Bɔri 15:11 - ALA KA KUMA

¹¹ Masaba, i ɲɔgɔn be batofɛnw cɛma wa? Fɛɛn jumɛn ka senu i ko ele? Fɛɛn jumɛn ka fari i ko ele? I be se kobakɛ la.

Jula NT of Côte d’Ivoire

¹¹ E! Matigi Ala, batofɛn juman wɛrɛ le bɛ i ko ele? Juman le saninyanin bɛ k’a dafa i ko ele? Juman le ye siranyafɛnba ye, ani a ka kan ni tandori ye, ani a bɛ kabakow kɛ i ko ele?

Bɔri 15:11 Iomraidhean Croise

Sam 2nan 7:22

«Matigi, Masaba, i ka bon, i ɲɔgɔn te yen! Ka kɛɲɛ n'an ka mɛnta ye, Ala wɛrɛ te yen ni ele tɛ.

Mas fɔlɔ 8:23

«Masaba, Isirayɛli ka Ala, batofɛn wɛrɛ si te yen min b'i bɔ. A te sankolo la, a te dugukolo kan. I b'i ka layidu dafa, ka ɲumanya kɛ i ka baarakɛlaw ye, minw b'i sago kɛ.

Lok fɔlɔ 16:25

Bari Masaba ka bon, a ka kan ka tanu kosɔbɛ, siranyafɛn lo ka tɛmɛ batofɛnw bɛɛ kan.

Lok 2nan 2:5

Jɔn be se ka soo lɔ a ye? Bari, a te kun sankolo mumɛ bɛɛ kɔnɔ. Ne ye jɔn ye ni ne bena soo lɔ a ye? Nga o kuun ye ka se ka saraka kasadiman jɛni a ɲakɔrɔ.

Lok 2nan 6:14

k'a fɔ ko: «Masaba, Isirayɛli ka Ala! Batofɛn wɛrɛ si te yen min b'i bɔ. A te sankolo la, a te dugukolo kan. I b'i ka layidu dafa, ka makari i ka baarakɛlaw la, minw jigi b'i kan.

Zaburu 113:5

Jɔn le be se ka suma ni Masaba an ka Ala ye? Ale min siginin be fɛɛn bɛɛ sanfɛ.

Zaburu 119:120

E ɲasiranya be ne yɛrɛyɛrɛ. Ne be siran e ka kiti ɲa.

Zaburu 136:4

Ale min kelen le be kabakobabaw kɛ, a ka ɲumanya te ban abada.

Zaburu 145:17

Masaba ka koo bɛɛ tilennin lo. A ka ɲi a ka kɛwaliw bɛɛ la.

Zaburu 22:23

Ne bena i koo fɔ n balimaw ye, ne bena i tanu jama cɛma.

Zaburu 35:10

Ne ben'a fɔ n yɛrɛ kɔnɔ ko: «Masaba, jɔn be i ko ele? E be dɛsɛbagatɔ bɔsi a tɔɔrɔbaga bolo, e be sigɛnbagatɔ bɔsi a sigɛnbaga bolo.»

Zaburu 60:2

A tun ye dɔnkili nin labɛn a kɛlɛtuma ni Mezopotami mara ni Soba ye. O kɔ, Zowabu kɔsegira ka na edɔmuw ka kɛlɛdenw mɔgɔ waa tan ni fila (12 000) kɛlɛ ka se u kɔrɔ kɔgɔ be kɔkɛnɛ min na.

Zaburu 66:5

Aw ye na k'aw ɲaa la Ala ka kɛtaw kan, a be kabakow kɛ adamadenw ye.

Zaburu 77:11

Ne ko: «Fɛɛn bɛɛ kuntigi t'an dɛmɛna tugu, o le be digi ne la.»

Zaburu 77:14

Ala, i ka sira kɔni saniyanin lo. Batofɛn si te yen min ka bon k'i bɔ.

Zaburu 77:19

Saan pɛrɛnna minkɛ, sanmanamana ye diɲɛ bɛɛ labɔ. Dugukolo yɛrɛyɛrɛla kosɔbɛ.

Zaburu 86:10

Bari e ka bon, i be kabakow kɛ. E kelen le ye Ala ye.

Zaburu 86:8

Matigi, e bɔɲɔgɔnko batofɛn te yen. Foyi ka kɛwali bɔnin te i ta ma.

Zaburu 89:18

Ele le ye an ka kunkɔrɔta sababu an'an ka fanga sɔrɔyɔrɔ ye. E ka ɲumanya barika la, an ye see sɔrɔ.

Zaburu 90:11

Jɔn be se k'i ka dimi fariya danyɔrɔ lɔn? Jɔn le b'i ka fariya siranya hakɛ lɔn?

Bɔri 18:11

Ne y'a lɔn sisan ko Masaba fanga ka bon ni batofɛntɔw bɛɛ ye. Hali tuma min na u tun fariyara a ka mɔgɔw ma.»

Bɔri 20:3

«Aw kana fɛɛn wɛrɛ bato fɔɔ ne kelenpe.

Bɔri 3:20

O la, n bolo bena se Ezipitikaw ma ka kabako sifa bɛɛ kɛ u cɛma k'u tɔɔrɔ. O kɔ, a ben'a to aw be taga.

Bɔri 8:10

Mɔgɔw y'u cɛ k'u tonton. Jamana kasa goyara kosɔbɛ.

Bɔri 8:6

Masacɛ ko: «Sini.» Musa ko: «A bena kɛ ka kɛɲɛ n'i ka kuma ye janko i k'a lɔn ko Masaba an ka Ala ɲɔgɔn te yen.

Bɔri 9:14

Ko n'o tɛ, sisan kɔni, ne bena tɔɔrɔbaw la a kan, n'a ka mɔgɔbabaw, n'a ka mɔgɔw kan, waasa a k'a lɔn ko ne ɲɔgɔn te dugukolo kan.

Ezayi 30:11

Aw ka sira bila, aw ka bɔ sira kan. Aw kana Isirayɛli ka Ala ka koo fɔ an ye tugu.

Ezayi 40:18

Aw b'a fɛ ka Ala suma ni mun le ye? Aw bena jaa jumɛn le dilan k'a cogo yira?

Ezayi 40:25

Ala senuman ko: «Aw b'a fɛ ka ne suma ni jɔn le ye? Ne ni jɔn le ka kan?»

Ezayi 46:9

Koo minw kɛra ka tɛmɛ fɔlɔ la, aw k'aw hakili to o la. Ne le ye Ala ye, dɔ wɛrɛ te yen ne kɔ. Ne le ye Ala ye, n bɔɲɔgɔnko te yen.

Ezayi 57:15

Bari, min siginin be fɔɔ sanfɛ, fɛɛn bɛɛ sanfɛ, ale min be yen tuma bɛɛ, ale min tɔgɔ ko Senuman, ale lo ko: Ne sigiyɔrɔ be fɔɔ sanfɛ, yɔrɔ senuman na. O bɛɛ n'a ta, ne be ni nimisabaga ye, min majiginin be, waasa ka barika don a la k'a jaa gwɛlɛya.

Ezayi 6:3

U tun be pɛrɛn ka to k'a fɔ ɲɔgɔn ye ko: «Senuman, senuman, senuman ye Masaba ye, Setigi! A ka nɔɔrɔ ye dugukolo bɛɛ fa.»

Yeremi 10:16

Yakuba ka Ala te ten, bari ale lo ye fɛɛn bɛɛ dan. Isirayɛli ka siya kɛr'a ta ye. A tɔgɔ le ko Masaba, Setigi.

Yeremi 49:19

Ɲatugu n'a yɛlɛ cɛ, ne bena edɔmuw gwɛn ka bɔ yen i ko jara bɔtɔ Zurudɛn tuba kɔnɔ ka taga yɔrɔ dɔ, a be fɛɛnw sɔrɔ yɔrɔ min na tuma bɛɛ. O kɔ, ne ye min woloma, ne bena ale sigi o yɔrɔ kunna. Jɔn ni ne ka kan? Jɔn be se ka ne ɲininga? Ɲamɔgɔ jumɛn be se ka lɔ ne ɲa?»

Sarakalasebagaw 19:2

«A fɔ Isirayɛli jama bɛɛ ye ko: Aw ka kɛ mɔgɔ senumanw ye, bari ne Masaba aw ka Ala ka senu.

Mise 7:18

Ala, i ɲɔgɔn te batofɛnw cɛma, ele min be hakɛ yafa, ni min filila, e b'o ye k'a to yen. I ka mɔgɔw tɔɔ min tora, olu kanu kama, olu minw ye i ta ye, i diminin tena to u kɔrɔ tuma bɛɛ, nga ka makari u la, o ka d'i ye.

Luka 12:5

Aw ka kan ka siran min ɲa, ne bena o fɔ aw ye. See be min ye ka mɔgɔ nii minɛ, o kɔ, a be se k'a fili jahanama kɔnɔ, aw ka siran ale lo ɲa.

Sariya 1:30

Ko Masaba aw ka Ala min be taga aw ɲafɛ, ale bena kɛlɛ kɛ aw nɔɔ na, i n'a fɔ a y'a kɛ aw ɲana cogo min na Ezipiti,

Sariya 3:24

«Matigi, Masaba, i y'a daminɛ k'i ka boɲa n'i ka setigiya yira ne la. Batofɛn foyi te yen sankolo la ni dugukolo kan, min be se k'i ka koow, n'i ka sebagaya ɲɔgɔn kɛ.

Sariya 33:26

Yesurun, i ka Ala ɲɔgɔn te yen! A be bɔ sankolo la ka na i dɛmɛ, a be na sankabaw kan i ko sotigi, a be na a ka nɔɔrɔ kɔnɔ.

Sariya 4:34

Masaba aw ka Ala ye koo min bɛɛ kɛ aw ye Ezipiti jamana na, aw y'o ye. Batofɛn wɛrɛ be yen min y'o ɲɔgɔn kɛ wa? Ka siya dɔ ta ka bɔ ni sebagaya ye siya wɛrɛ cɛma ni taamasiɲɛw ani kabakow ye, ani ka kɛlɛ kɛ, ka siranyakow kɛ.

Yirari 13:4

U ye Sogojugu nin bato bari a ye sebagaya di Sogo dɔ nin ma. U tora ka Sogo dɔ nin bato n'u b'a fɔ ko: «Batofɛn jumɛn ni Sogo nin ka kan? Jɔn be se ka lɔ a ɲa kɛlɛ la?»

Yirari 15:4

Jɔn le tena siran i ɲa, Matigi? Jɔn le tena i tɔgɔ boɲa? I kelen le ka ɲi. Siyaw bɛɛ bena na e bato, bari e y'i ka tilenninya yira kɛnɛ kan.»

Yirari 4:8

O nimanfɛn naani nunu bɛɛ tun be ni gaman wɔɔrɔ wɔɔrɔ ye, ɲadenw tun be u fari yɔrɔ bɛɛ la. Suu ni tile, u b'a fɔ ko: «Senuman, senuman, senuman ye Matigi Ala ye, Setigi! Min tun be yen! Min be yen! Min be na!»

Sam fɔlɔ 2:2

Masaba ɲɔgɔn tɛ, dɔwɛrɛ te yen e kɔ. Dogoyɔrɔ wɛrɛ te yen ni e tɛ, an ka Ala.