Bɔri 2:3 - ALA KA KUMA

³ Tuma min na a tun te se k'a dogo tugu, a ye segi ta min dilannin tun be ni biin sifa dɔ ye, k'a mɔn ni tulu sifa dɔ ye, ni bɔgɔgwɛ. A ye deen la o kɔnɔ k'a bila Nili baa dagolo la biinw cɛma.

Jula NT of Côte d’Ivoire

³ Nka den nana kɛ a tɛ se ka dogo tuun minkɛ, a bamuso ka segi dɔ lalaga ni kɔdarabin dɔw ye, ka mananji ni yiriji dɔ kɛ k’a mun janko ji kana don a kɔnɔ. A ka den la o kɔnɔ, ka taga a bla Nili bada ra, binw cɛ ra.

Bɔri 2:3 Iomraidhean Croise

Damina 11:3

U y'a fɔ ɲɔgɔn ye ko: «Aw ye na, an ka biriki gosi k'u jɛni.» O kɛra u ka kabakuruw ye, ka bɔgɔmanan kɛ k'a lɔ.

Damina 14:10

O y'a sɔrɔ u tun ye bɔgɔmana bɔ Sidimu kɔkɛnɛ na, o dingɛw tun ka ca yen. Sodɔmu masacɛ ni Gɔmɔri masacɛ bolila ka taga ben o kɔnɔ, tɔw bolila ka taga kuluw yɔrɔ la.

Damina 6:14

«I ka kurunba dilan i yɛrɛ ye ni sipɛrɛyiri ye, ka bondenninw kɛ a kɔnɔ, ani k'a kɛnɛmala ni kɔnɔna mɔn ni tulu dɔ ye.

Bɔri 1:22

Ezipiti masacɛ y'a fɔ a ka mɔgɔw bɛɛ ye k'a gwɛlɛya ko: «Eburuden min mana wolo, ni cɛɛ lo, aw k'o fili baji la, nga aw ka musomanw to, aw kana olu faga.»

Ezayi 18:2

Ele min be cidenw ci Nili baji kan, n'u be taga kurun binlamanw kɔnɔ. Aw ye kɔsegi, ciden telimanw, ka taga mɔgɔjanjanw fɛ, minw fari be manamana! Mɔgɔ minw be siranya bila yɔrɔjan ni yɔrɔsurun mɔgɔw la. Siya barikaman min be tɔɔrɔ la mɔgɔw kan, aw ye kɔsegi aw ka jamana na, jamana min kɔnɔ babolow ka ca.

Ezayi 19:6

Kɔbolow jii kasa bena bɔ, Ezipiti kɔɔw jii bena jigi fɔɔ ka ja. Burukuw ni biinw bena fɔnsɔn,

Ezayi 35:7

Dugukolo cɛncɛn gwanninman yɔrɔw bena kɛ dalanw ye, minnɔgɔ be jamana min tɔɔrɔ, jii woyoyɔrɔw bena kɛ yen. Kongowuluw tun be la yɔrɔ min na, buruku ni kɔku bena falen o yɔrɔ la.

Matiyu 2:13

Lɔnnikɛlaw taanin kɔ, Matigi ka mɛlɛkɛ dɔ y'a yɛrɛ yira Yusufu la siko la. A y'a fɔ Yusufu ye ko a ka wili ka boli ka taga ni deen n'a baa ye Ezipiti jamana na, bari *Erɔdi bena deen yɔrɔ ɲini ko a b'a faga. Ko a ka to o yɔrɔ la fɔɔ n'ale ka kuma sera a ma tuma min na.

Matiyu 2:16

*Erɔdi y'a lɔn tuma min na ko lɔnnikɛlaw y'ale janfa, a dimina kosɔbɛ. A y'a ka sɔlidasiw ci Bɛtilehɛmu n'a dafɛ duguw la, ka deen cɛmanw bɛɛ faga minw bɛɛ sii ma tɛmɛ saan fila kan, bari a tun y'a jati ko deen sii ma tɛmɛ o kan, ka kɛɲɛ ni lɔnnikɛlaw ka fɔta ye.

Kɛwalew 7:19

Juguya kosɔn, o masacɛ nin y'an ka mɔgɔw tɔɔrɔ, ka to ka wolobagaw wajibiya k'u ka denɲɛninw fili janko u ka sa.