O koo nin sera Isirayɛlidenw ma, bari u ye Masaba u ka Ala hakɛ ta, ale min tun y'u bɔ Ezipiti jamana na, Ezipiti masacɛ ka fanga kɔrɔ. U tun ye batofɛn wɛrɛw bato.
Masaba a ka Ala y'a don Siri masacɛ bolo. Sirikaw ser'a kɔrɔ k'a ka mɔgɔ caaman minɛ ka taga n'u ye Damasi. Masaba y'a don Isirayɛli mara masacɛ bolo fana, ale ser'a kɔrɔ k'a ka mɔgɔ caaman faga.
Musa y'a fɔ jama ye ko: «Aw bɔra jɔnya la loon min na Ezipiti, aw k'aw hakili to o loon na, saan o saan, ka ɲanagwɛ kɛ o loon na, bari Masaba ye aw bɔ yen ni barika ye. Aw man kan ka buru dumu, fununan be min na.
U jaa tigɛra, siranya y'u minɛ. Ee Masaba! I bolo barikaman kosɔn, u kirinna ka to yɔrɔ kelen i ko kabakuru fɔɔ i ka jama ka tɛmɛ ka ban, i ye o minw kɛ i ta ye.
A ko: «Ni aw be mɛnni kɛ ne, Masaba aw ka Ala fɛ, n'aw be kotilennin kɛ ne ɲakɔrɔ, k'aw tulo malɔ ne ka kuma na, ka ne ka sariyaw bɛɛ bato, ne tun ye Ezipitikaw tɔɔrɔ ni bana minw ye, ne tena o si la aw kan, bari ne ye Masaba ye, min b'aw kɛnɛya.»
O la, i k'a fɔ Isirayɛlidenw ye ko ne le ye Masaba ye. Ne bena aw bɔ Ezipitikaw ka fanga kɔrɔ, ne bena aw bɔsi ka bɔ u ka jɔnya la. Ne bena u ɲaa gwan kosɔbɛ k'aw kisi ni sebagaya ye.
Bari, ne Masaba le ye aw ka Ala ye, ne ye Isirayɛli ka Ala ye, aw kisibaga. N ye Ezipiti jamana di aw kunmabɔsara ye, n ye Etiyopi, ni Seba mara falen aw la.
U ma u yɛrɛ ɲininga ko: ‹Masaba min y'an bɔ Ezipiti jamana la, ka bila an ɲa kongokolon kɔnɔ, jamana lakolon, dingɛkolon yɔrɔ nin, yɔrɔ janin, jamanajugu, mɔgɔ si te tɛmɛ yɔrɔ min na, mɔgɔ si siginin te yen, o Masaba nin be min?›
O loonw tɛmɛnin kɔ, ne bena bɛɛn min kɛ ni Isirayɛlidenw ye, o filɛ. Ne bena n ka sariya don u kɔnɔ, ne ben'a sɛbɛ u dusu la. Ne bena kɛ u ka Ala ye, u bena kɛ ne ka mɔgɔw ye. Ne Masaba le ko ten.
«A fɔ u ye ko ne Matigi, Masaba ko: Ne ye Isirayɛli woloma loon min na, ne ye n daa di sɔbɛ la Yakuba kɔmɔgɔw ma, ka n yɛrɛ yira u la Ezipiti jamana na. Ne ye layidu ta u ye ko ne bena kɛ Masaba ye, u ka Ala.
Ne y'a fɔ u ye ko batofɛnkolon minw b'u ka miiriya sama, ko u kelen kelen bɛɛ k'olu fili, k'u kana u yɛrɛ nɔgɔ ni Ezipitikaw ka joow ye. Ko ne ye Masaba ye, u ka Ala.
O la, Masaba ko: «Ne le ye Masaba ye, aw ka Ala, kabini Ezipiti jamana na. Ne ben'a kɛ aw bena segi ka la fanibuguw kɔnɔ i ko an ka ɲɔgɔn kunbɛnwaati tile la.
Kilo bɛnnin ni sumanikɛnigɛ ɲanaman, ni sumanikɛfilen bɛnnin ani litiri bɛnnin ka sɔrɔ aw fɛ. Ne le ye Masaba aw ka Ala ye, ne le y'aw bɔ Ezipiti jamana na.
«Aw kana joo si dilan, aw kana yiri lɛsɛnin, walima kabakuru si lɔ k'a bato, aw kana kabakuru ɲɛgɛnin si bila aw ka jamana kɔnɔ ka biri a kɔrɔ. Ne le ye Masaba aw ka Ala ye.
Ne le ye Masaba aw ka Ala ye, ne y'aw bɔ Ezipiti jamana na, janko aw kana kɛ Ezipitikaw ka jɔɔnw ye tugu. Aw tun be jɔnya la mɔgɔ minw bolo, ne ye olu ka fanga bɔ aw kunna, ka kunkɔrɔta di aw ma.
«N'aw bɔra ka taga aw juguw kɛlɛkɛyɔrɔ la tuma min na, n'aw y'a ye ko aw juguw bɔra ka caya n'aw ye, n'aw y'u ka sotigiw, ani kɛlɛkɛwotorow ye fana, aw kana siran u ɲa, bari Masaba aw ka Ala min y'aw bɔ Ezipiti jamana na, ale be ni aw ye.
Aw kana ɲinɛ ko aw tun ye jɔɔnw ye Ezipiti, ani ko ne Masaba aw ka Ala y'aw bɔ n ka sebagaya barika la. O kosɔn, n y'a ɲini aw fɛ ko aw ka lafiɲɛlon bato.
Nga aw koo ka di Masaba ye, ani a ye layidu min ta aw bɛmaw ye, a y'o dafa. O la, a y'aw bɔsi Ezipiti masacɛ bolo k'aw bɔ jɔnya la, ani k'a to aw bɔra jamana nin kɔnɔ a ka sebagaya barika la.
Masaba ka mɛlɛkɛ bɔra Giligali ka na Bokimu, k'a fɔ ko: «Ne y'aw bɔ Ezipiti jamana na. Ne tun ye jamana min layidu ta aw faaw ye ko n ben'a di u ma, ne nana n'aw ye o kɔnɔ. Ne tun y'a fɔ ko ne tena n ka bɛɛn cɛn ni aw ye tugu.
Ne tun y'a fɔ aw ye ko ne ye Masaba ye, aw ka Ala. Ko aw man kan ka siran amoriw ka joow ɲa, aw siginin be minw ka jamana na. Nga aw ma sɔn ka ne ka kuma bato.› »