Bɔri 18:12 - ALA KA KUMA

¹² Zetoro ye saraka jɛnita ni saraka dɔ wɛrɛw bɔ Ala ye. Arɔn ni Isirayɛli cɛkɔrɔba bɛɛ ye dumuni kɛ ni Musa birancɛ ye Ala ɲakɔrɔ.

Jula NT of Côte d’Ivoire

¹² Musa burancɛ Zetoro ka bɛgan dɔ faga, k’a kuturu jɛni, ka o di Ala ma saraka ye. O kɔ, a ka bɛgan dɔw kɛ saraka ye tuun; Haruna ni Izirayɛli cɛkɔrɔbaw bɛɛ nana fara Zetoro kan, ka o saraka domu Ala ɲa kɔrɔ.

Bɔri 18:12 Iomraidhean Croise

Damina 12:7

Masaba y'a yɛrɛ yira Abramu la k'a fɔ a ye ko: «Ne bena jamana nin d'i kɔmɔgɔ ma.» O la, Abramu ye sarakabɔyɔrɔ lɔ Masaba ye o yɔrɔ la, ale min tun y'a yɛrɛ yira a la.

Damina 26:25

Isiyaka ye sarakabɔyɔrɔ lɔ o yɔrɔ la ka Masaba bato. O yɔrɔ la, a y'a ka fanibugu lɔ, ani a ka jɔɔnw ye kɔlɔn sogi o yɔrɔ la fana.

Damina 26:30

Isiyaka ye ɲanagwɛ sigi u ye, u ye dumuni kɛ ka minni kɛ.

Damina 31:54

A ye saraka bɔ kuluw yɔrɔ la yen k'a ka somɔgɔw wele dumuni na. U ye dumuni kɛ ka ban tuma min na, u sira o yɔrɔ la yen.

Damina 4:4

Abɛli y'a ka begɛnw ka deen fɔlɔ dɔw n'u tulu bɔ saraka ye. Masaba sɔnna Abɛli n'a ka saraka la,

Damina 43:25

Yusufu balima nunu ye u ka boɲafɛnw labɛn n'u be Yusufu makɔnɔna tilefɛ. Bari u tun y'a mɛn ko u bena dumuni kɛ n'a ye.

Damina 8:20

Nuhun ye sarakabɔyɔrɔ lɔ Masaba ye ka dɔ bɔ seen naani fɛɛn bɛɛ la minw ka ɲi, ni kɔnɔ sifa bɛɛ la minw ka ɲi, k'u kɛ saraka ye k'u jɛni.

Sam 2nan 9:7

Dawuda y'a fɔ a ye ko: «Kana siran, bari ne b'a fɛ ka koɲuman le kɛ i ye i facɛ Zonatan kama. Ne bena i mamacɛ Sayuli ka forow bɛɛ segi i ma, an'i bena to ka na dumuni kɛ ne fɛ loon bɛɛ.»

Lok 2nan 30:22

Ezekiyasi kumana Levi kɔmɔgɔw bɛɛ fɛ k'u jaa gwɛlɛya, minw tun be Masaba ka koo faamu kosɔbɛ. U y'u niyɔrɔ dumuni kɛ tile wolonwula kɔnɔ, ka jɛnɲɔgɔnya sarakaw bɔ, ani ka Masaba u faaw ka Ala tanu.

Ayuba 1:5

Tuma o tuma, n'u ka ɲanagwɛ banna, Zɔbu tun be to k'a ka deen nunu wele k'u saniya. A tun be to ka wili sɔgɔma joona ka saraka jɛnita bɔ u kelen kelen bɛɛ tɔgɔ la. Bari Zɔbu tun be to k'a fɔ ko n'a sɔrɔ a deenw ye kojugu kɛ ka miiriyajugu ta Ala faan fɛ. Zɔbu tun be to k'o le kɛ tuma bɛɛ.

Ayuba 42:11

O la, Zɔbu balimacɛw n'a balimamusow bɛɛ, ni mɔgɔ minw tun b'a lɔn fɔlɔ la, olu bɛɛ nan'a filɛ. Zɔbu ye dumuni kɛ n'u ye, u y'u ka mɔgɔya yira Zɔbu la, k'a jigi tugu a ka sɛgɛn bɛɛ la, a tun ye min sɔrɔ ka bɔ Masaba fɛ. O kɔ, u kelen kelen bɛɛ ye warigwɛ ni kɔnɔkisɛ sanulaman d'a ma.

Ayuba 42:8

«Sisan, aw ka taga tura wolonwula ani sagajigi wolonwula ɲini ka na ne ka baarakɛla Zɔbu fɛ, k'o kɛ saraka jɛnita ye aw ka fili kosɔn. A bena ne daali aw ye. Ne bena sɔn a daalikan na, n tena kojugu kɛ aw la tugu ka kɛɲɛ n'aw ka nalomanya ye. Aw ma tiɲɛ fɔ ne ka koo la i ko ne ka baarakɛla Zɔbu y'a kɛ cogo min na.»

Bɔri 18:13

O dugusagwɛ, Musa sigira waasa ka jama ka koow ɲanabɔ. Jama nan'a ɲakɔrɔ kabini sɔgɔma fɔɔ wulafɛ.

Bɔri 2:16

Madiyan murutigi dɔ tun be ni denmuso wolonwula ye. O denmuso nunu nana k'u be jii bɔ, k'u facɛ ka begɛnw min.

Bɔri 2:20

A y'a fɔ a denmusow ye ko: «O cɛɛ be min? Mun na aw y'a to yen? Aw ye ta'a wele a ka na dumuni kɛ.»

Bɔri 20:24

Aw ka sarakabɔyɔrɔ lɔ ne ye ni bɔgɔ ye k'aw ka saraka jɛnitaw n'aw ka jɛnɲɔgɔnya sarakaw bɔ ne ye o kan, aw ka begɛnmisɛnw n'aw ka misiw. Ne bena n yɛrɛ yira yɔrɔ o yɔrɔ, ne bena aw ta ɲa.

Bɔri 24:11

Nga Ala ma maga Isirayɛlidenw ka ɲamɔgɔ nunu na. U y'a ye. U ye dumuni kɛ ka minni kɛ.

Bɔri 24:5

A ye Isirayɛlidenw kanbelen dɔw ci, olu ye saraka jɛnitaw bɔ Masaba ye ka tura kɛɲɛninw faga jɛnɲɔgɔnya sarakaw ye.

Bɔri 3:1

Ayiwa, Musa tun b'a birancɛ Zetoro ka sagaw mara, ale min ye Madiyan murutigi ye. A tagara n'u ye kongokolon faan dɔ la, fɔɔ ka taga se Ala ka kulu yɔrɔ la, o min be wele ko *Orɛbu.

Bɔri 33:7

Ayiwa, Musa tun be fanibugu ta ka taga o lɔ jama sigiyɔrɔ kɔfɛ ka furancɛ to u ni ɲɔgɔn cɛ, k'a wele ko Ɲɔgɔnkunbɛn fanibugu. Mɔgɔ o mɔgɔ mako tun be Masaba la, o tun be bɔ ka taga fanibugu nin na jama sigiyɔrɔ kɔfɛ.

Daniyɛli 10:3

Ne tun ma dumuni diman si dumu, n tun ma sogo ɲimi, n tun ma duvɛn min, ne ma n yɛrɛ lalaga, fɔɔ lɔgɔkun saba nin tɛmɛna.

Jateri 10:29

Musa y'a fɔ a birancɛ, madiyankan Erewuyɛli dencɛ Obabu ye ko: «Masaba y'a fɔ ko a bena yɔrɔ min d'an ma, an taatɔ filɛ o yɔrɔ la sisan. Na an be taga ɲɔgɔn fɛ, Masaba ye layidu ta ko a bena koɲuman min kɛ Isirayɛlidenw ye, i bena dɔ sɔrɔ o la an fɛ.»

Luka 14:1

Lafiɲɛlon dɔ la, Yezu tagara *Fariziɲɛw ka kuntigi dɔ ka soo ka dumuni kɛ. Mɔgɔ minw tun be yen, olu tun b'a kɔlɔsira.

Luka 14:15

Dumunikɛlaw kelen ye kuma nin mɛn minkɛ, a y'a fɔ Yezu ye ko: «Mɔgɔ minw bena dumuni kɛ Ala ka masaya la, olu nisɔn bena diya dɛ!»

Kor fɔlɔ 10:18

Aw ka Isirayɛlidenw ka koo filɛ, mɔgɔ minw be sarakafɛnw dumu, jɛɛn be olu ni Ala cɛ, bari sarakabɔyɔrɔ ye a ta ye.

Kor fɔlɔ 10:21

Aw te se ka minni kɛ ni Matigi ka filen ye, ka tila ka minni kɛ ni jinaw ta ye fana. Aw fana te se ka Matigi ka dumuni kɛ ka tila ka jinaw ta kɛ.

Kor fɔlɔ 10:31

Ayiwa, aw be dumuni kɛra wo, aw be minni kɛra wo, aw be fɛɛn o fɛɛn kɛ, aw k'o bɛɛ kɛ ka boɲa la Ala kan.

Sariya 12:7

Aw n'aw ka denbaya bena lajɛn ka dumuni kɛ Masaba aw ka Ala ɲakɔrɔ o yɔrɔ la, ani ka nisɔndiya, aw ka baara bɛɛ kosɔn bari Masaba aw ka Ala y'aw dɛmɛ.

Sariya 27:7

Aw ka jɛnɲɔgɔnya sarakaw bɔ o yɔrɔ la, k'o dumu ni nisɔndiya ye Masaba aw ka Ala ɲakɔrɔ.