.»

Zanaw 3:1

N deen, kana ɲinɛ n ka kuma kɔ, n ka ladiliw mara i dusu la.

Yeremi 32:18

I be makari mɔgɔ caaman la. Nga i be faaw ka kojugu juru sara u deenw na fana. Ala, i ka bon, fanga b'i la, e tɔgɔ le ko Masaba, Setigi.

Daniyɛli 9:4

Ne ye Masaba n ka Ala daali, ka lɔ n ka hakɛw la ko: «Ee! Matigi Ala, e min ka bon, e min ye siranyafɛn ye, mɔgɔ minw b'i kanu, k'i ka sariya bato, i bɛnnin be to ni olu ye kanuya la.

Jateri 14:18

‹Masaba te dimi joona, a ka makari ka bon. A be mɔgɔw ka tilenbaliya n'u ka murutili yafa, nga a te kojugukɛla to yen. A be faaw ka tilenbaliya juru sara u deenw na fɔɔ ka se u mamadenw n'u tulomasamaw ma.›

Yuhana 14:15

«N'aw be ne kanu, aw bena ne ka kuma bato.

Yuhana 14:21

Mɔgɔ min ye ne ka kuma mɛn k'a bato, o tigi le be ne kanu. Mɔgɔ min be ne kanu, n Faa fana bena o tigi kanu, ne fana bena o tigi kanu ka ne yɛrɛ yira a la.»

Kɛwalew 2:39

bari Matigi y'a daa di aw, n'aw deenw ma, ani Matigi an ka Ala bena mɔgɔ minw bɛɛ wele ka bɔ yɔrɔjan na.»

Sariya 4:37

Aw bɛmaw koo diyara a ye minkɛ, aw minw ye u kɔmɔgɔw ye, a y'aw woloma, k'aw bɔ Ezipiti jamana kɔnɔ, a yɛrɛ ma a ka setigiya barika la.

Sariya 5:29

N'o dusu ɲɔgɔn tun b'u fɛ, ka siran ne ɲa, ani ka n ka kuma bɛɛ bato tuma bɛɛ, waasa olu n'u deenw ka to hɛrɛ la tuma bɛɛ!

Sariya 7:9

«Aw ka l'a la ko Masaba aw ka Ala le ye Ala yɛrɛ yɛrɛ ye. A koo ka di mɔgɔ minw ye n'u b'a ka kuma bato, a tilennin lo, a b'a ka layidu dafa olu faan fɛ, ani ka ɲumanya kɛ u ye, n'u kɔmɔgɔw *filankuru waa caaman ye.

Yakuba 1:12

Mɔgɔ min be jija ka sigɛn muɲu, o tigi dagamunin lo. Bari n'a sera ka sigɛn nunu muɲu, a bena nii banbali sɔrɔ a ka tɔnɔ ye. Ala tun y'a daa di a kanubagaw ma, ko u bena min sɔrɔ.

Zan fɔlɔ 4:19

Anw kɔni, kanuya b'an na, bari Ala le kɔnna k'an kanu.

Zan fɔlɔ 5:3

K'a fɔ ko Ala koo ka d'i ye, o be bɔ a ka ciiw batocogo la. A ka ciiw batoli fana man gwɛlɛ,

Zan 2nan 1:6

N'an be Ala ka ciiw bato, an be kanuya sira taama. Aw y'o cii le mɛn kabini a daminɛtuma na, ko aw ka ɲɔgɔn kanu.