Bɔri 19:11 - ALA KA KUMA

¹¹ Ko u labɛnnin ka sɔrɔ tile sabanan loon, bari ne, Masaba bena jigi o loon na Sinayi kulu kan jama bɛɛ ɲana.

Jula NT of Côte d’Ivoire

¹¹ ko o ye o yɛrɛ labɛn sani sinikɛnɛ cɛ; sabu sinikɛnɛ ne bɛna jigi Sinayi kuru kan mɔgɔw bɛɛ ɲa na.

Bɔri 19:11 Iomraidhean Croise

Damina 11:5

U tun be dugu ni sangasojan min lɔra, Masaba jigira ka na o filɛ.

Nehemi 9:13

E tun jigira Sinayi kulu kan, k'i to sankolo la i tun kumana u fɛ, ka siraɲuman yira u la, ka tiɲɛ sariya sigi u ye ka tana ni landaw sigi u ye minw ka ɲi.

Zaburu 144:5

Masaba, e ka bɔ sankolo la ka jigi. E ka maga kuluw la, sisi ka wili u kan.

Zaburu 18:9

Sisi tun be bɔr'a nuun na, tasuma fariman ni takami tun be bɔr'a daa la.

Bɔri 19:16

Tile sabanan loon sɔgɔmadafɛ, saan pɛrɛnna, ka manamana, sankabafin tun be kulu kunna, buru fiyɛra kosɔbɛ. Jama bɛɛ yɛrɛyɛrɛla u sigiyɔrɔ la.

Bɔri 19:18

Sinayi kulu faan bɛɛ kɛra sisi ye, bari Masaba jigira a kan tasuma kɔnɔ. Sisi nin tun be wilila i n'a fɔ dibi ta. Kulu bɛɛ yɛrɛyɛrɛla kosɔbɛ.

Bɔri 19:20

Masaba jigira Sinayi kulu kan ka Musa weele ko a ka yɛlɛ ka na. Musa yɛlɛla yen.

Bɔri 24:16

Masaba nɔɔrɔ tun be Sinayi kulu kan. Sankaba y'a datugu tile wɔɔrɔ kɔnɔ. Tile wolonwulanan loon, Masaba ye Musa wele sankaba kɔnɔ.

Bɔri 24:17

Isirayɛlidenw ɲana, Masaba ka nɔɔrɔ tun be i n'a fɔ tasumaba, kulu kan.

Bɔri 3:8

O la, ne jigira waasa k'u bɔsi Ezipitikaw bolo k'u bɔ o jamana nin na ka taga n'u ye jamanaɲuman na, min ka bon haali, nɔnɔ ni lii ka ca yɔrɔ min na kosɔbɛ, jamana diman lo. Kanaanw ni itiw, ani amoriw ni periziw, ni iviw ani zebuziw ka jamana lo.

Bɔri 34:2

I yɛrɛ labɛn sanni dugu ka gwɛ. Ni dugu gwɛra, i ka yɛlɛ Sinayi kulu kan ka lɔ ne ɲakɔrɔ kulu kunna yen.

Bɔri 34:5

Masaba jigira sankaba kɔnɔ ka lɔ ni Musa ye. A y'a tɔgɔ fɔ.

Jateri 11:17

Ne bena jigi ka kuma i fɛ o yɔrɔ la. See min b'i fɛ, ne bena o ɲɔgɔn di u ma. U bena i dɛmɛ ka mɔgɔ nunu ka doni ta, janko i kana o ta i kelen.

Yuhana 3:13

Mɔgɔ si ma yɛlɛ ka taga arijana na fɔɔ Mɔgɔ Dencɛ min bɔra o yɔrɔ la.

Yuhana 6:38

Ne bɔra sankolo la ka na diɲɛ na n cibaga sago kɛli kama, n'o tɛ ne ma na n yɛrɛ sago kama.

Sariya 33:2

A ko: «Masaba bɔra Sinayi kulu kan ka na, a bɔra i ko tile wilitɔ, *Seyiri mara la. A tora Paran kulu kan ka yeelen bɔ a ka jama ye. A nana ni mɛlɛkɛ waa caaman ye, ka bɔ kulu nin kan, worodugu ɲafan fɛ.

Sariya 4:10

«Loon min na aw lɔra Masaba aw ka Ala ɲakɔrɔ *Orɛbu kulu kan, aw k'aw hakili to a la. A y'a fɔ ne ye ko ne ka jama lajɛn ale ɲakɔrɔ, ko ale bena kuma u fɛ janko u k'ale boɲako dege, u sii tile bɛɛ la dugukolo kan, ani k'u deenw dege o la.

Yosuwe 3:5

Zozuwe y'a fɔ jama ye k'u k'o yɛrɛ saniya bari ko sini, Masaba bena kobabaw kɛ u cɛma.