Bɔri 15:9 - ALA KA KUMA

⁹ An juguw tun y'a fɔ ko u bena tugu an kɔ, k'u bena an sɔrɔ. K'an bololafɛnw bɔsi k'o tilantilan, k'u mɔnɛ bɔ, ka wasa. K'u bena u ka murujan bɔ k'an halaki.

Jula NT of Côte d’Ivoire

⁹ «An juguw tun bɛ o yɛrɛ wasora k’a fɔ ko: ‹An bɛna o gbɛn fɔ ka o mina le; an bɛna o borofɛnw bɛɛ cɛ k’a taran an ni ɲɔgɔn cɛ. An bɛna an yɛrɛ dimibɔ o ra fɔ ka wasa, an bɛna an ta kɛrɛkɛmuru bɔ ka o bɛɛ halaki.›

Bɔri 15:9 Iomraidhean Croise

Damina 49:27

Bɛnzamɛn ye warajugu ye. Sɔgɔma, a b'a ka sogo dumu. Wulafɛ, a ye fɛɛn min sɔrɔ, a b'o tilantilan.»

Sam 2nan 22:38

Ne be n juguw gwɛn, fɔɔ k'u halaki. Ne b'u halaki pewu ka sɔrɔ ka kɔsegi.

Mas fɔlɔ 19:2

O la, Zezabɛli ye cii bila ka ta'a fɔ Eli ye ko: «I ye fɛɛn min kɛ kira nunu na, ni ne m'o ɲɔgɔn kɛ i la yanni sini yan tuma si, joow kana n to fewu!»

Mas fɔlɔ 20:10

Bɛnadadi ye cira wɛrɛ bila ka taga Akabu fɛ ko: «Ni Samari buguri ye ne kɔfɛmɔgɔw bolow fa yɛrɛ, joow kana n to fewu.»

Bɔri 14:5

Tuma min na a fɔra Ezipiti masacɛ ye ko Isirayɛli jama bolila ka taga, a n'a ka mɔgɔbabaw ka miiriya yɛlɛmana jama koo la. U ko: «Mun y'a to an ye nin kɛ, ka sira di Isirayɛlidenw ma ka taga? U tena baara kɛ an ye tugu!»

Zanaw 16:19

Ka to dɛsɛ la ni dɛsɛbagatɔw ye, o ka fisa ka jɛn ni yɛrɛboɲalaw ye benkannifɛn kan.

Ezayi 36:20

Ko jamana nunu ka batofɛnw bɛɛ cɛma, jumɛn le sera k'a ka jamana kisi ka bɔ ale bolo? Ni Masaba bena se ka Zeruzalɛmu kisi ka bɔ ale bolo?»

Ezayi 53:12

O le y'a to, ne bena niyɔrɔ d'a ma mɔgɔbabaw cɛma. A bena niyɔrɔ sɔrɔ ni setigiw ye. Bari, ale yɛrɛ le y'a yɛrɛ di saya ma, u y'a jati kojugukɛlaw dɔ ye. Jama ka kojugu le tun b'a kunna, a tun be yafa ɲinina kojugukɛlaw le ye.

Yeremi 46:17

U ye Ezipiti masacɛ tɔgɔ la ko: ‹Mankan ye, min y'a to waatiɲuman tɛmɛna.› »

Habakuki 3:14

E y'u ka biɲɛw kɛ k'u kuntigiw kuun sɔgɔsɔgɔ. K'a sɔrɔ u tun be girinna an kan i ko sanfɔɲɔba ni nisɔndiya ye, k'u b'an yɛrɛkɛ k'an halaki dogo la i ko u sera an kɔrɔ ka ban yɛrɛ!

Luka 11:22

Nga ni cɛɛ wɛrɛ cunna ale kan min fanga ka bon n'a ta ye, o b'a ka maramafɛn bɔsi a la, a jigi lanin tun be min kan. O la, a b'a ka soo kɔnɔ fɛɛnw bɛɛ cɛ k'u di mɔgɔ wɛrɛw ma.

Kititigɛbagaw 5:30

‹N'a sɔrɔ u b'u juguw bololafɛnw le cɛra, u b'o tilanna le cɔ! Sunguru kelen, walima fila ka di cɛfari kelen kelen bɛɛ ma. Fani ɲɛgɛɲɛgɛnin ka di Sizera ma. Fani kelen, fani fila kaan sɔgɔnin ka d'a ma.›

Sam fɔlɔ 30:8

Dawuda ye Masaba ɲininga ko ni ale tugura jɛnkulu nin kɔ, ko a bena u sɔrɔ wa. Masaba y'a jaabi ko a ka tugu a kɔ, ko a bena u sɔrɔ ani k'a ka mɔgɔw bɔsi.