Bɔri 16:4 - ALA KA KUMA

⁴ Masaba y'a fɔ Musa ye ko: «Ne bena dumuni jigi aw ye ka bɔ sankolo la i n'a fɔ sanji. Jama bena to k'a bɔ loon o loon, ka dɔ cɛ min be bɛn u ka loon kelen dumuni ma. Ne bena u kɔrɔbɔ ten k'a filɛ ni u bena ne ka kuma bato, walima n'u ten'a bato.

Jula NT of Côte d’Ivoire

⁴ Matigi Ala ko Musa ma o le ra ko: «Ne bɛna domuni lajigi aw ye ka bɔ san fɛ, i n’a fɔ sanji. Lon o lon, bɛɛ bɛna taga a ta tere domuni cɛ a ra. Ne bɛna aw kɔrɔbɔ k’a flɛ, k’a lɔn yala ni aw bɛna tagama ka kaɲa ni ne ta sariya ye, walama ni aw tɛna tagama ka kaɲa ni a ye.

Bɔri 16:4 Iomraidhean Croise

Nehemi 11:23

Dɔnkililabaga nunu tun ka kan ka baara min kɛ loon o loon, masacɛ tun y'o latigɛ.

Nehemi 9:15

Kɔngɔ tun b'u la tuma min na, i y'a kɛ dumuni bɔra sanfɛ ka jigi u ye. Minnɔgɔ tun y'u minɛ fana, i ye jii kɛ a bɔra farakuru la u y'a min. I fana y'a fɔ u ye k'u ka don ka sigi jamana nin kɔnɔ k'a tigiya kɛ, i tun ye min layidu ta u ye ka sinsin a kan.

Nehemi 9:20

E y'i ka Nii ɲanaman d'u ma janko u ka lɔnniya sɔrɔ. E y'i ka maanɛ d'u ma a ka kɛ u ka dumuni ye, i ye jii d'u ma fana minnɔgɔ tuma na.

Zaburu 105:40

U y'a daali tuma min na, a ye tukɔnɔwɔlɔnw d'u ma, ka dumuni jigi u ye ka bɔ sanfɛ. U y'o dumu ka fa.

Zaburu 78:23

K'a sɔrɔ ale lo b'a kɛ sankaba be labɛn, ka kɛ saan be na.

Bɔri 15:25

Musa kasira Masaba nɔɔ fɛ. Masaba ye yiri dɔ yira a la. A y'o dɔ tigɛ k'o fili jii la, jii diyara. Masaba y'a ka kolatigɛninw ni sariya dɔw sigi a ka jama ye o yɔrɔ le la. A y'u kɔrɔbɔ o yɔrɔ la fana.

Bɔri 16:15

Isirayɛlidenw y'o ye tuma min na, u tora ka ɲɔgɔn ɲininga ko: «Nin ye mun ye?» Bari u tun m'a lɔn fɛɛn min lo. Musa y'a fɔ u ye ko: «Masaba be fɛɛn min d'aw ma ka kɛ aw ka dumuni ye, o lo.»

Zanaw 30:8

Ne kisi namarakuma ni galon ma, ne kisi fantanya ni nafolotigiya ma, n ka balo dama di n ma.

Matiyu 6:11

An ka bii makoya dumuni d'an ma.

Luka 11:3

An ka makoya dumuni d'an ma loon o loon.

Kor fɔlɔ 10:3

U bɛɛ fana ye dumuni kelen sɔrɔ ka bɔ Ala fɛ k'o dumu.

Sariya 8:16

A ye maanɛ di aw ma o kongokolon nin kɔnɔ, aw bɛmaw tun te dumuni min lɔn, ko aw k'o dumu janko k'aw majigi ani k'aw kɔrɔbɔ, waasa ka se ka koɲuman kɛ aw ye sini.

Sariya 8:2

Aw k'aw hakili to taamajan nin na, Masaba aw ka Ala y'a kɛ aw ye min kɛ saan bi naani, kongokolon kɔnɔ. A y'o kɛ janko k'aw majigi k'a filɛ min b'aw kɔnɔ na, ni aw tun bena sɔn k'a ka kuma bato, walima n'aw tun tena sɔn.

Yosuwe 24:15

Ni aw y'a ye ko ka Masaba bato, o man di aw ye, aw b'a fɛ ka min bato, aw k'ale woloma bii. Aw faaw tun be joo minw sɔn baji kɔfɛ, u be yen. Aw siginin be amoriw minw ka jamana na, olu taw fana be yen. Ne ni n ka somɔgɔw, anw kɔni bena Masaba le bato.»