Bɔri 12:6 - ALA KA KUMA

⁶ Aw k'o mara fɔɔ kalo nin tile tan ni naaninan loon. Isirayɛli jama bɛɛ ben'o faga o loon na tile bennin kɔ.

Jula NT of Côte d’Ivoire

⁶ Aw ye a mina k’a bla ka se fɔ karo tere tan ni naani ma. Izirayɛlimɔgɔw bɛɛ bɛna o bɛganden faga karo tere tan ni naaninan wulada fɛ.

Bɔri 12:6 Iomraidhean Croise

Lok 2nan 35:1

Zoziyasi ye *Hɔrɔnya ɲanagwɛ kɛ ka Masaba boɲa Zeruzalɛmu. U ye sagadenw faga ka kɛ ɲanagwɛ nin sarakaw ye kalo fɔlɔ tile tan ni naaninan loon.

Ɛsidarasi 6:19

Mɔgɔ minw bɔra jɔnya la ka na, olu ye *Hɔrɔnya ɲanagwɛ kɛ saan kalo fɔlɔ tile tan ni naaninan loon.

Bɔri 12:14

Aw ka kan k'aw hakili to o loon nin koo la, k'a kɛ landa ye, a ɲanagwɛ ka to ka kɛ tuma bɛɛ aw kɔmɔgɔw cɛma.

Bɔri 12:17

Aw ka *Buru funubali ɲanagwɛ kɛ, bari ne ye aw ka jama bɔ Ezipiti jamana kɔnɔ o loon na tigitigi. Aw k'o loon bato k'o kɛ ɲanagwɛ loon ye saan o saan, a kana dabila.

Bɔri 12:18

Burufununan ma don buru min kɔnɔ, aw ben'a daminɛ k'o dumu saan kalo fɔlɔ tile tan ni naaninan loon wuladafɛ fɔɔ ka taga se a tile mugan ni kelen wulafɛ ma.

Bɔri 12:47

Isirayɛli jama bɛɛ ka Hɔrɔnya ɲanagwɛ nin kɛ.

Bɔri 16:1

Isirayɛli jama bɛɛ bɔra Elimu ka taga se Sin kongokolon kɔnɔ, min be Elimu ni Sinayi cɛ. U sera yen kalo filanan tile tan ni duurunan loon, u bɔnin kɔ Ezipiti jamana na.

Bɔri 16:12

«Ne ye Isirayɛlidenw ŋunuŋunukan mɛn. I ka ta'a fɔ u ye ko u bena sogo ɲimi wuladafɛ, ka dumuni kɛ ka fa sɔgɔma. O la, u ben'a lɔn ko ne ye Masaba ye, u ka Ala.»

Bɔri 19:1

Isirayɛlidenw bɔnin kɔ Ezipiti, kalo sabanan dafalon yɛrɛ, u sera kongokolon kɔnɔ Sinayi kulu gɛrɛfɛ.

Bɔri 29:39

I bena kelen bɔ sɔgɔma, ka kelen bɔ wulafɛ, tilekun dontuma na.

Bɔri 29:41

I ka sagaden dɔ nin fana bɔ ten wulafɛ, tilekun dontuma na, ka mugu, ni olivutulu, ani duvɛn fara a kan i n'a fɔ sɔgɔma ta. Saraka jɛnita lo ne Masaba ye, a kasa ka di.

Ezayi 53:6

Anw bɛɛ tun be yaalala an kunfɛ i ko sagaw, an kelen kelen bɛɛ tun be n'an ka sira ye. Nga Masaba ye anw bɛɛ ka juguya sara la a kunna.

Ezekiyɛli 45:21

«Aw ka *Hɔrɔnya ɲanagwɛ daminɛ saan kalo fɔlɔ tile tan ni naaninan loon na, ka tile wolonwula kɛ a la. O waati la, aw ka buru dumu fununan te min na.

Sarakalasebagaw 23:5

«Saan kalo fɔlɔ, tile tan ni naaninan loon tile bentuma na, *Hɔrɔnya ɲanagwɛ min be kɛ ka ne Masaba boɲa, o be daminɛ.

Jateri 28:16

«Saan kalo fɔlɔ tile tan ni naaninan loon, aw ka *Hɔrɔnya ɲanagwɛ kɛ ka ne Masaba bato.

Jateri 28:18

Ɲanagwɛ tile fɔlɔ la, aw ka lajɛn ka ne Masaba bato, aw kana baara gwɛlɛman si kɛ o loon na.

Jateri 9:11

Nga u ben'a kɛ saan kalo filanan tile tan ni naaninan loon tileben tuma na le. U bena sagaden sogo ɲimi, ni fununan te buru min na, ani ɲugu kunaman.

Matiyu 27:20

Sarakalasebagaw ni cɛkɔrɔbaw ye jama kɔnɔnasu, waasa u ka Pilati daali ko a ka Barabasi labila ka Yezu faga.

Matiyu 27:25

Jama bɛɛ y'a fɔ ko: «An kɔni n'an deenw be lɔ n'a ka saya kunko ye.»

Marika 15:1

Sɔgɔma joona, sanni tile ka bɔ, sarakalasebagaw kuntigiw ni sariya karamɔgɔw ni cɛkɔrɔbaw, ani zuwifuw ka kititigɛlaw bɛɛ ye ɲɔgɔn ye Yezu ka koo la. U y'a siri ka taga don Pilati bolo.

Marika 15:11

Nga sarakalasebagaw kuntigiw ye jama kɔnɔnasu k'u ka Pilati daali ko a ka Barabasi bila.

Marika 15:25

U y'a gwengwen lɔgɔ kan tuma min na, o y'a sɔrɔ tilekun bɔra a be lɛrɛ saba bɔ.

Marika 15:8

Jama tagara Pilati fɛ k'a daali ko: «I be to ka koo min kɛ an ye saan o saan Hɔrɔnya ɲanagwɛ tuma na, o kɛ an ye.»

Luka 23:1

O tuma na, kititigɛlaw bɛɛ sinna ka wili ka taga ni Yezu ye Pilati fɛ.

Luka 23:18

U bɛɛ pɛrɛnna ko: «Cɛɛ nin faga, ka Barabasi labila.»

Kɛwalew 2:23

Ala tun y'a ka koo latigɛ cogo min na, a kɛra ten fana. Aw y'a don kojugukɛlaw bolo janko u k'a faga, olu y'a gwengwen lɔgɔ kan k'a faga.

Kɛwalew 3:14

Aw banna Mɔgɔsɔbɛ ni Mɔgɔɲuman na, min y'a yɛrɛ di Ala ma a sago kosɔn. Aw banna ale la ko fɔɔ Pilati ka mɔgɔfagala dɔ le labila.

Kɛwalew 4:27

Tiɲɛ na, Pɔnsi Pilati, ni *Erɔdi, ni Isirayɛli jama ani siya wɛrɛw ye ɲɔgɔn lajɛn dugu nin kɔnɔ i ka baarakɛla senuman Yezu kama i ye min kɛ diɲɛ kisibaga ye.

Yosuwe 5:10

Isirayɛlidenw sigira Giligali, Zeriko kɛnɛba la, k'u ka *Hɔrɔnya ɲanagwɛ kɛ kalo nin tile tan ni naaninan loon wulafɛ.