Bɔri 20:5 - ALA KA KUMA

⁵ Aw kana aw kunbiri gwan o kɔrɔ, aw kana u bato, bari ne Masaba aw ka Ala, keliya be ne la. Ne be faaw ka tilenbaliyako hakɛ bɔ u deenw na fɔɔ ka ta'a bila ne kɔniyabagaw mamadenw n'u ka tulomasamaw na.

Jula NT of Côte d’Ivoire

⁵ I kana i kinbiri gban o fɛnw si kɔrɔ, ka o bato. Sabu ne min ye Matigi Ala, i ta Ala ye, ne t’a fɛ i ye ne ni batofɛn wɛrɛ kanu ɲɔgɔn fɛ fiyewu. Mɔgɔ minw bɛ o terenbariyakow kɛ, ne bɛna o hakɛ bɔ o tigiw ra, k’a bɔ o ta denw na, k’a bɔ o ta denw ta denw na fana, fɔ ka taga se o ta duruja sabanan, ni a naaninan ma, sabu o bɛ ne kɔninya.

Bɔri 20:5 Iomraidhean Croise

Sam 2nan 21:1

Dawuda ka tile la, kɔngɔ donna fɔɔ ka se saan saba. Dawuda ye Masaba daali, Masaba y'a fɔ a ye k'o ye Sayuli n'a ka somɔgɔw nɔɔ ye, mɔgɔfagala nunu. Bari a tun ye Gabaŋɔnkaw halaki.

Sam 2nan 21:6

O la, ale min ye Masaba ka mɔgɔ wolomanin ye, i k'ale dencɛ mɔgɔ wolonwula di an ma, an bena u dulon Masaba ɲakɔrɔ a ka dugu kɔnɔ Gibeya.» Masacɛ y'a fɔ ko ale bena u di u ma.

Mas fɔlɔ 19:10

A y'a fɔ ko: «Masaba, Setigi Ala, e koo ka di ne ye kosɔbɛ fɔɔ n te se ka Isirayɛlidenw cogo filɛ. U banna i ka layidu la, u y'i ka sarakabɔyɔrɔw cɛn, k'i ka kiraw faga ni murujan ye. Ne kelenpe le tora, u fana b'a fɛ ka ne faga.»

Mas fɔlɔ 21:29

«Akabu y'a yɛrɛ majigi ne ɲakɔrɔ cogo min na, i y'o ye wa? A y'a yɛrɛ majigi ne ɲakɔrɔ, o la, ne tena bɔnɛ nin lase a ka tile la tugu, o bena kɛ a deen ka tile la, o tuma na, bɔnɛ nin bena se a ka soo ma.»

Mas 2nan 17:35

Masaba tun bɛnna n'u ye k'a fɔ u ye ko: «Aw kana fɛɛn wɛrɛ bato, aw kana aw kunbiri gwan u ɲakɔrɔ, ka baara kɛ u ye, ani k'u sɔn.

Mas 2nan 17:41

O siya nunu tora ka siran Masaba ɲa, ani ka to k'u ka joow sɔn fana. Halibi u deenw n'u mamadenw be to k'a kɛ i n'a fɔ olu y'a kɛ cogo min na.

Mas 2nan 23:26

O n'a ta bɛɛ, Masaba m'a ka dimiba nin nɔgɔya Zuda mara kama, Zuda mara masacɛ Manase ka kɛwaliw bɛɛ kosɔn minw y'a dimi.

Mas 2nan 5:18

Masaba ka yafa i ka baaraden ma koo kelen na: Tuma min na ni ne kuntigi be don joo Irimɔn ka soo kɔnɔ janko k'a kunbiri gwan a ɲakɔrɔ, ne fana ka kan ka n kunbiri gwan, bari a b'a bolo tintin ne bolo le kan, ka sɔrɔ k'a kunbiri gwan, Masaba ka sabali ka yafa i ka baaraden ma o la.»

Mas 2nan 5:27

Naaman ka farisogobana bena i minɛ, an'i kɔmɔgɔw, tuma bɛɛ.» Sanni Geyazi ka bɔ Elize kɔrɔ, bana nin y'a minɛ, a fari gwɛra parapara.

Lok 2nan 25:14

Amaziyasi sera edɔmuw kɔrɔ ka ban tuma min na, a kɔsegitɔ y'u ka joow ta ka na n'u ye. A y'u kɛ a ka joow ye ka biri u kɔrɔ, ani ka fɛɛn kasadimanw jɛni u ye.

Lok 2nan 7:19

Nga n'aw ye ne to yen, n'aw banna ne ka sariyaw, ni ne ka kuma na, ne ye minw sigi aw ye, n'aw tagara fɛɛn wɛrɛw bato k'aw kunbiri gwan u ɲakɔrɔ,

Ayuba 21:19

O tuma na, Ala be deenw le ɲagwanna u faaw nɔɔ na wa? O ka kan ka kɛ a yɛrɛ le la, janko a b'a nɛnɛ.

Ayuba 5:4

Ala k'a kɛ a deenw kana dɛmɛ sɔrɔ, u kana dɛmɛbaga sɔrɔ kititigɛyɔrɔ la. U ka jalaki.

Zaburu 109:14

Masaba hakili ka to a faaw ka fili la. A bamuso ka kojugu kana yafa.

Zaburu 78:58

U y'a dusu dimi n'u ka sɔnnikɛyɔrɔw ye. U ka joow sababu la, keliya donn'a la.

Zaburu 79:8

Kana i hakili to an ka fɔlɔ filiw la. E ka makari an na joona joona, bari an barika banna.

Zaburu 81:15

ne tun bena u juguw majigi yɔrɔnin kelen, ne tun bena n bolo wili u kɛlɛbagaw kama.

Bɔri 23:24

Aw kana aw kunbiri gwan u ka joow kɔrɔ, aw kana u sɔn. Aw kana u ka batoli kɛcogo ladege. Aw k'u ka joo nunu halaki. Aw k'u ka jokabakuruw ci.

Bɔri 34:14

Aw kana batofɛn wɛrɛ si bato, bari ne Masaba tɔgɔ ye Keliya ye, ne ye Ala ye, ne te sɔn adamaden ka fɛɛn wɛrɛ bato.

Zanaw 8:36

Nga, ni mɔgɔ min filila ne ma, o tigi b'a yɛrɛ ta cɛnna le. Ne kɔniyabaga be saya le fɛ.»

Ezayi 44:15

Adamaden b'o lɔgɔ nunu le mana, a b'o le kɛ k'a yɛrɛ ja, a b'o le mana ka tobili kɛ. A b'o le fana dilan k'a kɛ batofɛn ye, ka to k'a bato. A b'o kɛ joo ye sa, ka to k'a teen biri o ɲafɛ.

Ezayi 44:19

Mɔgɔ si te yen min be miiri, mɔgɔ si te yen min b'a lɔn, ani ka miiri k'a fɔ ko: «Ne ye lɔgɔ nin tilan kelen mana, ne ye tobili kɛ n'a ye, ne ye sogo jɛni k'a ɲimi. Ne be sɔrɔ k'a tɔɔ ta k'o kɛ joo ye, fɛnjugu, ka to ka lɔgɔkuru sɔn!»

Yeremi 2:9

O le kosɔn, ne bena aw jalaki tugu. Ne bena aw kɔmɔgɔw jalaki. Ne Masaba le ko ten.

Yeremi 32:18

I be makari mɔgɔ caaman la. Nga i be faaw ka kojugu juru sara u deenw na fana. Ala, i ka bon, fanga b'i la, e tɔgɔ le ko Masaba, Setigi.

Ezekiyɛli 18:19

«Aw b'a fɔra ko: ‹Mun na faa ka jalaki man kan ka ben a deen kan?› Deen nin ye tilenninyakow kɛ, ka ne ka kolatigɛninw bɛɛ kɛ ka ɲa minkɛ, o la, a bena to nii na, siga t'a la.

Ezekiyɛli 18:2

«Mun na aw be talen nin la Isirayɛli jamana koo la, ko: ‹Faaw ye *ɛrɛzɛngeren dumu, u deenw ɲiiw kumuna?›

Ezekiyɛli 20:7

Ne y'a fɔ u ye ko batofɛnkolon minw b'u ka miiriya sama, ko u kelen kelen bɛɛ k'olu fili, k'u kana u yɛrɛ nɔgɔ ni Ezipitikaw ka joow ye. Ko ne ye Masaba ye, u ka Ala.

Ezekiyɛli 39:25

«Nga ne Matigi, Masaba ko: Sisan ne bena Isirayɛlidenw ka koɲa yɛlɛma. Ne bena makari u bɛɛ la. Ne ben'a kɛ mɔgɔw be ne tɔgɔ senuman boɲa.

Ezekiyɛli 8:3

A y'a bolo kɛ ka ne minɛ ne kunsigi ma. Ala Nii ye ne kɔrɔta sanfɛ, ka taga ni ne ye Zeruzalɛmu yelifɛn nin kɔnɔ fɔɔ ka taga se Alabatoso kɔnɔnalu daa la min ɲasinnin be kɔgɔdugu ɲafan fɛ. Joo min ye keliya bila Ala la, o tun be o yɔrɔ la.

Daniyɛli 1:2

Matigi ye Zuda mara masacɛ Yoyakimu don a bolo, ani Alabatoso kɔnɔ minan dɔw fana. A tagara n'u ye a ka jobon kɔnɔ Sineyari jamana na k'u bila a ka jobon kɔnɔ nafolobilayɔrɔ la.

Daniyɛli 3:18

Hali n'a m'o kɛ fana, i k'a lɔn ko an tena i ka batofɛnw bato, i ye jaa sanulaman min dilan k'a lɔ, an tena o fana bato.»

Sarakalasebagaw 20:5

ne yɛrɛ bena wili o tigi n'a ka somɔgɔw kama, ani minw bɛɛ be tugu a kɔ ka kakalaya kɛ ka Milikɔmu bato. Ne bena u niin bɔ u ka mɔgɔw cɛma.

Sarakalasebagaw 26:1

«Aw kana joo si dilan, aw kana yiri lɛsɛnin, walima kabakuru si lɔ k'a bato, aw kana kabakuru ɲɛgɛnin si bila aw ka jamana kɔnɔ ka biri a kɔrɔ. Ne le ye Masaba aw ka Ala ye.

Sarakalasebagaw 26:29

Aw bena aw dencɛw n'aw denmusow le dumu.

Nahɔmu 1:2

Masaba ye Ala ye keliya be min na. A be mɔnɛ bɔ. A diminin ma ɲi! Masaba b'a mɔnɛ bɔ a juguw la, a t'a kɔniyabagaw to gwansan.

Jateri 14:18

‹Masaba te dimi joona, a ka makari ka bon. A be mɔgɔw ka tilenbaliya n'u ka murutili yafa, nga a te kojugukɛla to yen. A be faaw ka tilenbaliya juru sara u deenw na fɔɔ ka se u mamadenw n'u tulomasamaw ma.›

Jateri 14:33

Ko u deenw bena kɛ begɛnmaralaw ye kongokolon kɔnɔ yan saan bi naani kɔnɔ ka sɛgɛn u ka tilenbaliya kosɔn fɔɔ n'u bɛɛ sara kongokolon kɔnɔ tuma min na.

Jateri 25:11

«Sarakalasebaga Arɔn deen Eleyazari dencɛ Pinasi ye ne dusu suma Isirayɛlidenw faan fɛ, bari a ma sɔn fɛɛn wɛrɛ ka bato ni ne kelen tɛ. Ne ma u halaki tugu n ka koo keliya kama.

Matiyu 4:9

k'a fɔ a ye ko: «N'i y'i kunbiri gwan ne kɔrɔ ka ne bato, ne bena nunu bɛɛ d'i ma.»

Yuhana 15:18

«N'aw y'a ye ko diɲɛ mɔgɔw b'aw kɔniya, aw ka l'a la ko u kɔnna ka ne le kɔniya.

Yuhana 7:7

Adamadenw kɔni te se k'aw kɔniya. Nga u be ne kɔniya, bari ne be to k'a fɔ k'u ka kɛwaliw ka jugu.

Yuhana 9:2

Kalandenw ye Yezu ɲininga ko: «Karamɔgɔ, mun na cɛɛ nin fiɲɛntɔman wolola? Ale yɛrɛ ka hakɛ kosɔn wa, walima a wolobagaw ta?»

Rɔmukaw 1:30

U be ɲɔgɔn tɔgɔjugu fɔ, Ala juguw lo, u b'u yɛrɛ boɲa ka kɛlɛw tigɛ, u daa ka ca, u be se kojugu la kosɔbɛ, u murutinin be u wolobagaw ma.

Rɔmukaw 8:7

Adamadenw ka nigɛjuguw sera mɔgɔ minw kɔrɔ, u ye Ala juguw ye. U te sɔn Ala ka sariya ma, u fana te se k'o kɛ.

Kor fɔlɔ 10:22

Walima an b'a fɛ ka keliya don Matigi la wa? See b'an ye ka tɛmɛ ale kan wa?

Sariya 32:21

U ye keliya don ne la ni batofɛnkolonw ye, u ye ne dusu wili n'u ka joow ye. Siya min te foyi ye, ne bena olu kɛ ka keliya don u la. Hakili te siya min fɛ, n ben'a kɛ u be dimi olu kosɔn.

Sariya 32:41

ni ne ye n ka murujan manamananin daa diya, ni ne ye ɲagwanko daminɛ, ne bena n mɔnɛ bɔ n juguw la, ne bena ka juru sara n kɔniyabagaw la.

Sariya 4:24

Bari Masaba aw ka Ala ka fari i n'a fɔ tasuma, min be cɛnni kɛ, keliya b'a la fana.

Sariya 5:10

Ne koo ka di minw ye, n'u be ne ka kumaw bato, n bena ɲumanya kɛ olu kɔmɔgɔw ye fɔɔ u *filankuru waa caaman.

Sariya 5:9

Aw kana aw kunbiri gwan o joow ɲafɛ, walima k'u sɔn, bari ne Masaba aw ka Ala, keliya be ne la. Ni mɔgɔ dɔ ye ne kɔniya, n b'o tigi tɔɔrɔ, n'a deenw, n'a mamadenw, n'a tulomasamaw.

Sariya 6:15

bari Masaba aw ka Ala min be aw cɛma, keliya b'a la. Aw kan'a dusu dimi, n'o tɛ, a bena aw halaki ka bɔ dugukolo kan.

Sariya 7:10

Nga a b'a kɔniyabagaw sara yɔrɔnin kelen k'u tunu ka bɔ yen. A tena u to yen ka mɛn, a b'u sara yɔrɔnin kelen.

Yakuba 4:4

Aw tilenbali nunu! Aw m'a lɔn ko ni mɔgɔ min ye diɲɛ koo diya a yɛrɛ ye, k'o tigi ni Ala te bɛn wa? Ayiwa, ni mɔgɔ min be diɲɛ koo diya a yɛrɛ ye, o tigi b'a yɛrɛ kɛ Ala jugu ye.

Yosuwe 23:16

Bɛɛn min be aw ni Masaba aw ka Ala cɛ, a ko aw ka min bato, n'aw y'o cɛn, n'aw tagara joow sɔn k'aw kunbiri gwan u kɔrɔ, Masaba bena dimi aw kɔrɔ, o la, aw bena halaki ka bɔ jamanaɲuman nin kɔnɔ joona.»

Yosuwe 23:7

Siya minw tora aw cɛma, aw kana jɛn ni olu ye, aw kana u ka joow tɔgɔ wele, aw kana kali n'u tɔgɔ ye fana, aw kana u sɔn, aw kana aw kunbiri gwan u ɲakɔrɔ.

Yosuwe 24:19

O kɔ, Zozuwe y'a fɔ jama ye tugu ko: «Aw tena se ka Masaba bato, bari Ala ka senu, keliya b'a la, a tena sɔn k'aw ka murutiko n'aw ka hakɛ yafa.

Kititigɛbagaw 2:19

Nga n'o cɛfari nin sara ka ban tuma min na, u be yɛlɛma k'u ka koo juguya tugu ka tɛmɛ u faaw ta kan, ka to ka joow sɔn k'u kunbiri gwan u ɲafɛ. U ma sɔn k'u ka taamajugu, n'u ka dusugwɛlɛyako dabila.