Bɔri 15:2 - ALA KA KUMA

² Masaba le be barika don ne la, ne b'a boɲa ni dɔnkili ye. A ye ne kisi. Ne ka Ala lo, ne ben'a tanu, ne faa ka Ala lo, ne ben'a boɲa.

Jula NT of Côte d’Ivoire

² «Matigi Ala le ye ne ta baraka ye, ani ne ta dɔnkirila sababu. Ale le ye ne kisibaga ye; ne ta Ala lo, ne bɛ a tando. Ne facɛ ta Ala lo fana, ne bɛ a tɔgɔ bonya.

Bɔri 15:2 Iomraidhean Croise

Damina 17:7

Ne bena bɛn n'i ye, an'i kɔmɔgɔw. O bɛɛn tena cɛn abada, ne be kɛ i ka Ala ye, n'i kɔmɔgɔw ta.

Damina 49:18

Masaba, ne be i ka kisili makɔnɔ.

Sam 2nan 22:3

Ne ka Ala le ye ne tangakabakuru ye, ne be dogo a kɔrɔ. Ne tangabaga lo, Setigi min be ne kisi. Ne dogoyɔrɔ barikaman lo ne bolituma na. I be ne kisi mɔgɔfariw ma.

Sam 2nan 22:47

Masaba, e tɔgɔ ka tanu! Boɲa ka la ne tangakabakuru kan! Ne kisibaga barikaman Ala ka tanu!

Sam 2nan 22:51

Masaba le be see d'a ka masacɛ ma kosɔbɛ. A be koɲuman kɛ a ka mɔgɔ wolomanin Dawuda n'a kɔmɔgɔw ye tuma bɛɛ.»

Sam 2nan 7:24

I ye i ka jama Isirayɛli kɛ i ta ye tuma bɛɛ, ele Masaba kɛra u ka Ala ye.

Sam 2nan 7:5

«Ta'a fɔ ne ka baarakɛla Dawuda ye ko ne ko ale lo bena soo lɔ ne ye, janko ne ka sigi a kɔnɔ wa.

Mas fɔlɔ 8:13

Ne ye soo ɲanaman le lɔ i ye. I bena to yen tuma bɛɛ.»

Mas fɔlɔ 8:27

«Ala, i bena sɔn ka to dugukolo kan sɔbɛ la wa? I te kun sankolo kɔnɔ, sankofɛrɛ ne ka soo lɔnin nin kɔnɔ!

Lok fɔlɔ 16:14

Ale lo ye Masaba an ka Ala ye, ale lo be dugukolo bɛɛ mara.

Zaburu 109:1

Dɔnkililabagaw kuntigi ka dɔnkili. Dawuda ka dɔnkili dɔ. Ala, ne be ele min tanura, kana je ten.

Zaburu 118:14

Masaba le be fanga di ne ma, a ye ne kisi.

Zaburu 118:21

Ne bena e tanu, bari e ye ne jaabi, bari e kɛra ne Kisibaga ye.

Zaburu 118:28

E ye ne ka Ala ye, ne bena e bato. Ne ka Ala, ne b'i tanu.

Zaburu 132:5

fɔɔ ne ka yɔrɔ sɔrɔ Masaba ye, fɔɔ ne ka sigiyɔrɔ sɔrɔ Yakuba ka Setigi ye.»

Zaburu 140:7

Ne kɔni b'a fɔ Masaba ye ko: «E ye ne ka Ala ye.» Masaba, i tulo malo ne ka daalili la.

Zaburu 145:1

Dawuda ka barikala dɔnkili dɔ. Ne bena ele tanu, ne ka Masacɛ ni n ka Ala. Ne bena barika la i ye tuma bɛɛ.

Zaburu 18:46

u jigi tigɛra, u yɛrɛyɛrɛtɔ be bɔra u ka dogoyɔrɔ barikamanw na.

Zaburu 22:10

Masaba, ele le y'a kɛ ne bɔra n baa kɔnɔ, i y'i janto ne la n baa bolo.

Zaburu 22:3

Ne ka Ala, ne kasira i kɔ tilefɛ, e ma ne jaabi. Sufɛ fana, ne ma lafiɲɛ.

Zaburu 27:1

Dawuda ka dɔnkili dɔ. Masaba le be yeelen bɔ ne ye ani ka n kisi, ne bena siran jɔn le ɲa? Masaba le ye ne tangabaga ye, ne jaa bena tigɛ jɔn le ɲa?

Zaburu 28:8

Ale lo be fanga di a ka jama ma. A ka mɔgɔwolomanin dogoyɔrɔ n'a kisiyɔrɔ lo.

Zaburu 30:1

Dɔnkili min be la Alabatoso kalifalon na. Dawuda ka dɔnkili dɔ.

Zaburu 34:3

Ne ben'a tanu a ka kɛtaw kosɔn. Mɔgɔmajiginiw, aw ka mɛnni kɛ ne fɛ ka nisɔndiya.

Zaburu 48:14

Aw k'a laminikogo filɛ ka ɲa, k'a soo barikamaw kɔlɔsi kosɔbɛ, janko aw ka se k'o lakali waati nata mɔgɔw ye.

Zaburu 59:17

Ne kɔni bena e ka sebagaya dɔnkili la. Ne bena e ka ɲumanya fɔ sɔgɔmadafɛ. Bari ele le ye ne ka yɔrɔ barikaman ye. E ye ne dogoyɔrɔ ye sɛgɛn loon na.

Zaburu 68:20

Barika ka la Matigi ye loon o loon. A be lɔ n'an ka koo ye, an Kisibaga Ala lo.

Zaburu 99:5

Aw ka Masaba an ka Ala tanu, aw k'aw kunbiri gwan a seen kɔrɔ. Tiɲɛ na, Masaba, e ka senu.

Zaburu 99:9

Aw ka Masaba an ka Ala tanu, aw k'aw kunbiri gwan a ka kulu senuman kan. Tiɲɛ na, Masaba an ka Ala ka senu.

Bɔri 14:13

Musa y'a fɔ jama ye ko: «Aw kana siran. Aw y'aw jaa gwɛlɛya. Masaba bena aw kisi cogo min na, aw bena o ye. Aw ɲaa be Ezipitika minw na bii, aw tena u ye tugu abada.

Bɔri 3:6

Ne y'i bɛma ka Ala ye, Ibrayima, ni Isiyaka, ani Yakuba ka Ala.» Musa y'a ɲada biri bari a tun be siran ka Ala filɛ.

Bɔri 4:22

I k'a fɔ masacɛ ye ko ne, Masaba ko Isirayɛli le ye ne ka dencɛ fɔlɔ ye.

Bɔri 40:34

O kɔ, sankaba jigira Ɲɔgɔnkunbɛn fanibugu kunna, Masaba nɔɔrɔ y'a fa.

Bɔri 6:7

Ne bena aw kɛ ne ka mɔgɔw ye, ne bena kɛ aw ka Ala ye. Aw ben'a lɔn ko ne ye Masaba ye, aw ka Ala, ko ne le ye aw bɔ Ezipitikaw ka fanga kɔrɔ.

Ezayi 12:2

Ala ye ne kisibaga ye. Ne jigi b'ale lo kan, n te siran tugu. Bari, Masaba le be ne barika boɲa kosɔbɛ. Ale ye ne kisi.»

Ezayi 25:1

Masaba, i ye ne ka Ala ye. Ne bena i tɔgɔ boɲa, k'i tɔgɔ wango la. Bari, i ye kobabaw kɛ kantigiya la, i tun ye minw labɛn kabini tumajan.

Ezayi 45:17

Masaba bena Isirayɛlidenw kisi, a bena u kisi pepewu bii ni sini. U tena maloya fewu, u kuun tena surun tugu abada.

Ezayi 49:6

A ko: «Ele ka kɛ n ka baarakɛla ye, ka Isirayɛlidenw ta ɲa tugu, ka kɔsegi ka na n'u tɔɔ ye, o te labɔri kɛ. Ne b'i kɛ siya wɛrɛw ka yeelen ye fana, janko ne ka kisili ka se fɔɔ diɲɛ daan na.»

Ezayi 66:1

Masaba ko: «Sankolo ye n ka masasigilan ye, dugukolo ye n seen bilayɔrɔ ye. Aw do bena se ka boon jumɛn lɔ ne ye? Yɔrɔ jumɛn bena kɛ ne ka lafiɲɛyɔrɔ ye?

Yeremi 3:23

Tiɲɛ na, kuluw kan fɛɛnw n'a mankanw bɛɛ ye fuu ye. Sɔbɛ la, Isirayɛli ka kisili be bɔ Masaba an ka Ala le fɛ.

Yeremi 31:33

O loonw tɛmɛnin kɔ, ne bena bɛɛn min kɛ ni Isirayɛlidenw ye, o filɛ. Ne bena n ka sariya don u kɔnɔ, ne ben'a sɛbɛ u dusu la. Ne bena kɛ u ka Ala ye, u bena kɛ ne ka mɔgɔw ye. Ne Masaba le ko ten.

Yeremi 32:38

U bena kɛ ne ka mɔgɔw ye, ne bena kɛ u ka Ala ye.

Habakuki 3:13

I bɔra e ka mɔgɔw kisili kama, e ka mɔgɔwolomanin kisili kama. I ye mɔgɔjugu ka soo ci, i y'a juu bɛɛ walaka!

Jakariya 13:9

O tilan kelen nin, n bena o don tasuma kɔnɔ. U be warigwɛ yelen k'a nɔgɔ bɔ cogo min na, ne bena u kɛ ten. Sanu be sɛgɛsɛgɛ cogo min na, ne bena u ka koo sɛgɛsɛgɛ ten. U bena ne wele, ne bena u jaabi. Ne bena u wele ko: ‹Ne ka mɔgɔw.› Olu ben'a fɔ ko: ‹Masaba le ye an ka Ala ye.› »

Luka 1:77

I bena kisili sira yira a ka mɔgɔw la u ka hakɛw yafali seen fɛ,

Luka 2:30

bari i ye kisili sababu min ci, ne ɲaa lara o kan,

Yuhana 4:22

Aw be min batora, aw t'o lɔn. Nga anw b'an ka batofɛn lɔn, bari Kisibaga bena bɔ an zuwifuw le cɛma.

Yuhana 5:23

waasa bɛɛ k'a Deen boɲa i n'a fɔ u be Faa boɲa cogo min na. Ni mɔgɔ min m'a Deen boɲa, o tigi ma Faa fana boɲa, min y'a cibaga ye.

Kɛwalew 4:12

Kisili te se ka sɔrɔ yɔrɔ si n'ale fɛ tɛ. Bari Ala ma mɔgɔ wɛrɛ ci diɲɛ na, adamaden be se ka kisi min tɔgɔ barika la.»

Kor 2nan 5:19

bari a ma mɔgɔw ka hakɛ jati, a tun be cogoya ɲini ka bɛn n'u ye Krista barika la. A y'o kuma fɔko baara d'an ma.

Ɛfɛsikaw 2:22

Ale sababu la, aw fana ni tɔw sera ka lɔ ka kɛ Ala ka boon ye Nii Senuman barika la.

Sariya 10:21

Ale lo ye aw ka boɲa sababu ye, ale kelen le y'aw ka Ala ye, min ye kabakobabaw ni siranyakow kɛ aw ye, aw yɛrɛ y'u ye.

Filipikaw 2:11

ani bɛɛ k'a fɔ ko Yezu Krista ye Matigi ye, ka boɲa la an Faa Ala tɔgɔ kan.

Filipikaw 4:13

Krista min be see di ne ma, ale barika la ne be se ka o koow bɛɛ kɛ.

Kɔlɔsikaw 2:9

Bari alaya dafanin le be ale farisogo la.

Yirari 15:3

n'u be Ala ka baaraden Musa ni Sagaden ka dɔnkili la ko: «Matigi Ala, Setigi! E ka kokɛtaw ɲɔgɔn tɛ! I ka koo latigɛninw tilennin lo, u bɛɛ ye tiɲɛ ye, siyaw ka masa!

Yirari 19:1

O kɔ, ne ye jamaba dɔ kumakan mɛn arijana na ko: «Aleluya! Sebagaya ye an ka Ala ta ye! Adamadenw kisiko y'a ka baara ye! Boɲa y'a ta ye.

Kititigɛbagaw 5:21

Kisɔn kɔɔ y'u ta, o kɔkɔrɔ nin ye Kisɔn ye. An ka taga ɲa ni jagwɛlɛya ye!