Bɔri 15:7 - ALA KA KUMA

⁷ Mɔgɔ minw wilila i kama, i ye olu bɛɛ ta k'u ben i ka sebagaya barika la. I ka dimi min be kɛ i ko tasuma, ale y'u jɛni i ko biin.

Jula NT of Côte d’Ivoire

⁷ «I ta masaya bonya kosɔn, i bɛ i juguw bɛɛ firi dugu ma ni i dimina, i ta dimi bɛ jigi i ko tasuma, ka o bɛɛ jɛnijɛni i ko binjalan.

Bɔri 15:7 Iomraidhean Croise

Ayuba 9:4

Lɔnniya ni sebagaya ye Ala ta ye. Jɔn le be se ka lɔ a ɲa ka tila ka kisi?

Zaburu 148:13

Aw ka Masaba tanu, bari ale kelen tɔgɔ le ka bon. A ka sebagaya be sankolo la ni dugukolo kan.

Zaburu 59:13

N'u ko u be kuma dɔɔni dɔrɔn, u be don ele gasi la. U ka yɛrɛboɲa ka kɛ sababujugu ye u ma. Bari, galontigɛ ni danga le ye u ka baara ye.

Zaburu 68:33

Dugukolo kan masaw, aw ka dɔnkili la ka Ala boɲa. Aw ka Matigi tanu.

Zaburu 83:13

Olu minw tun b'a fɔra ko: «An ka Ala ka sigiyɔrɔ minɛ.»

Bɔri 14:27

Musa y'a bolo wili kɔgɔji sanfɛ. Dugu be gwɛra tuma min na, kɔgɔji daminɛna ka segi a nɔɔ na. Ezipitikaw k'u be boli ka bɔ tuma min na, jii karila. Masaba y'a kɛ u tununa jii la.

Bɔri 5:12

O la, jama jɛnsɛnna Ezipiti jamana faan bɛɛ la ka taga biin cɛ.

Bɔri 9:16

Nga ne y'a to yen waasa ka n ka sebagaya yira a la, ani ne tɔgɔ ka fɔ diɲɛ faan bɛɛ la.

Ezayi 37:17

Masaba, i tulo malɔ ka mɛnni kɛ. I ɲaa yɛlɛ ka filɛli kɛ. Senakeribu ye mɔgɔ ci ka na e Ala nɛni. I k'o bɛɛ mɛn.

Ezayi 37:23

I ye jɔn le nɛni k'a tɔgɔ cɛn? I y'i kaan kɔrɔta jɔn kama? I y'i ɲaa don jɔn la yɛrɛboɲa fɛ? I y'o kɛ ne le la, Isirayɛli ka Ala.

Ezayi 37:29

I dimina ne kɔrɔ minkɛ, i ka yɛrɛboɲakuma fana sera ne tulo la minkɛ, ne bena i nuun sɔgɔ ka nigɛ don a la ka karafe don i daa la. I nana ni sira min ye, ne ben'a kɛ i be kɔsegi n'o ye.›

Ezayi 37:36

O kɔ, Masaba ka mɛlɛkɛ tagara mɔgɔ waa kɛmɛ ni waa bi seegi ni duuru (185 000) faga Asiri kɛlɛdenw ka sigiyɔrɔ la. O dugusagwɛ sɔgɔmadafɛ, mɔgɔw wilila tuma min na, u ma foyi ye suuw kɔ.

Ezayi 37:38

Loon dɔ, k'a to a ka joo Nisirɔki sɔnni na joso kɔnɔ, a dencɛ Adaramelɛki ni Sarɛsɛri y'a faga ni murujan ye, ka sɔrɔ ka boli ka taga Arara jamana la. A dencɛ Azaradɔn sigir'a nɔɔ na masaya la.

Ezayi 47:14

U bena kɛ i ko kalamurumuru, tasuma bena u jɛni. U tena se k'u yɛrɛ bɔsi tasuma bolo. A tena kɛ tobilikɛ tasuma ye dɛ! A tena kɛ farija ta ye dɛ!

Ezayi 5:16

Masaba, Setigi bena boɲa sɔrɔ a ka kiti loon na. Ala b'a ka ɲumanya yira a ka tilenninya fɛ.

Ezayi 5:24

Tasuma be biin jɛni cogo min na, binmurumuru be jɛni ka tunu cogo min na, o cogo kelen na, u bena tunu. U liliw bena toli, U feerenw bena taga fɔɲɔ fɛ i ko buguri. Bari u banna Masaba, Setigi ka sariya la, u ma Isirayɛli ka Ala ka kuma jati.

Yeremi 10:6

Masaba, e ɲɔgɔn te yen, i ka bon, i tɔgɔ ka bon, barika b'a la.

Mise 4:11

Sisan, siya caaman y'u daa kɛ kelen ye aw kama. U b'a fɔra ko: «Fɔɔ Siyɔnkaw ka cɛn pewu! A ciko k'an waasa.»

Jakariya 14:3

O tuma na, Masaba bena kɛlɛ daminɛ ni siya nunu ye. A bena u kɛlɛ i n'a fɔ a be deli k'a kɛ kɛlɛ tuma na cogo min na.

Jakariya 14:8

O loon na, jiɲuman dɔ bena bɔ Zeruzalɛmu n'a be woyo, tilan kelen bena to ka woyo ka taga kɔrɔn fɛ kɔgɔji kɔnɔ, kelen ka taga tileben fɛ kɔgɔji kɔnɔ, samiɲa tuma na ni tilemana tuma.

Jakariya 2:8

A y'a fɔ a ye ko: «Boli ka ta'a fɔ kanbelen nin ye ko: ‹Kogo man kan ka Zeruzalɛmu lamini, bari a bena kɛ jamaba, ni begɛn caaman ka yɔrɔ ye.

Matiyu 3:12

A ka sumanfiyɛminan b'a bolo. A ben'a ka *bile gosinin fiyɛ k'a kisɛ don a ka bondo kɔnɔ k'a ɲaga jɛni tasuma fagabali la.»

Kɛwalew 9:4

A bɔra ka ben. Kumakan dɔ bɔra ko: «Sayuli, Sayuli, mun na i be ne tɔɔrɔla ten?»

Sariya 33:26

Yesurun, i ka Ala ɲɔgɔn te yen! A be bɔ sankolo la ka na i dɛmɛ, a be na sankabaw kan i ko sotigi, a be na a ka nɔɔrɔ kɔnɔ.

Sariya 4:24

Bari Masaba aw ka Ala ka fari i n'a fɔ tasuma, min be cɛnni kɛ, keliya b'a la fana.

Heburuw 12:29

Bari, an ka Ala ye tasuma ye min be cɛnikɛ.