Bɔri 13:13 - ALA KA KUMA

¹³ Aw bena to ka fali deen fɔlɔ kunmabɔ ni sagaden ye k'o di Masaba ma. N'aw m'o kɛ, aw k'a kuun ci. Aw bena to k'aw dencɛ fɔlɔw kunmabɔ fana.

Jula NT of Côte d’Ivoire

¹³ «Ni faliden lo, aw ye sagaden, walama baden dɔ di a nɔ ra, k’a kunmabɔ. Ni aw t’a fɛ k’a kunmabɔ, o tuma aw ye o faliden kan kari k’a faga. Aw ka kan ka aw yɛrɛ dencɛ fɔlɔw fana kunmabɔ.

Bɔri 13:13 Iomraidhean Croise

Bɔri 12:21

O tuma na, Musa ye Isirayɛli cɛkɔrɔbaw bɛɛ wele k'a fɔ u ye ko: «Aw ye taga ka sagadenw minɛ, minw be bɛn aw ka somɔgɔw ma k'o faga k'o kɛ *Hɔrɔnya ɲanagwɛ saraka ye.

Bɔri 12:3

Aw k'a fɔ Isirayɛli jama bɛɛ ye ko kalo nin tile tan, gwatigi kelen kelen bɛɛ ka sagaden minɛ u ka somɔgɔw tɔgɔ la, gwaso kelen, sagaden kelen.

Bɔri 13:2

«Aw k'aw dencɛ fɔlɔw bɛɛ di ne ma, ani begɛnw ta fana, Isirayɛlidenw ka dencɛ fɔlɔw, ani begɛnw ta. O bɛɛ ye ne ta ye.»

Bɔri 34:20

Aw ka sagaden di ne ma fali deen fɔlɔ nɔɔ na. N'i ma se k'o kɛ, i k'a kaan kari. Aw ka begɛn di k'aw dencɛ fɔlɔw bɛɛ kunmabɔ. Mɔgɔ si bololakolon kana na ne ɲakɔrɔ.

Yirari 14:4

O mɔgɔ nunu tun ma sɔn k'u yɛrɛ nɔgɔ ni musoko ye. Olu kɔni, hakɛ t'u kan. Ni Sagaden tagara yɔrɔ o yɔrɔ, u be tugu a kɔ. Olu kisira ka kɛ saraka fɔlɔw ye adamadenw cɛma ka kɛ Ala ni Sagaden ta ye.