Bɔri 17:2 - ALA KA KUMA

² O la, u ye Musa kɛlɛ, u ko: «Jii d'an ma, an b'a min.» Musa y'u jaabi ko: «Mun na aw b'a fɛ ka ne kɛlɛ? Mun na aw be Masaba darabɔ?»

Jula NT of Côte d’Ivoire

² O wurira Musa kama, ka to ka kumajuguw fɔ a ma. O ko: «Ji di an ma, an b’a min.» Musa ka o jaabi ko: «Mun kosɔn aw bɛ kɛrɛ ɲinina ne fɛ? Mun kosɔn aw b’a fɛ ka Matigi Ala kɔrɔbɔ?»

Bɔri 17:2 Iomraidhean Croise

Zaburu 106:13

Nga u ɲinɛna joona joona a ka kɛtaw kɔ. U m'a ka kolatigɛnin laban kɔnɔ u faan fɛ.

Zaburu 106:14

K'u to kongokolon kɔnɔ, nigɛjugu y'u minɛ. U ye Ala kɔrɔbɔ yen.

Zaburu 78:18

U tora k'u sagoladumuni ɲini Ala fɛ k'a kɔrɔbɔ.

Zaburu 78:41

U tilara ka Ala darabɔ tugu, u ye Isirayɛli ka Ala dusu kasi.

Zaburu 78:56

Nga o bɛɛ n'a ta, an faaw ye Fɛɛn bɛɛ kuntigi Ala darabɔ. U murutir'a ma, u m'a ka fɔtaw bato.

Zaburu 95:8

aw kana aw dusu gwɛlɛya i ko a kɛra Meriba cogo min na, i ko min kɛra Masa, kongokolon kɔnɔ.

Zaburu 95:9

Aw faaw ye ne kɔrɔbɔ yen. U ye ne darabɔ, k'a sɔrɔ u tun ye ne ka kɛta ye.

Bɔri 15:24

Jama tora ka Musa kɔrɔfɔ ko: «An bena mun min?»

Bɔri 16:8

Musa y'a fɔ tugu ko: «Aw bena Masaba ka nɔɔrɔ ye n'a ye sogo di aw ma bii wulafɛ, aw k'o ɲimi, ka dumuni di aw ma sɔgɔma fɔɔ aw be fa, bari a ye aw ŋunuŋunukan mɛn a koo la. Anw ye jɔn ye? Aw te ŋunuŋununa anw kama dɛ, aw be ŋunuŋununa Masaba le kama.»

Bɔri 17:7

A y'o yɔrɔ wele ko Masa ani Meriba, bari Isirayɛlidenw ye sɔsɔli kɛ, ani ka Masaba kɔrɔbɔ. U ko: «Masaba b'an cɛma wa, walima a t'an cɛma?»

Bɔri 5:21

U y'a fɔ u ye ko: «Aw ye baara min kɛ, Masaba k'o filɛ ka kiti tigɛ aw kan! Aw y'an koo goya masacɛ n'a ka mɔgɔbabaw ye, a kɛra i n'a fɔ aw ye murujan le don u bolo waasa k'an faga.»

Ezayi 7:12

Akazi y'a jaabi ko: «Ne tena foyi ɲini. Ne tena Masaba kɔrɔbɔ.»

Malaki 3:15

An be se k'a fɔ sisan ko yɛrɛboɲalaw dagamunin lo. Kojugukɛlaw ka hɛrɛ be taga ɲa yɛrɛ. U be Ala darabɔ, nga u do be bɔ!› »

Jateri 14:2

Isirayɛlidenw bɛɛ ŋunuŋununa Musa ni Arɔn kama, k'a fɔ u ye ko: «Ni an tun sara Ezipiti jamana na, o tun ka fisa! Walima n'an sara kongokolon nin yɛrɛ kɔnɔ, o fana bele ka fisa!

Jateri 14:22

mɔgɔ minw ye ne ka sebagaya ni n ka kabako kɛninw ye Ezipiti, ani kongokolon kɔnɔ, olu minw ye ne darabɔ siɲɛ tan, n'u fana ma n ka kuma bato,

Jateri 21:5

U ye kumajugu fɔ Ala ni Musa ma. U ko: «Mun na aw y'a kɛ an bɔra Ezipiti jamana na janko an ka sa kongokolon kɔnɔ? Dumuni te yan! Jii te yan! Dumuni goman nin nigɛ bɔra an na!»

Matiyu 4:7

Yezu ko a ma: «A fɔra Ala ka kuma na fana ko: ‹I kana Matigi i ka Ala kɔrɔbɔ.› »

Luka 15:12

Dɔgɔman y'a fɔ a facɛ ye ko: ‹N Faa, ne bena min sɔrɔ i cɛɛn na, o di ne ma.› O tuma na, facɛman y'a ka nafolo tilan u cɛ.

Luka 4:12

Yezu y'a jaabi ko: «A fɔra Ala ka kuma na fana ko: ‹I kana Matigi i ka Ala kɔrɔbɔ.› »

Kɛwalew 15:10

Mun le do y'a to sisan aw be Ala darabɔ? Bari aw be doni lara kalandenw kuun na k'a sɔrɔ anw, n'an faaw fanga ma se min kɔrɔ k'a ta.

Kɛwalew 5:9

O la, Piyɛri y'a fɔ a ye ko: «Mun na aw bɛnna ka Matigi ka Nii darabɔ? Ayiwa, mɔgɔ minw tagara i cɛɛ suu don, u segitɔ filɛ nin ye. U bena taga n'i fana suu ye.»

Kor fɔlɔ 10:9

An kana Matigi kɔrɔbɔ, i n'a fɔ u dɔw y'a kɛ cogo min na, saaw y'u faga.

Sariya 6:16

Aw kana Masaba aw ka Ala kɔrɔbɔ i n'a fɔ aw tun y'a kɛ cogo min na k'aw to Masa.

Sariya 9:22

«Aw ye Masaba dusu dimi tugu k'aw to Tabera, ni Masa, ani Wasabaliya kaburu yɔrɔ la.

Heburuw 3:9

O yɔrɔ la, aw faaw murutira ne Ala ma ka n kɔrɔbɔ. K'a sɔrɔ ne ye koo min bɛɛ kɛ saan bi naani kɔnɔ, u y'o ye.

Sam fɔlɔ 8:6

U ka masacɛ daaliko ma diya Samuyɛli ye, o la, a ye Masaba ɲininga.