Bɔri 14:4 - ALA KA KUMA

⁴ Ne ben'a dusu gwɛlɛya, a bena tugu aw kɔ. Nga ale n'a ka kɛlɛdenw bɛɛ bena kɛ sababu ye ne be boɲa sɔrɔ. Ezipitikaw ben'a lɔn ko ne ye Masaba le ye.» Fɛɛn min fɔra Isirayɛlidenw ye, u y'o le kɛ.

Jula NT of Côte d’Ivoire

⁴ Ne bɛna Farawona jusukun gbɛlɛya fɔ a bɛna wuri ka aw nɔgbɛn; nka ne bɛna ale ni a ta kɛrɛkɛjama bɛɛ halaki ka ne ta sebagaya yira. O ra Misirankaw bɛɛ bɛna a lɔn ko ne le ye Matigi Ala ye.» Matigi Ala ka min fɔ, Izirayɛlimɔgɔw ka o kɛ.

Bɔri 14:4 Iomraidhean Croise

Nehemi 9:10

I ye taamasiɲɛw ni kabakow kɛ Ezipiti masacɛ la, n'a ka dakɔrɔsigiw n'a ka jamana deenw bɛɛ la, bari u tun be kojugu minw kɛ an faaw la u ka yɛrɛboɲa kɔnɔ, e tun y'o ye. E fana tun y'a kɛ i tɔgɔ bɔra i n'a fɔ a be cogo min na bii.

Bɔri 10:2

waasa ne fariyara Ezipitikaw ma cogo min na, ka kabako minw kɛ u cɛma, i ka se k'o lakali i deenw n'i mamadenw ye. Ani aw ka se k'a lɔn ko ne lo ye Masaba ye.»

Bɔri 10:27

Nga Masaba ye masacɛ dusu gwɛlɛya tugu, a ma sɔn k'a to u be taga.

Bɔri 12:28

Masaba ye min fɔ Musa ni Arɔn ye, Isirayɛlidenw tagara o kɛ.

Bɔri 14:23

Ezipitikaw tugura u kɔ ka don. Ezipiti masacɛ ka soow, n'a ka wotorow bolibagaw n'a ka sotigiw bɛɛ donna u nɔɔ fɛ fɔɔ kɔgɔji cɛma.

Bɔri 14:25

A y'a kɛ u ka wotorow seenw cɛnna, k'u ka taama gwɛlɛya, fɔɔ Ezipitikaw ko: «An ka bɔ Isirayɛlidenw kɔ! Masaba wilila an kama, ka kɛlɛ kɛ u nɔɔ na!»

Bɔri 14:3

Masacɛ ben'a miiri ko aw tununa kongokolon kɔnɔ, ko aw te aw taayɔrɔ lɔn tugu.

Bɔri 14:5

Tuma min na a fɔra Ezipiti masacɛ ye ko Isirayɛli jama bolila ka taga, a n'a ka mɔgɔbabaw ka miiriya yɛlɛmana jama koo la. U ko: «Mun y'a to an ye nin kɛ, ka sira di Isirayɛlidenw ma ka taga? U tena baara kɛ an ye tugu!»

Bɔri 14:8

Masaba ye Ezipiti masacɛ dusu gwɛlɛya. O la, a tugura Isirayɛlidenw kɔ, minw hɔrɔnyanin tun be bɔra.

Bɔri 18:11

Ne y'a lɔn sisan ko Masaba fanga ka bon ni batofɛntɔw bɛɛ ye. Hali tuma min na u tun fariyara a ka mɔgɔw ma.»

Bɔri 6:7

Ne bena aw kɛ ne ka mɔgɔw ye, ne bena kɛ aw ka Ala ye. Aw ben'a lɔn ko ne ye Masaba ye, aw ka Ala, ko ne le ye aw bɔ Ezipitikaw ka fanga kɔrɔ.

Bɔri 7:17

O la, ko i ben'a lɔn ko ale ye Masaba ye cogo min na, o filɛ: bere min be ne bolo, ne bena Nili baji gosi n'o ye, jii bena yɛlɛma ka kɛ joli ye.

Bɔri 7:3

Nga ne bena masacɛ dusu gwɛlɛya. Ne bena taamasiɲɛ ni kabako caaman kɛ Ezipiti jamana na,

Bɔri 7:5

Ni ne ye ne bolo la Ezipiti kan loon min na ka Isirayɛlidenw bɔ u cɛma, o tuma na, Ezipitikaw ben'a lɔn ko ne le ye Masaba ye.»

Bɔri 9:16

Nga ne y'a to yen waasa ka n ka sebagaya yira a la, ani ne tɔgɔ ka fɔ diɲɛ faan bɛɛ la.

Ezekiyɛli 20:9

Nga ne ma o kɛ n tɔgɔ cɛnko kama siya wɛrɛw cɛma, u siginin be minw cɛma. Ne tun ye n yɛrɛ yira u la siya nunu ɲana tuma min na ne tun ye layidu ta u ye ko ne bena u bɔ Ezipiti jamana na.

Ezekiyɛli 28:22

A fɔ ko ne Matigi, Masaba ko: Sidɔn, ne be nana i kama. Ne bena boɲa sɔrɔ i kɔnɔ. Ni ne y'i kɔnɔ mɔgɔw ɲaa gwan k'a yira ko ne ɲɔgɔn te tuma min na, u ben'a lɔn ko ne ye Masaba le ye.

Ezekiyɛli 32:15

Ni ne ye Ezipiti kɛ yɔrɔkolon ye, ni n ye jamana kɔnɔ fɛɛnw bɛɛ cɛ ka bɔ yen, ni n y'a kɔnɔ mɔgɔw bɛɛ faga tuma min na, o tuma na, u ben'a lɔn ko ne ye Masaba le ye.

Ezekiyɛli 38:16

Gɔgi, i bena na ne ka jama Isirayɛli kɛlɛ i n'a fɔ sankaba be dugukolo datugu cogo min na. O bena kɛ waatijan nata la. Ne bena i ci ka taga ne ka jamana kɛlɛ janko siyaw ka ne lɔn ni ne tɛmɛna i fɛ k'a yira ko ne ye senuman ye tuma min na.› »

Ezekiyɛli 38:23

Ne bena o kɛ ka ne ka boɲa yira siya caaman na, ani k'a yira u la ko ne ɲɔgɔn tɛ. O la, u ben'a lɔn ko ne ye Masaba le ye.

Ezekiyɛli 39:13

Jamana mɔgɔw bɛɛ bena sudon baara kɛ. Ne bena n ka boɲa yira loon min na, o loon na, u bena u kuun kɔrɔta. Ne Matigi, Masaba le ko ten.

Sarakalasebagaw 10:3

Musa y'a fɔ Arɔn ye ko: «Masaba kaan tun be nin koo le ma a kumatuma na. A tun ko: ‹Mɔgɔ minw be gwɛrɛ ne la, olu k'u janto ne ka Alaya la. Boɲa ka kan ka la ne kan bɛɛ ɲana.› » Arɔn ma foyi fɔ.

Rɔmukaw 11:8

ka kɛɲɛ ni Ala ka kuma ye ko: «Ala y'u kɛ hakilitanw ye, ka ɲaa d'u ma, u te se ka yeli kɛ ni minw ye, ka tulo d'u ma, u te se ka mɛnni kɛ ni minw ye fɔɔ ka na se bii ma.»

Rɔmukaw 9:17

A kɛra ten fana, Ala y'a fɔ Ezipiti masacɛ ye a ka kuma na ko: «Ne y'i sigi masaya la kuun min na, o ye janko ne ka se ka n ka sebagaya yira, ani ne tɔgɔ ka fɔ diɲɛ faan bɛɛ la.»

Rɔmukaw 9:18

O le kosɔn, ni Ala b'a fɛ ka makari mɔgɔ min na, a be makari o tigi la, n'a b'a fɛ ka mɔgɔ min dusu gwɛlɛya, a b'o tigi ta gwɛlɛya fana.

Yosuwe 11:20

Bari Masaba le tun y'a kɛ siya nunu y'u jaa gwɛlɛya ka kɛlɛ kɛ ni Isirayɛlidenw ye, janko Isirayɛlidenw k'u halaki pewu, u kana makari u la, u k'u halaki pewu i ko Masaba tun y'a fɔ Musa ye cogo min na.

Kititigɛbagaw 4:7

ko ale ben'a to Yabin ka kɛlɛdenw kuntigi Sizera be na i kama Kisɔn kɔɔ daa la, ani a ka kɛlɛkɛwotorow n'a ka kɛlɛdenw, ko ale bena u don i bolo.»