Bɔri 20:4 - ALA KA KUMA

⁴ «Aw kana joo si dilan aw yɛrɛ ye, k'a kɛ i n'a fɔ sanfɛ fɛɛn dɔ jaa, walima dugukolo kan fɛɛn, walima jikɔnɔfɛn.

Jula NT of Côte d’Ivoire

⁴ «I kana ja si lɛsɛ i yɛrɛ ye k’a bato. Fɛn minw bɛ sankolo ra o, minw bɛ dugukolo kan o, minw bɛ dugukolo jukɔrɔ ji ra o, i kana o dɔ si bisigiya lalaga k’a bato.

Bɔri 20:4 Iomraidhean Croise

Mas fɔlɔ 12:28

Masacɛ ye ladili ɲini ka sɔrɔ ka misiden jaa fila dilan ni sanu ye. O kɔ, a y'a fɔ jama ye ko a mɛnna, u be to ka taga Zeruzalɛmu, k'olu ka Ala le ye nin ye, min y'u bɔ Ezipiti jamana na.

Mas 2nan 17:12

U ye joow sɔn, k'a sɔrɔ Masaba tun y'a fɔ u ye ko u kana o kɛ.

Lok 2nan 33:7

Ala tun y'a fɔ Dawuda n'a dencɛ Solomani ye ko ale bena sigi soo min kɔnɔ Zeruzalɛmu, ko ale ye yɔrɔ min woloma k'o kɛ a batoyɔrɔ ye tuma bɛɛ Isirayɛli kɔmɔgɔw bɛɛ cɛma, a tun ye joo min lɛsɛ, a y'o sigi o kɔnɔ.

Zaburu 78:58

U y'a dusu dimi n'u ka sɔnnikɛyɔrɔw ye. U ka joow sababu la, keliya donn'a la.

Zaburu 97:7

Josɔnlaw ta ye maloya ye, olu minw jigi fanin lo u kosɔn. Batofɛnw bɛɛ k'u kunbiri gwan Masaba ɲakɔrɔ.

Bɔri 20:23

Aw kana joo si dilan aw yɛrɛ ye ni warigwɛ, walima sanu ye ka fara ne kan.

Bɔri 32:1

Jama y'a ye ko Musa mɛnna, n'a te jigira ka bɔ kulu kan minkɛ, u tagara lajɛn Arɔn kɔrɔ k'a fɔ a ye ko: «Wili ka batofɛn dɔw dilan an ye, minw bena sira yira an na an ka taama na. Bari, Musa tɔgɔla min y'a kɛ an bɔra Ezipiti jamana na, an te ɲaa yera a ka koo la.»

Bɔri 32:23

U y'a fɔ ne ye ko ne ka batofɛn dɔw dilan u ye, o ka to ka sira yira an na an ka taama na. Ko: ‹Musa tɔgɔla min bɔra n'an ye Ezipiti, an te ɲaa yera a ka koo la do.›

Bɔri 32:4

A y'u minɛ u fɛ k'u yelen ka kɛ tura jaa ye. Jama ko: «Isirayɛlidenw, aw k'aw ka batofɛnw filɛ, minw y'aw bɔ Ezipiti.»

Bɔri 32:8

Ne ye min fɔ u ye k'a gwɛlɛya, u y'o bila joona. U ye sanu yelen k'a kɛ misiden jaa ye, k'u kunbiri gwan a kɔrɔ ani ka sarakaw bɔ a ye, k'a fɔ ko: ‹Isirayɛlidenw, aw k'aw ka batofɛn filɛ, min y'aw bɔ Ezipiti.› »

Bɔri 34:17

«Aw kana joo nigɛlaman dilan.

Ezayi 42:17

Mɔgɔ minw b'u jigi la joow kan, olu bena to kɔ fɛ, u ta ye maloya ye, olu minw b'a fɔ jaa nigɛlamanw ma ko: ‹Aw le ye an ka batofɛnw ye!›

Ezayi 42:8

Ne le ye Masaba ye, n tɔgɔ be ten le! Boɲa min ka kan ni ne ye, n ten'a to o be la mɔgɔ wɛrɛ kan. Tanuli min ka kan ni ne ye, n ten'a to o ka se joow ma.

Ezayi 45:16

Jodilanbagaw bɛɛ maloyara, u kuun surunnin be taamana.

Ezekiyɛli 20:7

Ne y'a fɔ u ye ko batofɛnkolon minw b'u ka miiriya sama, ko u kelen kelen bɛɛ k'olu fili, k'u kana u yɛrɛ nɔgɔ ni Ezipitikaw ka joow ye. Ko ne ye Masaba ye, u ka Ala.

Ezekiyɛli 8:10

O la, ne donna ka filɛli kɛ. Ne ye fɛɛn fofotaw, ni sogokolon sifaw bɛɛ jaaw ye kogow kan faan bɛɛ la, ani Isirayɛlidenw ka joow bɛɛ jaaw.

Ezekiyɛli 8:3

A y'a bolo kɛ ka ne minɛ ne kunsigi ma. Ala Nii ye ne kɔrɔta sanfɛ, ka taga ni ne ye Zeruzalɛmu yelifɛn nin kɔnɔ fɔɔ ka taga se Alabatoso kɔnɔnalu daa la min ɲasinnin be kɔgɔdugu ɲafan fɛ. Joo min ye keliya bila Ala la, o tun be o yɔrɔ la.

Sarakalasebagaw 19:4

«Aw kana yɛlɛma ka joow sɔn, aw kana fɛɛn dɔ jaa dilan k'o kɛ batofɛn ye. Ne le ye Masaba aw ka Ala ye.

Sarakalasebagaw 26:1

«Aw kana joo si dilan, aw kana yiri lɛsɛnin, walima kabakuru si lɔ k'a bato, aw kana kabakuru ɲɛgɛnin si bila aw ka jamana kɔnɔ ka biri a kɔrɔ. Ne le ye Masaba aw ka Ala ye.

Jateri 12:8

Ne be kuma gwɛnin fɔ ale ye daa ni daa, ne te kuma a fɛ talen na. Ale be ne Masaba cogo ye. Mun na aw ma siran ka ne ka baarakɛla Musa kɔrɔfɔ?»

Kɛwalew 17:29

Ayiwa, an kɛra Ala deenw ye minkɛ, an man kan k'a miiri ko Ala bɔnin be joo sanulaman fɛ, walima warigwɛlaman, walima kabakuruɲuman lɛsɛnin fɛ! O fɛɛn nunu bɛɛ ye an adamadenw ka miiriya, n'an bulonɔ ye!

Rɔmukaw 1:23

Nɔɔrɔtigi Ala min te sa, u m'ale bato fɔɔ adamaden min be sa, ale jaa ni kɔnɔw, ni sennaanifɛnw ni fɛɛn minw be fofo duguma.

Sariya 16:22

Aw kana jokabakurulama lɔ fana, bari u koo man di Masaba aw ka Ala ye.

Sariya 27:15

‹Mɔgɔ min be yiri lɛsɛ, walima kabakuru, walima ka nigɛ yeelen k'a kɛ joo ye, k'a sɔn dogo la, o tigi danganin lo. Fɛɛn minw dilanna ni mɔgɔ bolo ye, o man di Masaba ye fewu.› Jama bɛɛ ben'a laminɛ ko: ‹Amiina!›

Sariya 5:8

Aw kana joo dilan, k'a kɛ sankolo fɛɛn si jaa ye, walima dugukolo kan taw, walima jii kɔnɔ taw, walima dugukolo kɔnɔ taw.

Yirari 16:2

Mɛlɛkɛ fɔlɔ nin tagar'a ta yɛlɛma dugukolo kan. Sogo nin ka taamasiɲɛ tun be mɔgɔ minw bɛɛ kan, olu minw tun b'a jaa bato, jolijugu bɔra olu bɛɛ kan.

Yirari 9:20

Mɔgɔ minw tora n'u ma sɔrɔ ka sa balawu nin na, sanni u ka nimisa k'u ka kɛwalijuguw dabila, u tora ka jinaw bato, ka joow sɔn. O joow tun ye sanu ye, dɔw warigwɛ, dɔw zira, dɔw kabakuru, dɔw lɔgɔkuru, k'a sɔrɔ o batofɛn nunu te yeli kɛ, u te mɛnni kɛ, u te se ka taama.

Kititigɛbagaw 17:3

A ye warigwɛ nin di a bamuso ma. O kɔ, a bamuso y'a fɔ a ye ko: «Ne ye warigwɛ nin di Masaba ma, janko e ka se ka wari nin ta k'a yelen k'a kɛ joo ye. O kama, ne b'a d'i ma.»