Bɔri 16:6 - ALA KA KUMA

⁶ O la, Musa ni Arɔn y'a fɔ Isirayɛlidenw bɛɛ ye ko: «Bii wulafɛ, aw ben'a lɔn ko Masaba le y'aw bɔ Ezipiti.

Jula NT of Côte d’Ivoire

⁶ Musa ni Haruna k’a fɔ Izirayɛlimɔgɔw bɛɛ ye ko: «Bi wula fɛ, aw bɛna a lɔn ko Matigi Ala le ka aw labɔ Misiran jamana ra.

Bɔri 16:6 Iomraidhean Croise

Zaburu 77:20

I y'i ka sira bɔ kɔgɔji cɛma, jiba kɔnɔ kɛra i ka tɛmɛyɔrɔ ye, e tɛmɛnɔ ma ye tugu.

Zaburu 81:11

Ne Masaba aw ka Ala le y'aw bɔ Ezipiti jamana na. Aw k'aw daa yɛlɛ kosɔbɛ, ne ben'a fa.»

Bɔri 12:51

O loon yɛrɛ la, Masaba ye Isirayɛlidenw bɔ Ezipiti jɛnkulu jɛnkulu.

Bɔri 16:3

Isirayɛlidenw y'a fɔ u ye ko: «N'an tun sara Masaba bolo Ezipiti yen, o tun ka fisa! O yɔrɔ la, an tun be sogo ɲimi, ka dumuni kɛ ka fa. Aw do nana n'an ye yan kongokolon nin kɔnɔ janko jama nin bɛɛ ka sa yan kɔngɔ bolo.»

Bɔri 16:8

Musa y'a fɔ tugu ko: «Aw bena Masaba ka nɔɔrɔ ye n'a ye sogo di aw ma bii wulafɛ, aw k'o ɲimi, ka dumuni di aw ma sɔgɔma fɔɔ aw be fa, bari a ye aw ŋunuŋunukan mɛn a koo la. Anw ye jɔn ye? Aw te ŋunuŋununa anw kama dɛ, aw be ŋunuŋununa Masaba le kama.»

Bɔri 32:1

Jama y'a ye ko Musa mɛnna, n'a te jigira ka bɔ kulu kan minkɛ, u tagara lajɛn Arɔn kɔrɔ k'a fɔ a ye ko: «Wili ka batofɛn dɔw dilan an ye, minw bena sira yira an na an ka taama na. Bari, Musa tɔgɔla min y'a kɛ an bɔra Ezipiti jamana na, an te ɲaa yera a ka koo la.»

Bɔri 32:11

Musa ye Masaba, a ka Ala daali kosɔbɛ ko a ka sabali. A ko: «Masaba, e y'i ka jama min bɔ Ezipiti n'i yɛrɛ ka sebagaya n'i ka fanga ye, mun na i be dimi u kɔrɔ ten?

Bɔri 32:7

O la, Masaba y'a fɔ Musa ye ko: «Jigi ka taga, bari i bɔra n'i ka jama min ye Ezipiti, u ye kojuguba dɔ kɛ.

Bɔri 6:6

O la, i k'a fɔ Isirayɛlidenw ye ko ne le ye Masaba ye. Ne bena aw bɔ Ezipitikaw ka fanga kɔrɔ, ne bena aw bɔsi ka bɔ u ka jɔnya la. Ne bena u ɲaa gwan kosɔbɛ k'aw kisi ni sebagaya ye.

Bɔri 6:7

Ne bena aw kɛ ne ka mɔgɔw ye, ne bena kɛ aw ka Ala ye. Aw ben'a lɔn ko ne ye Masaba ye, aw ka Ala, ko ne le ye aw bɔ Ezipitikaw ka fanga kɔrɔ.

Jateri 16:28

Musa ko: «Aw ben'a lɔn nin le fɛ ko Masaba ye ne ci ka koo nunu bɛɛ kɛ, ne ma n yɛrɛ sago kɛ.

Jateri 16:30

Nga ni Masaba ye koo dɔ kɛ min ɲɔgɔn ma deli ka kɛ, ni dugukolo pɛrɛnna u n'u bololafɛnw bɛɛ ka jigi a kɔnɔ, u ɲanaman ka taga lahara, o tuma na, aw ben'a lɔn ko mɔgɔ nunu ye Masaba mafiɲɛya.»