Bɔri 15:6 - ALA KA KUMA

⁶ Masaba, i kinibolo y'i ka sebagaya yira. Masaba, i kinibolo y'an jugu nɔɔni.

Jula NT of Côte d’Ivoire

⁶ E! Matigi Ala, i boro barakaman ka i ta setigiya yira. O boro barakaman kelen le ka i juguw ɲɔɲɔ.

Bɔri 15:6 Iomraidhean Croise

Zaburu 17:7

I ka ɲumanya yira ka ne kisi. Ka ne to i kɔrɔ, ne juguw te se ka foyi kɛ ne la.

Zaburu 2:9

I bena nigɛbere kɛ k'u halaki. Dagadilanbaga ka daga be ci ka mugumugu cogo min na, i bena u kɛ ten.»

Zaburu 24:8

Jɔn le y'o Nɔɔrɔtigi Masa nin ye? Masaba fangatigi kɛlɛmasa lo! Masaba ye kɛlɛmasa le ye!

Zaburu 44:3

E ye siya wɛrɛw gwɛn, ka sigiyɔrɔ di an faaw ma! E ye siya wɛrɛw halaki, u ka sɔrɔ ka sigi ka yɛrɛkɛ.

Zaburu 44:4

An faaw ye jamana nin minɛ, nga o ma kɛ u ka murujan sababu ye, o fana ma se sɔrɔ u ka fanga sababu la. E yɛrɛ ka sebagaya n'i ka fangatigiya nɔɔ lo, bari e tun be n'u ye, e ka kanuya kama.

Zaburu 60:5

I y'a kɛ waatigwɛlɛn ser'an ma. I y'an wajibiya ka duvɛn fariman min.

Zaburu 74:11

Mun na i te wili ka dɔ kɛ? E y'i bolo to i yɛrɛ kan ten.

Zaburu 77:10

Ala ɲinɛn'a ka hinɛ kɔ le wa? Dimi kosɔn, a te sɔn ka makari an na tugu wa?»

Zaburu 89:14

Barika b'i bolo la haali, fanga b'i tigɛ la dɛ. E bolo kɔrɔtanin lo sanfɛ.

Zaburu 98:1

Dɔnkili. Aw ka dɔnkilikura la Masaba ye, bari a ye kabakow kɛ. A ye kisili kɛ a ka sebagaya barika la.

Bɔri 15:11

Masaba, i ɲɔgɔn be batofɛnw cɛma wa? Fɛɛn jumɛn ka senu i ko ele? Fɛɛn jumɛn ka fari i ko ele? I be se kobakɛ la.

Bɔri 15:12

E y'i kinibolo wili, dugukolo y'an juguw kunun.

Bɔri 15:16

U jaa tigɛra, siranya y'u minɛ. Ee Masaba! I bolo barikaman kosɔn, u kirinna ka to yɔrɔ kelen i ko kabakuru fɔɔ i ka jama ka tɛmɛ ka ban, i ye o minw kɛ i ta ye.

Bɔri 18:8

Masaba ye min kɛ Ezipiti masacɛ ni Ezipitikaw la ka Isirayɛlidenw dɛmɛ, Isirayɛlidenw ye gwɛlɛya minw bɛɛ sɔrɔ sira la, ani Masaba y'u kisi cogo min na, Musa y'o bɛɛ lakali a birancɛ ye.

Bɔri 3:20

O la, n bolo bena se Ezipitikaw ma ka kabako sifa bɛɛ kɛ u cɛma k'u tɔɔrɔ. O kɔ, a ben'a to aw be taga.

Bɔri 6:1

Masaba y'a fɔ Musa ye ko: «Ne bena min kɛ Ezipiti masacɛ la, i bena o ye sisan. Ne bolo barikaman sababu la, a bena sɔn Isirayɛlidenw ka taga. Ne bolo barikaman sababu la, a yɛrɛ bena u gwɛn ka bɔ a ka jamana kɔnɔ.»

Ezayi 30:14

A bena mugumugu i ko u ye bɔgɔdaga min ci, fura t'a la. Hali tɛgɛnɛkolon tena sɔrɔ a la min be se ka tasuma bɔ gwada la, walima ka jii soli dalan kɔnɔ.»

Ezayi 51:9

Wili! Masaba, wili joona! Wili k'i ka sebagaya yira. Wili i ko fɔlɔfɔlɔ, wili i ko waatijan tɛmɛnin na. Elo lo ma kɔgɔji kɔnɔ fɛnjugu tigɛtigɛ wa? Sogojugu min be kɔgɔji kɔnɔ, elo lo m'o sɔgɔ wa?

Ezayi 52:10

Masaba y'a bolo barikaman yira siyaw bɛɛ ɲana. Masaba bena an kisi cogo min na, diɲɛ danyɔrɔ mɔgɔw bɛɛ bena o ye.

Ezayi 63:12

Ale lo tun be Musa kinibolo fɛ n'a b'a ka sebagaya yirala. Ale lo ye baji cɛtigɛ fila u ɲa ka tɔgɔba sɔrɔ min koo fɔli tena ban.

Yeremi 13:14

k'u nɔɔninɔɔni ɲɔgɔn kan, faaw ni deenw ɲɔgɔn fɛ. Ne Masaba le ko ten. Ne tena makari u la fewu, ne bena u halaki le.»

Matiyu 6:13

Kan'a to kɔrɔbɔli ka se an ma, nga an tanga kojugu ma. Bari masaya ni sebagaya ani nɔɔrɔ y'i ta ye waati bɛɛ. Amiina.›

Yirari 2:27

A bena u mara ni nigɛbere ye k'u ci, i n'a fɔ mɔgɔ be daga ci cogo min na.

Sam fɔlɔ 2:10

Minw ye Masaba juguw ye, olu bena halaki, k'a to sankolo la, a b'a to saan be pɛrɛn u kama. A bena diɲɛ bɛɛ kiti. A ye mɔgɔ min sigi masaya la, a be fanga di ale ma, a ye masacɛ min woloma, a be barika don ale la.»