Bɔri 19:6 - ALA KA KUMA

⁶ aw bena kɛ ne Masa Ala ka sarakalasebagaw ye, ni siya senuman ye.› I k'o kumaw fɔ Isirayɛlidenw ye.»

Jula NT of Côte d’Ivoire

⁶ Ne bɛna aw kɛ ne ta sarakalasebagaw ye, ka aw sigi ne ta masaya ra, ka aw kɛ siya saninman ye, ka aw bla danna ne ye.› I bɛna o kuma le lase Izirayɛlimɔgɔw ma.»

Bɔri 19:6 Iomraidhean Croise

Mas fɔlɔ 3:8

I ka baarakɛla b'i ka jama cɛma i ye min woloma. Jama nin ka ca haali, a te se ka jati, a daa fana te se ka lɔn.

Mas fɔlɔ 8:53

Bari i y'u woloma ka bɔ dugukolo kan siya tɔw bɛɛ la k'u kɛ i ta ye, i ko i tun y'a fɔ i ka baarakɛla Musa barika la cogo min na, e Matigi, Masaba tun y'an faaw bɔ Ezipiti jamana na tuma min na.»

Lok fɔlɔ 17:22

I ye i ka jama Isirayɛli kɛ i ta ye tuma bɛɛ, ele Masaba kɛra u ka Ala ye.

Zaburu 114:2

Zuda kɔmɔgɔw kɛra Ala ta ye, Isirayɛli jama kɛr'a niyɔrɔ ye.

Bɔri 15:26

A ko: «Ni aw be mɛnni kɛ ne, Masaba aw ka Ala fɛ, n'aw be kotilennin kɛ ne ɲakɔrɔ, k'aw tulo malɔ ne ka kuma na, ka ne ka sariyaw bɛɛ bato, ne tun ye Ezipitikaw tɔɔrɔ ni bana minw ye, ne tena o si la aw kan, bari ne ye Masaba ye, min b'aw kɛnɛya.»

Bɔri 28:36

«I bena sanu yɛrɛ yɛrɛ kɛ ka yirifeerenbisigi dilan ka sɛbɛnni kɛ a kan ko: ‹Nin ye Masaba ta ye,› i n'a fɔ taamasiɲɛ lafɛn be kɛ cogo min na,

Ezayi 43:4

Aw koo ka gwɛlɛ ne ma, aw ye fɛnba ye ne fɛ, aw koo ka di n ye fana. O la, ne be adamadenw di aw nɔɔ na, ne be mɔgɔw di, waasa k'aw kisi.

Ezayi 61:6

Aw kɔni, u bena aw wele ko Masaba ka sarakalasebagaw, u bena aw wele ko an ka Ala ka baarakɛlaw. Aw bena siya wɛrɛw ka nafolo dumu, aw bena u ka kunkɔrɔtafɛnw kɛ aw ka masirifɛnw ye.

Ezayi 62:12

U bena u wele ko Siya senuman, Masaba ye minw kunmabɔ. U bena i wele ko Madiyadugu, Dugu min labilanin tɛ.

Ezayi 66:21

Ne bena sarakalasebagaw, ni Levi kɔmɔgɔw woloma u cɛma. Ne Masaba le ko ten.

Yeremi 13:11

Mɔgɔ be cɛsirilan kɛ k'a cɛ siri cogo min na, o cogo kelen na, ne tun ye Isirayɛli ni Zuda mara mɔgɔw kɛ ka n cɛ siri. Waasa u ka kɛ ne ka mɔgɔw ye, ka kɛ sababu ye ne tɔgɔ ka bɔ, ani ne ka tanuli sɔrɔ, ani kunkɔrɔta. Nga u ma mɛnni kɛ ne fɛ. Ne Masaba le ko ten.

Yeremi 2:3

Isirayɛlidenw, aw tun kɛra ne Masaba ta ye, i ko sɛnɛfɛn deen fɔlɔw. Ni mɔgɔ o mɔgɔ tun y'o dumu, o tigi tun be jalaki, sɛgɛn tun be o tigilamɔgɔ sɔrɔ. Ne Masaba le ko ten.› »

Yeremi 7:23

Nga ne ye min ɲini u fɛ, o ye nin ye: N ko: ‹Aw ka mɛnni kɛ ne fɛ, o la, ne bena kɛ aw ka Ala ye, aw bena kɛ ne ka mɔgɔw ye. Ne ye sira min don aw seen kɔrɔ, aw k'o taama ka ɲa, aw bena hɛrɛ sɔrɔ.›

Sarakalasebagaw 19:2

«A fɔ Isirayɛli jama bɛɛ ye ko: Aw ka kɛ mɔgɔ senumanw ye, bari ne Masaba aw ka Ala ka senu.

Sarakalasebagaw 20:24

Ne y'a fɔ aw ye ko aw bena u ka jamana tigiya kɛ. Ne bena jamana nin di aw ma ka kɛ aw ta ye, nɔnɔ ni lii ka ca kosɔbɛ o yɔrɔ la, jamana diman lo. Ne le ye Masaba aw ka Ala ye. Ne y'aw kɛ danna siya tɔw la.

Sarakalasebagaw 20:26

«Aw ka kɛ mɔgɔɲumanw ye ne fɛ, bari ne Masaba ka ɲi. Ne ye aw faran ka bɔ siya tɔw la k'aw bila danna, janko aw ka kɛ ne taw ye.

Sarakalasebagaw 21:23

Nga fiɲɛ b'a la minkɛ, o la, a man kan ka gwɛrɛ soo cɛtigɛfani la, walima sarakabɔyɔrɔ la, ka ne ka sigiyɔrɔ nɔgɔ. Ne le ye Masaba, u saniyabaga ye.› »

Amɔsi 3:2

«Ne be jantora aw le la siyaw bɛɛ cɛma. O kama, aw ye tilenbaliyako minw bɛɛ kɛ, ne bena o juru sara aw la.»

Hagize 2:5

Ne tun ye n daa di aw ma ten aw bɔwaati la Ezipiti jamana na. O la do, ka ne ka Nii to aw cɛma, aw kana siran foyi ɲa.»

Jateri 16:3

U ye ɲɔgɔn lajɛn ka na Musa ni Arɔn fɛ janko k'u kɛlɛ. U ko: «Aw ta tɛmɛn'a daan kan! Jama bɛɛ lajɛnnin ye Masaba ta ye, Masaba be olu fana fɛ. Mun na aw b'aw yɛrɛ fisaya ni Masaba ka jama ye?»

Rɔmukaw 12:1

N balimaw, ne b'aw daali Ala ka makari kosɔn ko aw k'aw yɛrɛ kɛ saraka ɲanaman ye, min saniyanin lo, n'a ka di Ala ye: o le bena kɛ aw ka batoli ɲanaman ye.

Kor fɔlɔ 3:17

Ni mɔgɔ dɔ ye Ala ka sigiyɔrɔ cɛn, Ala fana bena o tigi halaki, bari Ala ka sigiyɔrɔ saniyanin lo, o sigiyɔrɔ nin ye aw ye.

Sariya 14:21

«Fɛɛn min sar'a yɛrɛ ma, aw man kan k'o sogo ɲimi. Lonan minw siginin be aw ka duguw la, aw k'a di olu ma, u k'a ɲimi, walima aw be se k'a feere lonan wɛrɛw ma. Aw ye Masaba an ka Ala ta ye. Aw man kan ka baden tobi a bamuso nɔnɔ na.

Sariya 26:19

a ye siya minw dan, a bena ɲafɛla di aw ma olu bɛɛ kunna, boɲa ni nɔɔrɔ kɔnɔ, k'aw tɔgɔ bɔ ka tɛmɛ olu kan, ko aw ka kɛ jama saniyanin ye Masaba aw ka Ala ɲakɔrɔ ka kɛɲɛ n'a ka layidu ye.»

Sariya 28:9

N'aw ye Masaba aw ka Ala ka fɔtaw mara, k'a ka siraw taama, a bena aw kɛ a yɛrɛ tɔgɔla jama ye ka kɛɲɛ n'a ka layidu ye aw ye.

Sariya 7:6

Bari aw ye Masaba aw ka Ala ka jama ye. Masaba aw ka Ala y'aw woloma siya tɔw bɛɛ cɛma dugukolo kan janko aw ka kɛ a yɛrɛ tɔgɔlataw ye.

Tes fɔlɔ 5:27

Ne b'a ɲini aw fɛ kosɔbɛ Matigi tɔgɔ la ko bataki nin ka kalan balimaw bɛɛ ɲana.

Piy fɔlɔ 2:5

O la, aw be kɛ a bɔɲɔgɔnko kabakuru ɲanamanw ye, minw bena kɛ ka Nii Senuman ka soo lɔ, ani ka kɛ sarakalasebagaw ye, k'aw yɛrɛ di Ala ma Yezu Krista barika la. O ka d'a ye.

Piy fɔlɔ 2:9

Nga aw kɔni, aw wolomana ka kɛ Setigi Ala ka sarakalasebagaw, ni siya senuman ye. A y'aw sama ka bɔ dibi la k'aw bila a ka kɛnɛba la janko aw k'a ka ɲumanya koo fɔ.

Yirari 1:6

k'an kɛ masadenw ni sarakalasebagaw ye, a Faa Ala ɲakɔrɔ. O tuma na, see ye ale ta ye, boɲa ka la a tɔgɔ kan waati bɛɛ. Amiina.

Yirari 20:6

Mɔgɔ minw bena kɛ o fɔlɔ mɔgɔw ye, olu bena saniya, u bena dagamu bari saya filanan tena se olu ma. Olu bena kɛ Ala ni Krista ka sarakalasebagaw ye ka sigi masaya la n'a ye saan waa kelen nin kɔnɔ.

Yirari 5:10

E y'u kɛ masaw ni sarakalasebagaw ye dugukolo kan Ala ɲakɔrɔ.»