Bɔri 12:2 - ALA KA KUMA

² «Nin kalo le bena kɛ saan kalo fɔlɔ ye aw fɛ, saan daminɛ kalo.

Jula NT of Côte d’Ivoire

² «Nin karo le bɛna kɛ karo fɔlɔ ye; ale le bɛna kɛ san karo fɔlɔ ye aw fɛ.

Bɔri 12:2 Iomraidhean Croise

Ɛsitɛri 3:7

Sɛrisɛsi ka masaya saan tan ni filanan kalo fɔlɔ la, min ye *Nisan kalo ye, u ye kalabon kɛ u be min wele ko Purimu, Aman ɲana, a ka kan ka kɛ loon min, ni kalo min na, janko o ka lɔn. U ka kalabon ye kalo tan ni filanan le yira min ye *Adari kalo ye.

Bɔri 12:1

K'u to yen Ezipiti jamana kɔnɔ, Masaba y'a fɔ Musa ni Arɔn ye ko:

Bɔri 12:18

Burufununan ma don buru min kɔnɔ, aw ben'a daminɛ k'o dumu saan kalo fɔlɔ tile tan ni naaninan loon wuladafɛ fɔɔ ka taga se a tile mugan ni kelen wulafɛ ma.

Bɔri 12:3

Aw k'a fɔ Isirayɛli jama bɛɛ ye ko kalo nin tile tan, gwatigi kelen kelen bɛɛ ka sagaden minɛ u ka somɔgɔw tɔgɔ la, gwaso kelen, sagaden kelen.

Bɔri 13:3

Musa y'a fɔ jama ye ko: «Aw bɔra jɔnya la loon min na Ezipiti, aw k'aw hakili to o loon na, saan o saan, ka ɲanagwɛ kɛ o loon na, bari Masaba ye aw bɔ yen ni barika ye. Aw man kan ka buru dumu, fununan be min na.

Bɔri 13:4

Aw be bɔra bii *Abibu kalo la.

Bɔri 23:15

Aw ka *Buru funubali ɲanagwɛ kɛ tile wolonwula kɔnɔ, ka buru dumu, fununan te min na, i ko ne y'a fɔ aw ye cogo min na. Aw k'o kɛ a waati latigɛnin na *Abibu kalo la, bari aw bɔra Ezipiti o kalo le la. Mɔgɔ si bololakolon kana na ne ɲakɔrɔ.

Bɔri 34:18

Aw ka *Buru funubali ɲanagwɛ bato. Aw ka buru dumu, fununan te min na, tile wolonwula kɔnɔ, waati latigɛnin na *Abibu kalo la, i ko ne y'a fɔ aw ye cogo min na, bari aw bɔra Ezipiti o kalo la.

Bɔri 40:17

Saan filanan u bɔnin kɔ Ezipiti, o kalo fɔlɔ tile fɔlɔ loon, bugu nin lɔra.

Ezekiyɛli 45:18

Matigi, Masaba ye min fɔ, o filɛ. A ko: «Saan kalo fɔlɔ tile fɔlɔ loon, i ka tura kɛɲɛnin kelen minɛ, fiɲɛ te min na, ka yɔrɔ senuman saniya.

Ezekiyɛli 45:21

«Aw ka *Hɔrɔnya ɲanagwɛ daminɛ saan kalo fɔlɔ tile tan ni naaninan loon na, ka tile wolonwula kɛ a la. O waati la, aw ka buru dumu fununan te min na.

Sarakalasebagaw 23:5

«Saan kalo fɔlɔ, tile tan ni naaninan loon tile bentuma na, *Hɔrɔnya ɲanagwɛ min be kɛ ka ne Masaba boɲa, o be daminɛ.

Jateri 28:16

«Saan kalo fɔlɔ tile tan ni naaninan loon, aw ka *Hɔrɔnya ɲanagwɛ kɛ ka ne Masaba bato.

Sariya 16:1

«Aw kana ɲinɛ ka *Hɔrɔnya ɲanagwɛ kɛ ka Masaba aw ka Ala boɲa *Abibu kalo la. Bari Masaba y'aw bɔ Ezipiti o kalo nin na, sufɛ.