Bɔri 19:1 - ALA KA KUMA

¹ Isirayɛlidenw bɔnin kɔ Ezipiti, kalo sabanan dafalon yɛrɛ, u sera kongokolon kɔnɔ Sinayi kulu gɛrɛfɛ.

Jula NT of Côte d’Ivoire

¹ Izirayɛlimɔgɔw bɔnin kɔ Misiran jamana ra, a karo sabanan tere fɔlɔ, o sera Sinayi kongokolon kɔnɔ.

Bɔri 19:1 Iomraidhean Croise

Bɔri 12:2

«Nin kalo le bena kɛ saan kalo fɔlɔ ye aw fɛ, saan daminɛ kalo.

Bɔri 12:51

O loon yɛrɛ la, Masaba ye Isirayɛlidenw bɔ Ezipiti jɛnkulu jɛnkulu.

Bɔri 12:6

Aw k'o mara fɔɔ kalo nin tile tan ni naaninan loon. Isirayɛli jama bɛɛ ben'o faga o loon na tile bennin kɔ.

Bɔri 16:1

Isirayɛli jama bɛɛ bɔra Elimu ka taga se Sin kongokolon kɔnɔ, min be Elimu ni Sinayi cɛ. U sera yen kalo filanan tile tan ni duurunan loon, u bɔnin kɔ Ezipiti jamana na.

Bɔri 3:12

Ala ko: «Ne bena to n'i ye. Taamasiɲɛ min b'a yira ko ne le y'i ci, o ye nin ye: N'i ye jama bɔ Ezipiti tuma min na, aw bena ne bato kulu nin kan.»

Bɔri 40:2

«Ɲɔgɔnkunbɛn fanibugu lɔ, i k'o kɛ saan kalo fɔlɔ tile fɔlɔ la.

Ezekiyɛli 20:10

«Ne y'u bɔ Ezipiti ka taga n'u ye kongokolon kɔnɔ.

Jateri 1:1

Ka Isirayɛlidenw to kongokolon kɔnɔ Sinayi kulu gɛrɛfɛ, u bɔnin kɔ Ezipiti jamana na, a saan filanan kalo filanan tile fɔlɔ loon, Masaba kumana Musa fɛ Ɲɔgɔnkunbɛn fanibugu kɔnɔ ko:

Jateri 10:12

Isirayɛlidenw wilila ka bɔ kongokolon kɔnɔ Sinayi kulu gɛrɛfɛ. Sankaba tagara lɔ Paran kongokolon kɔnɔ.

Jateri 3:14

Masaba kumana Musa fɛ kongokolon kɔnɔ Sinayi kulu gɛrɛfɛ ko:

Jateri 33:15

U wilila ka bɔ Erefidimu ka taga sigi kongokolon kɔnɔ Sinayi kulu gɛrɛfɛ.

Sariya 1:6

Masaba an ka Ala y'a fɔ anw ye k'an to *Orɛbu kulu kɔrɔ ko: «Aw mɛnna kulu nin kɔrɔ kojugu.

Sariya 4:10

«Loon min na aw lɔra Masaba aw ka Ala ɲakɔrɔ *Orɛbu kulu kan, aw k'aw hakili to a la. A y'a fɔ ne ye ko ne ka jama lajɛn ale ɲakɔrɔ, ko ale bena kuma u fɛ janko u k'ale boɲako dege, u sii tile bɛɛ la dugukolo kan, ani k'u deenw dege o la.

Sariya 4:15

«Loon min na Masaba kumana aw fɛ *Orɛbu kulu kan, k'a to tasuma kɔnɔ, aw ɲaa ma foyi ye. O la, aw k'aw yɛrɛ minɛ kosɔbɛ.

Sariya 5:2

Masaba an ka Ala bɛnna n'anw ye *Orɛbu kulu kɔrɔ.