Bɔri 19:4 - ALA KA KUMA

⁴ Ko: ‹Ne ye min kɛ Ezipitikaw la, aw y'o ye, ne y'aw ta i n'a fɔ sɛgɛn be fɛɛn ta cogo min na ka na n'aw ye n fɛ.

Jula NT of Côte d’Ivoire

⁴ ‹Ne ka ko minw kɛ Misirankaw ra, aw ka o ye, ani ne ka aw ta i n’a fɔ bɔn bɛ a denw ta cogo mina a kaman kan, ka na ni aw ye ne yɛrɛ kɔrɔ, aw ka o ye fana.

Bɔri 19:4 Iomraidhean Croise

Ezayi 40:31

Nga, minw jigi be Masaba kan, olu be fangakura sɔrɔ. U be van i ko sɛgɛn, u be boli, u te sigɛn. U be taama, u fanga te ban.

Ezayi 63:9

u ka tɔɔrɔwaatiw bɛɛ la. A ma mɔgɔ si ci ka na u kisi, ale yɛrɛ le y'u kisi. A b'u kanu, a be makari u la, o la, a y'u kunmabɔ. A y'u ɲun, a y'u ta fɔlɔfɔlɔ tilew bɛɛ la.

Oze ta kitabu 11:1

Masaba y'a fɔ ko: «Isirayɛlidenw daminɛtuma na, u koo tun ka di ne ye. Ne ye n deenw wele ka bɔ Ezipiti jamana na.

Hagize 2:5

Ne tun ye n daa di aw ma ten aw bɔwaati la Ezipiti jamana na. O la do, ka ne ka Nii to aw cɛma, aw kana siran foyi ɲa.»

Malaki 2:10

Faa kelen le te an fɛ wa? Ala kelen le m'an dan wa? Mun na anw do tilennin tɛ an ni ɲɔgɔnw cɛ? N'an b'an faaw ka bɛɛn cɛn?

Sariya 1:30

Ko Masaba aw ka Ala min be taga aw ɲafɛ, ale bena kɛlɛ kɛ aw nɔɔ na, i n'a fɔ a y'a kɛ aw ɲana cogo min na Ezipiti,

Sariya 1:31

ani kongokolon kɔnɔ. O yɔrɔ la, Masaba aw ka Ala tun b'aw dɛmɛ ka taga n'aw ye i n'a fɔ mɔgɔ b'a deen ta cogo min na, aw y'o ye cɔ! A y'aw kɔlɔsi aw ka taama bɛɛ la fɔɔ ka na se yan yɔrɔ la.

Sariya 29:1

Musa ye Isirayɛlidenw bɛɛ wele k'a fɔ u ye ko: «Aw tun be Ezipiti tuma min na, aw ɲaa y'a ye Masaba ye Ezipiti masacɛ n'a ka baarakɛlaw bɛɛ, n'a ka jamana bɛɛ kɛ cogo min na.

Sariya 29:2

A ye gwɛlɛya minw la u kan, aw yɛrɛ y'o taamasiɲɛw n'o kabakobabaw ye.

Sariya 4:9

Nga aw k'aw yɛrɛ kɔlɔsi, ka banba, janko aw ye koo minw ye n'aw ɲaa ye, aw kana ɲinɛ o kɔ. O kana bɔ aw hakili la aw sii tile bɛɛ la. Aw k'o koo fɔ aw deenw, n'aw mamadenw ye.

Yosuwe 23:3

Masaba aw ka Ala ye fɛɛn minw bɛɛ kɛ siya nunu bɛɛ la aw kosɔn, aw yɛrɛw y'o ye! Masaba aw ka Ala le tun be to k'aw dɛmɛ kɛlɛ la.

Yirari 12:14

Nga Ala ye gaman di muso ma, ko a ka van ka taga kongokolon kɔnɔ yɔrɔ dɔ la, min tun labɛnna a ye. A bena to yen n'a b'a daradumuni sɔrɔ fɔɔ saan saba ni tilan. Ale ni saa yɔrɔ jaɲanin bena to ɲɔgɔn na.