Bɔri 17:9 - ALA KA KUMA

⁹ Musa y'a fɔ Zozuwe ye ko: «Cɛɛ dɔw woloma ka taga amalɛkiw kɛlɛ. Sini, ne bena lɔ tintin kan ni Ala ka bere ye n bolo.»

Jula NT of Côte d’Ivoire

⁹ Musa ko Yosuwe ma ko: «Cɛ dɔw ta Izirayɛlimɔgɔw cɛ ra, aw ye bɔ ka taga Amalɛki ta mɔgɔw kɛrɛ. Sini ne bɛna taga lɔ tintin kan, ni Ala ta bere ye ne boro.»

Bɔri 17:9 Iomraidhean Croise

Lok fɔlɔ 7:27

ale ta tun ye Nun ye, ale fana ta ye Zozuwe ye.

Bɔri 17:13

Zozuwe sera amalɛkiw kɔrɔ k'u faga ni murujan ye.

Bɔri 18:21

I ka mɔgɔsɔbɛ dɔw woloma fana jama cɛma, minw be siran Ala ɲa, lanamɔgɔw, mɔgɔ te se ka minw daa san, k'u kɛ kuntigiw ye jama kunna, dɔw ka kɛ mɔgɔ waa kelen kelen kunna, dɔw ka kɛ mɔgɔ kɛmɛ kɛmɛ kunna, dɔw ka kɛ mɔgɔ bi duuru duuru kunna, ani dɔw ka kɛ mɔgɔ tan tan kunna.

Bɔri 24:13

O kɔ, Musa n'a dɛmɛbaga Zozuwe wilila ka sira ta ɲɔgɔn fɛ. Musa yɛlɛla ka taga Ala ka kulu kan.

Bɔri 33:11

Masaba tun be kuma ni Musa ye daa ni daa i n'a fɔ mɔgɔ be kuma n'a teri ye cogo min na. O kɔ, Musa tun be kɔsegi ka taga jama sigiyɔrɔ la, nga a dɛmɛbaga, Nun dencɛ kanbelen Zozuwe, ale tun te bɔ fanibugu kɔnɔ.

Bɔri 4:17

I ka bere nin minɛ i bolo, i bena taamasiɲɛ kabakomanw kɛ ni min ye.»

Bɔri 4:2

Masaba y'a fɔ a ye ko: «Mun b'i bolo?» A ko bere.

Bɔri 4:20

Musa y'a muso n'a dencɛw yɛlɛ fali kan ka Ezipiti sira minɛ. A ye Ala ka bere ta a bolo.

Jateri 11:28

Nun dencɛ Zozuwe, min tun ye Musa dɛmɛbaga ye kabini a denmisɛnman, ale ye kuma ta k'a fɔ ko: «Ne matigi Musa, a fɔ ko u k'o dabila!»

Jateri 13:16

Musa ye mɔgɔ minw ci ka taga jamana nin yaala, olu tɔgɔw le fɔra ka tɛmɛ. Musa ye Nun dencɛ Oseya tɔgɔ la ko Zozuwe.

Jateri 13:8

ni Nun dencɛ Oseya ka bɔ Efarayimu kɔmɔgɔw fɛ,

Jateri 27:18

Masaba y'a fɔ Musa ye ko: «Nun dencɛ Zozuwe wele, ne Ala Nii be min fɛ, k'i bolo la a kunna.

Kɛwalew 7:45

An bɛmaw y'a ta ka na n'a ye ka jamana nin minɛ ka siyaw gwɛn Ala barika la. Zozuwe le tun ye u ka ɲamɔgɔ ye o tuma na. Fanibugu nin tora o yɔrɔ la fɔɔ ka na se Dawuda ka tile ma.

Sariya 32:44

Musa ni Nun deen Zozuwe nana jama ɲafɛ ka na dɔnkili nin kumadenw bɛɛ fɔ u ye.

Heburuw 4:8

Ni Isirayɛlidenw tun donna lafiɲɛyɔrɔ nin na Zozuwe sababu la, Ala tun tena lafiɲɛlon wɛrɛ kuma fɔ tugu.

Yosuwe 8:18

O kɔ, Masaba y'a fɔ Zozuwe ye ko: «Taman min b'i bolo, o wili k'a sin Ayi ma, bari ne ben'a don i bolo.» Zozuwe y'a ka taman wili k'a sin dugu nin ma.

Yosuwe 8:3

O la, Zozuwe wilila ka kɛlɛdenw bɛɛ lajɛn, ka taga Ayi kama. A tun ye kɛlɛden fariman mɔgɔ waa bi saba le woloma ka olu bila ka taga sufɛ.