Bɔri 20:3 - ALA KA KUMA

³ «Aw kana fɛɛn wɛrɛ bato fɔɔ ne kelenpe.

Jula NT of Côte d’Ivoire

³ «I kana batofɛn wɛrɛ si bato ne kɔ.

Bɔri 20:3 Iomraidhean Croise

Mas fɔlɔ 11:4

Solomani kɔrɔla tuma min na, muso nunu y'a hakili yɛlɛma ka taga batofɛn wɛrɛw fɛ. A kɛra ten, a y'a jigi bɔ Masaba a ka Ala kan. A jigi ma to a kan i n'a fɔ a faa Dawuda tun y'a kɛ cogo min na.

Zaburu 29:2

Aw ka boɲa la Masaba tɔgɔ kan. Aw k'aw kunbiri gwan a ɲakɔrɔ a ka yɔrɔ la.

Zaburu 73:25

Mɔgɔ wɛrɛ be n fɛ sankolo kɔnɔ ni ele tɛ wa? Ele kɔ, foyi te ne fɛ dugukolo kan.

Zaburu 81:10

Batofɛn wɛrɛ kana sɔrɔ aw fɛ, aw man kan ka lonanw ka batofɛn bato.

Zaburu 81:9

Ne ka jama, aw ka mɛnni kɛ, ne ka kan k'aw lasɔmi. Isirayɛlidenw, n'aw tun be sɔn ka ne lamɛn kɔni!

Bɔri 15:11

Masaba, i ɲɔgɔn be batofɛnw cɛma wa? Fɛɛn jumɛn ka senu i ko ele? Fɛɛn jumɛn ka fari i ko ele? I be se kobakɛ la.

Bɔri 20:23

Aw kana joo si dilan aw yɛrɛ ye ni warigwɛ, walima sanu ye ka fara ne kan.

Bɔri 22:19

«Mɔgɔ o mɔgɔ ye saraka bɔ batofɛn wɛrɛ ye ni ne Masaba kelen tɛ, o tigi ka halaki.

Bɔri 23:24

Aw kana aw kunbiri gwan u ka joow kɔrɔ, aw kana u sɔn. Aw kana u ka batoli kɛcogo ladege. Aw k'u ka joo nunu halaki. Aw k'u ka jokabakuruw ci.

Bɔri 32:8

Ne ye min fɔ u ye k'a gwɛlɛya, u y'o bila joona. U ye sanu yelen k'a kɛ misiden jaa ye, k'u kunbiri gwan a kɔrɔ ani ka sarakaw bɔ a ye, k'a fɔ ko: ‹Isirayɛlidenw, aw k'aw ka batofɛn filɛ, min y'aw bɔ Ezipiti.› »

Bɔri 34:14

Aw kana batofɛn wɛrɛ si bato, bari ne Masaba tɔgɔ ye Keliya ye, ne ye Ala ye, ne te sɔn adamaden ka fɛɛn wɛrɛ bato.

Ezayi 26:4

Aw jigi ka to Masaba kan tuma bɛɛ. Bari, Masaba ye dogoyɔrɔ ye tuma bɛɛ i ko fara.

Ezayi 42:8

Ne le ye Masaba ye, n tɔgɔ be ten le! Boɲa min ka kan ni ne ye, n ten'a to o be la mɔgɔ wɛrɛ kan. Tanuli min ka kan ni ne ye, n ten'a to o ka se joow ma.

Ezayi 43:10

Masaba ko: «Ne seere ye aw le ye. Ne ka baarakɛlaw ye aw le ye, ne y'aw minw woloma, janko aw ka faamuli kɛ, ka la ne la, ani ne ye min ye, aw k'o lɔn. Batofɛn si tun te ne ɲa, foyi tena sɔrɔ ne kɔ fana.

Ezayi 44:8

Aw kana siran, aw jaa kana tigɛ. Aw m'a mɛn ne fɛ wa? Ne m'a fɔ aw ye kabini tumajan wa? Aw te ne seerew ye wa? Ala dɔ wɛrɛ be yen ne kɔ wa? Siga t'a la, tangabaga wɛrɛ te yen ne kɔ, ne be min lɔn.»

Ezayi 46:9

Koo minw kɛra ka tɛmɛ fɔlɔ la, aw k'aw hakili to o la. Ne le ye Ala ye, dɔ wɛrɛ te yen ne kɔ. Ne le ye Ala ye, n bɔɲɔgɔnko te yen.

Yeremi 25:6

Aw kana tugu batofɛn wɛrɛw kɔ k'u sɔn. Aw kana ale dusu dimi n'aw ka bolola dilanfɛnw ye. O la, a tena kojugu si kɛ aw la.›

Yeremi 35:15

Ne tora ka n ka baarakɛlaw, kiraw ci aw ma. U y'a fɔ aw ye ko: Aw kelen kelen bɛɛ ka faran aw ka sirajuguw la, k'aw ka kɛtaw yɛlɛma. Aw kana boli batofɛn wɛrɛw kɔ k'u bato. O la, ne ye dugukolo min di aw n'aw faaw ma, aw bena sigi o kan. Nga aw ma mɛnni kɛ ne fɛ, aw ma n ka kuma bato.

Yeremi 7:9

« ‹Mun! Aw be soɲali kɛ, ka mɔgɔw faga, ka kakalaya kɛ, ka kɛ seere galontigɛlaw ye. Aw be *Baali sɔn, aw te batofɛn minw lɔn, aw be taga u minɛ siya wɛrɛw fɛ.

Daniyɛli 3:18

Hali n'a m'o kɛ fana, i k'a lɔn ko an tena i ka batofɛnw bato, i ye jaa sanulaman min dilan k'a lɔ, an tena o fana bato.»

Oze ta kitabu 13:4

«K'a sɔrɔ ne le ye Masaba ye, aw ka Ala, kabini Ezipiti jamana na. Ne niin ka bɔ a la, aw te dɔ wɛrɛ lɔn. Aw kisibaga te yen ni ne tɛ.

Matiyu 4:10

Yezu y'a fɔ a ye ko: «Taga ka bɔ yan Sutana, bari a fɔra Ala ka kuma na ko: ‹E ka Matigi i ka Ala bato ka baara kɛ ale kelenpe ye.› »

Kor fɔlɔ 8:4

Min ye josɔnsogo ɲimiko ye, an y'a lɔn ko joo te foyi ye diɲɛ na, an y'a lɔn fana ko Ala ye kelen ye.

Kor fɔlɔ 8:6

an kɔni fɛ, Ala kelen le be yen. Ale lo y'an Faa ye, koo bɛɛ be bɔ ale fɛ, an fana be taga ale fɛ, ani Matigi kelenpe le be yen, o ye Yezu Krista ye, ale min barika la fɛɛn bɛɛ be yen, anw fana be yen ale barika la.

Ɛfɛsikaw 5:5

Aw k'a faamu kosɔbɛ ko kakalaw ni mɔgɔnɔgɔninw, ni wasabaliw tena don Krista ni Ala ka masaya la. Wasabaliya ni josɔn bɛɛ ye kelen ye.

Sariya 5:7

Aw kana fɛɛn wɛrɛw bato fɔɔ ne kelen.

Sariya 6:14

Siya minw b'aw lamini na, aw kana olu ka batofɛnw bato,

Sariya 6:5

Aw ka Masaba aw ka Ala kanu n'aw dusu bɛɛ ye, n'aw kɔnɔ bɛɛ ye, n'aw fanga bɛɛ ye.

Filipikaw 3:19

Olu laban ye halakili ye. U kɔnɔbara le ye u ka Ala ye. Koo minw be maloya lase u ma, o le kɛra u ka yɛrɛboɲako ye. U be miiri koo minw na, o ye diɲɛ koo dama ye.

Kɔlɔsikaw 2:18

Mɔgɔ minw b'a kɛ i n'a fɔ u majiginin lo ani minw be to ka mɛlɛkɛw bato, aw kan'a to u si k'aw ɲagami. U jijanin lo u ka fɛɛn yetaw fɔko la. U b'u yɛrɛ boɲa ni adamaden ka miiriya dama ye.

Yirari 19:10

Ayiwa, ne birila a kɔrɔ ko n b'a bato, nga a y'a fɔ ne ye ko: «Ayi! Kana o kɛ, bari ne fana ye Ala ka baarakɛla le ye i n'a fɔ e n'i tɔɲɔgɔnw, minw ye Yezu ka kuma minɛ ka ɲa. I ka kan ka Ala le bato.» Yezu ye tiɲɛko min fɔ, kiraw tun ye o sɔrɔ Nii Senuman barika la.

Yirari 22:9

Nga a y'a fɔ ne ye ko: «Ayi! Kana o kɛ, ne fana ye Ala ka baarakɛla le ye i n'a fɔ e n'i tɔɲɔgɔn kiraw, ani minw bɛɛ be kitabu nin kɔnɔna kuma bato. I ka kan ka Ala le bato.»

Kititigɛbagaw 6:10

Ne tun y'a fɔ aw ye ko ne ye Masaba ye, aw ka Ala. Ko aw man kan ka siran amoriw ka joow ɲa, aw siginin be minw ka jamana na. Nga aw ma sɔn ka ne ka kuma bato.› »